سپيكەر ءوز سوزىندە قىزمەتتىك ادەپ نورمالارىنىڭ ساقتالۋىن جانە مەملەكەتتىك قىزمەت, سىبايلاس جەمقورلىققا قارسى ءىس-قيمىل تۋرالى زاڭناما مەن قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ كودەكسىن بۇزۋشىلىقتاردىڭ پروفيلاكتيكاسىن قامتاماسىز ەتۋ قىزمەتىن جۇزەگە اسىرۋ ماقساتىندا قر پرەزيدەنتىنىڭ جارلىعىمەن ادەپ جونىندەگى ۋاكىل تۋرالى ەرەجە بەكىتىلگەنىن ەسكە سالدى.
«سىبايلاس جەمقورلىققا قارسى ءىس-قيمىل جانە ادەپ كودەكسى ماسەلەلەرى» تاقىرىبىندا وتكەن سەميناردا مەملەكەتتىك قىزمەتشىلەر اراسىندا مەمەلەكەتتىك قىزمەت سالاسىنداعى قازاقستان رەسپۋبليكاسىنىڭ زاڭدىلىق تالاپتارىن, سىبايلاس جەمقورلىق جانە قازاقستان رەسپۋبليكاسىنىڭ ادەپ كودەكسىن ءتۇسىندىرۋ توڭىرەگىندە ءتۇرلى شارالار وتكىزىلىپ وتىراتىندىعى ايتىلدى.اقىلبەك ورازعۇلوۆ مەملەكەتتىك قىزمەتشىنىڭ ادەبى مەن مىنەز-ق ۇلىق ماسەلەلەرىنە ۇلكەن ءمان بەرىلىپ كەلە جاتقاندىعىن ايتىپ ءوتتى.
- مەملەكەتتىك قىزمەتشى ءيميدجىنىڭ تۇتاستىعى جوعارى كاسىبيلىك پەن جەكە قۇزىرەتتەردىڭ, مورالدىق-ادامگەرشىلىك قاسيەتتەردىڭ جانە ادەپتىلىك مىنەز-ق ۇلىقتىڭ كورىنۋىنە نەگىزدەلگەن. بۇدان باسقا مەملەكەتتىك قىزمەتشى مەملەكەتتىڭ مۇددەسىنە جانە ازاماتتاردىڭ قۇقىعىنا زالال كەلتىرەتىن ءىس-قيمىلدارعا قارسى تۇرۋعا, زاڭمەن بەلگىلەنگەن شەكتەۋلەردى ساقتاۋعا مىندەتتى, دەدى سپيكەر.
مەملەكەتتىك ورگاندار قىزمەتكەرلەرى اراسىندا سىبايلاس جەمقورلىققا قارسى «نولدىك توزىمدىلىكتى» قالىپتاستىرۋ جانە ادەپ كودەكسىنىڭ نورمالارىن ساقتاۋ ماسەلەلەرىن تالقىلاۋ ماقساتىندا وتكەن ءىس-شارادا قىزمەتكەرلەر ءوز ۇسىنىستارىن ورتاعا سالىپ, تاجىريبەلەرىمەن ءبولىستى. سونىمەن قاتار, سىبايلاس جەمقورلىق پروفيلاكتيكاسى جانە ادەپ كودەكسى نورمالارىن ساقتاۋ سالاسىنداعى ارنايى بەينەروليكتەر كورسەتىلدى.
ال اگەنتتىكتىڭ اۋماقتىق دەپارتامەنتىنىڭ باسشىسى نۇرگۇل جاننازاروۆا ايماقتا جۇرگىزىلىپ جاتقان بارلىق شارالاردا مەملەكەتتىك قىزمەتكەرلەردىڭ ادەپ نورماسىنا ساي ەمەس مىنەز-ق ۇلىق كورسەتكەندەرى جانە ونىڭ الدىن-الۋ, بولدىرماۋ جولدارى تۋرالى بەينەروليكتەر ۇدايى كورسەتىلىپ وتىراتىندىعىن ايتتى.
- ءاربىر مەملەكەتتىك قىزمەتشى ءوزىنىڭ قوعامنىڭ نەگىزگى تۇلعاسى بولىپ سانالاتىنىندىعىن ەستەن شىعارماۋى ءتيىس. ءبىز وسىنى بارلىق دەڭگەيدەگى جيىنداردا ايتۋمەن كەلەمىز. قازىرگى تاڭدا مەملەكەتتىك قىزمەتكە قابىلداۋ تالاپتارى كۇشەيتىلدى, ولار تەك ءوز قىزمەتىندە عانا ەمەس, جالپى كۇندەلىكتى ومىرىندە وزدەرىن جوعارى دەڭگەيدە ۇستاۋلارى ءتيىس. سونداي-اق جۇمىستان تىس ۋاقىتتا دا جالپى قابىلدانعان ەتيكالىق نورمالاردى ۇستانىپ, قوعامعا جات مىنەز-ق ۇلىق جاعدايلارعا جول بەرمەۋى كەرەك, دەدى ول.
دەپارتامەنت باسشىسى الەۋمەتتىك جەلىلەرگە ۇنەمى مونيتورينگ جۇرگىزىلىپ وتىراتىندىعىن ەسكەرتتى جانە بىرنەشە مىسالدار كەلتىرىپ ءوتتى. سونىڭ ءبىرى جۋىردا ايماقتىق جانە رەسپۋبليكالىق بۇقارالىق اقپارات قۇرالدارىندا جاريا بولعان وبلىستىق مەملەكەتتىك كىرىستەر دەپارتامەنتى قىزمەتكەرلەرىنىڭ سپيرتتىك ىشىمدىكتەرمەن تۇسكەن سۋرەتتەرىن وزدەرىنىڭ پاراقشالارىنا سالعانى ءۇشىن بىرقاتارىنا ءتيىستى شارا الىنعاندىعىن ايتىپ ءوتتى.
سەمينار سوڭى پىكىر الماسۋعا جالعاسقان سوڭ, قازاقستانرەسپۋبليكاسى ۇلتتىق ەكونوميكا مينيسترلىگىنىڭ ادەپ جونىندەگى ۋاكىلى اقىلبەك ورازعۇلوۆ سىبايلاس جەمقورلىق زاڭدىلىقتارىن جانە ەتيكالىق نورمالاردى قاتاڭ ساقتاۋ كەرەك ەكەندىگىن اتاپ ءوتتى. اقتاۋ قالاسىندا وتكەن سەمينار-كەڭەس ەلىمىزدىڭ وزگە دە ايماقتارىندا وتكىزىلمەك.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
