وسى لاۋازىمعا تاعايىندالعانعا دەيىن مارات سۇلتانعازيەۆ قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى بولىپ قىزمەت اتقارعان.
مارات ەلەۋسىز ۇلى سۇلتانعازيەۆ 1976 جىلى الماتى وبلىسىندا دۇنيەگە كەلگەن.
ءبىلىمى – ەكونوميست-قارجىگەر, زاڭگەر, ىسكەرلىك اكىمشىلەندىرۋ ماگيسترى, اباي اتىنداعى الماتى مەملەكەتتىك ۋنيۆەرسيتەتىن, قازاق مەملەكەتتىك زاڭ اكادەمياسىن, ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن تامامداعان.
ەڭبەك جولىن الماتى قالاسىندا سالىق ورگاندارى جۇيەسىنەن باستاپ, ءار ءتۇرلى لاۋازىمداردا ۇزاق ۋاقىت قىزمەت ەتكەن. كەيىنىرەك, قارجى مينيسترلىگىندە دەپارتامەنت ديرەكتورى, ودان سوڭ - قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ سەكتور مەڭگەرۋشىسى, وتكەن جىلى الماتى قالاسى بويىنشا مەملەكەتتىك كىرىستەر دەپارتامەنتىن باسقارعان.
