ايماقتار • 21 قازان، 2018

سولتۇستىك قازاقستاندا دەنە شىنىقتىرۋ-ساۋىقتىرۋ كەشەنى اشىلدى

237 رەتكورسەتىلدى

ماعجان جۇماباەۆ اۋدانىنىڭ ورتالىعى  بۋلاەۆو كەنتىندە ەكىقاباتتى ەڭسەلى  دەنەشىنىقتىرۋ- ساۋىقتىرۋ سپورت ورتالىعى قولدانىسقا بەرىلىپ، ابىلايحاننىڭ سەنىمدى سەرىكتەرىنىڭ ءبىرى بولعان باتىر باياننىڭ ەسىمىن يەلەندى.

شارانىڭ اشىلۋ  سالتاناتىندا سويلەگەن سوزىندە وبلىس اكىمىنىڭ ءبىرىنشى ورىنباسارى ايداربەك ساپاروۆ بيىلعى جولداۋدا وڭىرلىك دەڭگەيدەگى رەزەرۆتەردى تاۋىپ، بۇقارالىق سپورت پەن دەنەشىنىقتىرۋدىڭ قولجەتىمدىلىگىن  ارتتىرۋ مىندەتى قويىلعانىن، ەلىمىزدە كەم دەگەندە 100 دەنەشىنىقتىرۋ-ساۋىقتىرۋ كەشەنىن سالۋ تاپسىرماسى بەرىلگەنىن اتاپ كورسەتتى.

ء«وڭىر جۇرتشىلىعىنىڭ 30 پروتسەنتكە جۋىعى سپورتپەن شۇعىلدانىپ، جاستارعا سالاماتتى ءومىر ءسۇرۋ ۇلگىسىن كورسەتىپ كەلەدى. جۋىردا پەتروپاۆل قالاسىندا مەملەكەتتىك-جەكەمەنشىك ارىپتەستىك شەڭبەرىندە 2،6 ميلليارد تەڭگەگەنىڭ امبەباپ تەننيس ورتالىعى تۇرعىزىلدى. بۇل ءۇردىس الداعى ۋاقىتتا دا ءوز جالعاسىن تابادى.كەشەنگە قازاق جەرىن جوڭعار شاپقىنشىلىعىنان قورعاۋدا تەڭدەسسىز ەرلىكتەر كورسەتكەن، ەسىمى حالىق جۇرەگىندە ساقتالعان بايان قاسابولات ۇلىنىڭ ەسىمىن بەرىلۋىن  جۇرتشىلىقتىڭ ۇسىنىس-تىلەكتەرى ەكەنى تالاسسىز »، دەي كەلىپ، ايماق باسشىسى قۇمار اقساقالوۆتىڭ جىلى لەبىزگە تولى قۇتتىقتاۋىن جەتكىزدى.

باتىر باياننىڭ التىنشى ۇرپاعى زەينوللا قاجى ولجاباەۆ، وبلىستىڭ قۇرمەتتى ازاماتى، داڭقتى سپورتشى جامبىل تاسەمەنوۆ، اۋىر اتلەتيكادان وبلىستىڭ اعا جاتتىقتىرۋشىسى ەرىك الىباەۆ، تاعى باسقالارى قۋانىشقا ورتاقتاسىپ، ۇلت دەنساۋلىعىنىڭ ماڭىزىنا توقتالدى.

اۋدان اكىمى اسقار بەگمانوۆ سالاماتتى ءومىر سالتىن بەلسەنە ناسيحاتتاپ، بايراقتىباسەكەلەردە ولجا سالىپ جۇرگەن جەرگىلىكتى سپورتشىلار مەن جاتتىقتىرۋشىلاردى ماراپاتتاپ، اقشالاي سىياقىلار تابىس ەتتى.

1100 شارشى مەتر اۋماقتى الىپ جاتقان كەشەندى سالۋعا  قازىنادان 80  ميلليون تەڭگە باعىتتالدى. مۇندا  ەندى اۋىل بالالارى كۇرەس، اۋىر اتلەتيكا، سپورتتىڭ باسقا دا تۇرلەرىمەن ەركىن اينالىساتىن بولادى.

ءومىر ەسقالي،

«ەگەمەن قازاقستان»

سولتۇستىك قازاقستان وبلىسى

سوڭعى جاڭالىقتار

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

جۇدىرىقتاي جۇمىلايىق

رۋحانيات • بۇگىن، 07:45

كاسىپكەرلەر تىلەگى ەسكەرىلدى

بيزنەس • بۇگىن، 07:40

«موسكۆانىڭ» ماسەلەسى كوپ

ايماقتار • بۇگىن، 07:36

زاۋالدى بىرلىك جەڭەدى

قوعام • بۇگىن، 07:35

جاستار اۋىلدان كەتپەيدى

ايماقتار • بۇگىن، 07:34

يگىلىكتىڭ ءبارى حالىق ءۇشىن

ساياسات • بۇگىن، 07:25

ۇقساس جاڭالىقتار