العاشقى دارىستى امەريكاداعى گارۆارد ۋنيۆەرسيتەتى, كەننەدي باسقارۋ مەكتەبىنىڭ تۇلەگى شىڭعىس مۇقان جۇرگىزگەن ەدى. ەكىنشى ءدارىستى قازاقستاننىڭ ەڭبەك سىڭىرگەن قايراتكەرى, پۋبليتسيست جۋرناليست قاينار ولجاي وقيدى.
قاينار قالياقپار ۇلى ولجاي 1958 جىلى 29 ماۋسىمدا شىعىس قازاقستان وبلىسى, تارباعاتاي اۋدانىندا دۇنيەگە كەلگەن.
«مىڭ ءبىر ماقال», «دەگەن ەكەن», «سولاي بولعان», ء«تىل», «سوزمەرگەن», «ىلىك سەپتىگى», «كەلبەت» ت.ب باعدارلامالاردىڭ, 15 سەريالى تاريحي-دەرەكتى ء«بىرىنشى» تەلەفيلمىنىڭ اۆتورى. 1994 جىلى «پرەزيدەنت پىراعى», 2007 جىلى «قارا نارى قازاقتىڭ», 2008 جىلى «اتامىز - الاسانباي», 2010 جىلى «قانات بايلاعان قازاق» كىتاپتارى جارىققا شىقتى. جاقىندا ق. ولجايدىڭ «قوي باققان قيىن» اتتى دەرەكتى رومانى وقىرمان قاۋىمعا جول تارتقان.
جۋرناليستيكادا دارا جول قالىپتاستىرسام دەيتىن جاس ورەندەردى, بولاشاعىن قالاممەن بايلانىستىراتىن بولاشاق تىلشىلەردى جانە ماقالا جازۋدىڭ قىر-سىرىن مەڭگەرسەم دەگەن تالاپكەرلەردى دارىسىمىزگە شاقىرامىز! سونداي-اق, ساباعىمىزدى الەۋمەتتىك جەلىدەگى پاراقشادا ونلاين كورۋگە مۇمكىندىك بار ەكەنىن ەسكە سالامىز.
