ايماقتار • 21 قازان، 2018

قوستانايدا ەسىرتكى ساتۋشىلاردىڭ كوشەدەگى جارناماسى ءوشىرىلدى

219 رەتكورسەتىلدى

كوپ جىلداردان بەرى قوستاناي قالاسىنداعى ۇيلەردىڭ قابىرعالارىندا، ىرگەتاستارىندا «KST 420»، «سكوروست» نەمەسە ەسىرتكىلەر اتىمەن اتالاتىن ءتۇرلى بەلگىلەر ايقۇش-ۇيقىش جازىلىپ تۇرادى. مۇنىڭ نە ەكەنىن تۇرعىندار بايقاي بەرمەيدى، ونى بالالاردىڭ تەنتەكتىگى دەپ تۇسىنەدى. ال شىندىعىندا بۇل ەسىرتكى ساتۋمەن، تاسۋمەن اينالىساتىنداردىڭ سينتەتيكالىق ەسىرتكى زاتتاردى تىكەلەي قاي جەردەن الۋعا بولاتىنىن ەسكەرتكەن جارناماسى بولىپ تابىلادى. جاقىندا ەسىرتكى بينەسىمەن كۇرەس باسقارماسىنىڭ، جەرگىلىكتى پوليتسيا قىزمەتىنىڭ قىزمەتكەرلەرى جانە ۆولونتەرلەر وسىنداي «سىزبالاردى» ءوشىرىپ، بوياپ تاستاۋ اكتسياسىن وتكىزدى. وبلىستىق ىشكى ىستەر دەپارتامەنتى تۇرعىنداردى وسىنداي جارنامالاردى بايقاسا پوليتسەيلەرگە حابارلاۋدى ءوتىندى.

«جاستاردى وسىنداي جازۋلار وزىنە تارتىپ تۇرادى، ولار سينتەتيكالىق ەسىرتكى زاتتار ۇسىناتىن كۇدىكتى سايتتاردى تاۋىپ الادى. ءبىز مۇنىمەن كۇرەسەمىز، ەسىرتكى تاراتاتىنداردى تابۋ جۇمىسىمەن اينالىسامىز» دەيدى وبلىستىق ىشكى ىستەر دەپارتامەنتى ەسىرتكىمەن كۇرەس باسقارماسىنىڭ جەدەل وكىلى ، پوليتسيا مايورى ايگۇل ەرادىلوۆا.

ءنازيرا جارىمبەت،

«ەگەمەن  قازاقستان»

قوستاناي

سوڭعى جاڭالىقتار

ۇقساس جاڭالىقتار