ەسكە سالساق, رەيتينگ 35 جىلدان بەرى شىعارىلىپ كەلەدى. قازاقستان رەيتينگكە 2006 جىلدان بەرى قاتىسادى. ەسەپكە سايكەس, 140 ەلدىڭ ىشىندە قازاقستان 59 ورىن الىپ وتىر ء(ۇندىستان – 58 جانە كولۋمبيا – 60), بۇل 2017 جىلعى جايعاسىمعا سايكەس كەلەدى (جاڭا ادىستەمەمەن ەسەپتەۋ بويىنشا – 59 ورىن). 12 باسەكەگە قابىلەتتىلىك فاكتورى بويىنشا جاقسارتۋ بەس فاكتور بويىنشا ورىن الدى: «ينستيتۋتتار» +12, «تاۋارلار نارىعى» +10, «ينفراقۇرىلىم»» +3, «ەڭبەك نارىعى» +3, «قارجىلىق جۇيە» +2. تومەندەۋ ءتورت فاكتور بويىنشا ورىن الدى: «داعدىلار» -5, «دەنساۋلىق» -3, «بيزنەستىڭ قارقىندىلىعى» -2, «ماكروەكونوميكالىق تۇراقتىلىق» -1. ءۇش فاكتور بويىنشا جايعاسىم وزگەرگەن جوق: «اقپاراتتىق كوممۋنيكاتسيالىق تەحنولوگيالار», «نارىق كولەمى», «يننوۆاتسيالىق الەۋەت».
«الەم بويىنشا قازاقستان مىناداي پارامەترلەر بويىنشا 1 ورىن العانىن اتاپ كورسەتكىم كەلەدى: كورپوراتيۆتىك باسقارۋ سالاسىنداعى اكتسيونەرلەردىڭ قۇقىعى; تاراتۋ جانە قايتا قۇرىلىمداۋ راسىمدەرىنە قولدانىلاتىن قۇقىقتىق بازانىڭ بالامالىلىعى مەن تۇتاستىعى; ەلەكترلەندىرۋ دارەجەسى», - دەدى مينيستر.
بۇدان باسقا, قازاقستان بيزنەس اشۋ قۇنى بويىنشا جەتىنشى ورىندا جانە مۇددەلەر قايشىلىعىن رەتتەۋ بويىنشا 11 ورىندا تۇر. «كوپتەگەن فاكتورلار بويىنشا قازاقستان ايماقتاعى ەلدەردەن جانە تابىسى سالىستىرمالى دەڭگەيدەگى ەلدەردەن وزىق تۇرعاندىعىن ايرىقشا اتاپ وتكەن ءجون. تابىسى ۇقساس دەڭگەيدەگى ەلدەرمەن سالىستىرعاندا قازاقستان «ماكروەكونوميكالىق تۇراقتىلىق», «اكت», «ەڭبەك نارىعى», «نارىق كولەمى», ء«بىلىم جانە داعدىلار», «بيزنەستىڭ قارقىندىلىعى» فاكتورلارى بويىنشا جوعارى كورسەتكىشكە يە», - دەدى مينيستر.
ەكىنشى جىل قاتارىنان, العاشقى تورتتىكتەگى ەلدەر سول قالپى قالدى, بۇلار اقش, سينگاپۋر, گەرمانيا جانە شۆەيتساريا. تمد ەلدەرىنىڭ اراسىندا رەسەي كوشباسشى بولۋدا (43 ورىن, 2 جايعاسىمعا جوعارى), ودان ءارى قازاقستان (59 ورىن, وزگەرىسسىز), گرۋزيا (66 ورىن, بر جايعاسىمعا جوعارى). دەف قازاقستاندى «ەڭبەك نارىعى» -30 ورىن جانە «بيزنەستىڭ قارقىندىلىعى» - 37 ورىن سەكىلدى فاكتورلار بويىنشا باسەكەلەستىك ارتىقشىلىققا يە دەپ بەلگىلەدى. سونىمەن ءبىر ۋاقىتتا «قارجىلىق جۇيە» (100), «دەنساۋلىق» (97) جانە «يننوۆاتسيالىق الەۋەت» (87) دەف جبي رەيتينگىندە قازاقستاننىڭ ءالسىز فاكتورلارى بولىپ تابىلادى.
«تۇتاس العاندا, جىل سايىنعى رەيتينگ ناتيجەلەرى مەملەكەت باسشىسىنىڭ جولداۋلارىندا بەلگىلەنگەن مىندەتتەردى جۇزەگە اسىرۋ بويىنشا ۇكىمەت جۇرگىزىپ جاتقان جۇمىستاردىڭ ەكونوميكانىڭ باسەكەگە قابلەتتىلىگىن ارتتىرۋدا جانە ازاماتتارىمىزدىڭ ءال-اۋقاتىن كوتەرۋدە كورىنىس تاپقانىن ايعاقتاي تۇسەدى», - دەدى تيمۋر سۇلەيمەنوۆ.
