ءوز سوزىندە اسقار جۇماعاليەۆ جولداۋ بولىمدەرىنە جەكە توقتالدى جانە ولاردى جۇزەگە اسىرۋ جونىندەگى شارالار تۋرالى باياندادى.
ۆيتسە-پرەمەر جاستاردىڭ نازارىن ءبىلىم بەرۋ جانە يننوۆاتسيالاردى دامىتۋ سالاسىنداعى مۇمكىندىكتەرگە اۋداردى. جانە ولاردى مەملەكەت بارىنشا قولايلى جاعداي جاساعان كەزدە بەلسەندى بولىپ, ءوز مۇمكىندىكتەرىن پايدالانۋعا شاقىردى.
-قۇرمەتتى اتىراۋ قالاسىنىڭ تۇرعىندارى, ەلباسى اتاپ وتكەندەي ءومىر ءسۇرۋ دەڭگەيىن ارتتىرىپ, قازاقستاندىقتاردىڭ جاعدايىن جاقسارتۋ جولىندا جاڭا جەتىستىكتەردى قولدانامىز. ول ءۇشىن ءبىز بىرگە جۇمىس جاساۋىمىز كەرەك,- دەدى ۆيتسە-پرەمەر.
اتىراۋ وبلىسىنىڭ اكىمى نۇرلان نوعاەۆ ءوز سوزىندە ءوڭىر تۇرعىندارى ەلباسى جولداۋىندا كورسەتىلگەن مىندەتتەردى جۇزەگە اسىرۋ ءۇشىن بار كۇش-جىگەرىن جۇمساۋعا دايىن ەكەنىن اتاپ ءوتتى.
-جۇمىس ساپارى بارىسىندا پرەمەر-ءمينيستردىڭ ورىنباسارى اسقار جۇماعاليەۆ «ساندىق قازاقستان» باعدارلاماسى بويىنشا جۇزەگە اسىرىلعان بىرقاتار جوبالارمەن تانىستى. سونىمەن قاتار, «باتىس ترانزيت» جشس-دە اتىراۋ قالاسىنداعى جانە قالا ماڭىنداعى اۋىلدىق وكرۋگتەردە كوشەلەردى جارىقتاندىرۋدى جاڭعىرتۋدان تۇراتىن «اقىلدى» جارىقتاندىرۋدى ەنگىزۋ بويىنشا جوبانى ىسكە اسىرۋ بارىسىمەن تانىستى.
اسقار جۇماعاليەۆ اتىراۋلىق ء«بىلىم-يننوۆاتسيا» ليتسەيىندە بولىپ,EduPage ەلەكتروندى جۋرنالى, ساندىق كىتاپحانا, تسيفرلىق ءبىلىم بەرۋ رەسۋرستارى, سونداي-اق وقۋ ۇدەرىسىن تسيفرلاندىرۋ شەڭبەرىندە جۇرگىزىلگەن جۇمىستارمەن تانىستى.
ايتا كەتۋ كەرەك, وبلىستىڭ ورتا ءبىلىم بەرۋ مەكەمەلەرىندە «ساندىق قازاقستان» مەملەكەتتىك باعدارلاماسىن جۇزەگە اسىرۋ بويىنشا اۋقىمدى جۇمىس جۇرگىزىلۋدە. اتاپ ايتقاندا, 12 وبلىستىق كوللەدج اۆتوماتتاندىرىلعان جۇيەگە قوسىلعان. كەلەسى جىلى «قاۋىپسىز مەكتەپ» جۇيەسىن ەنگىزۋ جوسپارلانۋدا, ستۋدەنتتەردى مەكتەپكە قابىلداۋدى اۆتوماتتاندىرۋ ءۇشىن جۇمىس جۇرگىزىلۋدە. قازىرگى كەزدە 183 مەكتەپ ەلەكتروندى جۋرنال مەن كۇندەلىك جۇيەسىنە قوسىلعان, 163 بالاباقشا جولداما بەرۋدىڭ اۆتوماتتاندىرىلعان جۇيەسىنە اۋىستى.
سودان سوڭ قر پرەمەر-ءمينيسترىنىڭ ورىنباسارى اسقار جۇماعاليەۆ №3 قالالىق ەمحانادا بولىپ قايتتى. ول اقپاراتتىق-اناليتيكالىق جۇيەنىڭ فۋنكتسيونالدىلىعىمەن, ەمحانالارداعى ەلەكتروندى كەزەكپەن, دەنساۋلىق ساقتاۋ سەكتورىن تسيفرلاندىرۋ ۇدەرىسىمەن تانىستى, سونداي-اق ءموبيلدى قوسىمشالارعا قولجەتىمدىلىكتى تەكسەردى.
ول تسيفرلاندىرۋ مەديتسينا قىزمەتكەرلەرى مەن مەديتسينا ۇيىمدارى اراسىندا اقپارات الماسۋعا جاقسى قولداۋ كورسەتىپ وتىرعانىن اتاپ ءوتتى. دەنساۋلىق ساقتاۋ باسقارماسىنىڭ مالىمەتىنشە, قازىرگى ۋاقىتتا وبلىستىڭ 34 مەديتسينالىق ۇيىمىندا 15 مىڭنان استام ادام قولداناتىن ءموبيلدى قوسىمشا بار.
ساپاردىڭ سوڭىندا پرەمەر-ءمينيستردىڭ ورىنباسارى «ەمبىمۇنايگاز» اق باس كەڭسەسىندە بولدى, وندا «عالامدىق ينتەللەكتۋالدى الاڭ» پيلوتتىق جوباسىن تالقىلاۋعا قاتىستى.
ساپاردىڭ سوڭىندا اسقار جۇماعاليەۆ جاۋاپتى تۇلعالارعا بىرقاتار ناقتى تاپسىرمالار بەردى.
