سەناتورلار الدىمەن اقپاتەر اۋىلدىق وكرۋگى اۋماعىنداعى ورال-كوشىم جۇيەسىنەن باسسەينارالىق سۋدى تاسىمالداۋعا ارنالعان كيروۆ-شەجىن ارناسىن جاڭعىرتۋ جۇمىستارىنىڭ بارىسىنا كۋا بولدى. رەسەيدەن كەلەتىن سۋعا تاۋەلدىلىكتى ازايتۋدى ماقسات ەتكەن بۇل جوبانى جۇزەگە اسىرۋ ءۇشىن رەسپۋبليكالىق بيۋدجەتتەن قوماقتى قاراجات بولىنگەن بولاتىن. قاراشا ايىنىڭ اياعىنا دەيىن بۇل قۇرىلىس پايدالانۋعا بەرىلەتىن بولادى.
سەناتورلار ودان كەيىن جالپاقتال اۋىلىنداعى ەكى قاباتتى 12 پاتەرلىك تۇرعىن ءۇي قۇرىلىسىندا دا بولدى. دەپۋتاتتار ك.مەڭداليەۆ اتىنداعى مەكتەپتىڭ مۋزەيى مەن ءىت سىنىبىن كورىپ, قازىرگى زامانعى تەحنيكامەن جابدىقتالۋى بارىسىمەن تانىستى. ساپار بارىسىندا ع.مولداشەۆ اتىنداعى مەكتەپتە, جالپاقتال اۋرۋحاناسىندا, «ەرتەگى» بوبەكجايىندا بولعان سەناتورلار مەكەمە قىزمەتكەرلەرىمەن جۇزدەسۋ كەزىندە جولداۋدىڭ نەگىزگى باعىتتارىن ءتۇسىندىردى. ۇجىم مۇشەلەرى ەلباسىنىڭ جۇرگىزگەن ساياساتىن, جولداۋدى تىڭداپ, ءاردايىم قولدايتىندىقتارىن جەتكىزدى. سونداي-اق «پەداگوگتار مارتەبەسى تۋرالى» زاڭنىڭ قاجەتتىلىگى, جاستار جىلىن جاريالاۋدىڭ ماڭىزى, اگروونەركاسىپ كووپەرتيۆتەرى مەن قايتا وڭدەۋ سالاسىن, جالپى باسەكەلەستىك پەن ءومىر ساپاسىن ارتىرۋعا باعىتتالعان باعدارلامالاردىڭ قاجەت ەكەنى ايتىلدى.
