وبلىستىق ىشكى ىستەر دەپارتامەنتى جەدەل جوسپارلاۋ باسقارماسىنىڭ باستىعى پاۆەل باكساراەۆتىڭ ايتۋىنشا, «102» نومەرىنە قوستانايلىقتاردان كۇنىنە 500 قوڭىراۋ تۇسەدى. ادامداردىڭ اماندىعى مەن قىلمىسكەرلەردى تەز قۇرىقتاۋ پوليتسەيدىڭ اقپاراتتى تەز قابىلداپ, كەشەندى شارالار قابىلداۋىنا تىكەلەي بايلانىستى.
«پوليتسەي تەلەفوننىڭ ار جاعىنان ايتىلعان اقپاراتتى 5 مينۋتتىڭ ىشىندە الۋى ءتيىس.سوندىقتان پوليتسەي ءسوزدى ورنىمەن قولدانۋىن, بولعان وقيعا تۋرالى نەنى سۇراۋىن ءبىلۋى, تەلەفون شالعان ادامدى جۇباتىپ جانە قىلمىستى الدىن الۋى ءتيىس. سوندىقتان ءبىز ءبىرىنشى رەت ادىستەمەلىك ۇسىنىم جاساۋ ءۇشىن تاجىريبەلى پسيحولوگتارعا جۇگىندىك» دەيدى پاۆەل باكساراەۆ.
وبلىستا وتە تاجىريبەلى پسيحولوگتاردىڭ ءوزى پوليتسەيلەرمەن ءبىرىنشى رەت جۇمىس ىستەدى.
«تەلەفونداعى اڭگىمەنىڭ انىق جاسالعان الگوريتمى پوليتسەيدىڭ وقيعا تۋرالى اقپاراتتى تەز, جەدەل الۋىنا جانە ولاردىڭ اسىپ-ساسپاي, سابىرلىلىق تانىتۋىنا وڭ ىقپال ەتەدى» دەيدى «102» وپەراتورلارىنىڭ سەمينارعا قاتىسقان كۋراتورى گۇلدانا قابدىراحمەتوۆا.
ءنازيرا جارىمبەت,
«ەگەمەن قازاقستان»
قوستاناي
