سايىسقا اقتاۋ, اقتوبە جانە اتىراۋ گارنيزوندارىنىڭ 70-كە جۋىق اسكەري قىزمەتشىسى قاتىستى. ولار 9 سالماق دارەجەسى بويىنشا سايىسقا ءتۇستى.
جالپى كوماندالىق ەسەپتە اقتاۋ قالاسى 25744 اسكەري ءبولىمىنىڭ اسكەري قىزمەتشىلەرى جەڭىمپاز اتاندى, ەكىنشى ورىن بەينەۋ اۋىلى 99116 اسكەري ءبولىمىنىڭ اسكەري قىزمەتشىلەرىنە جانە ءۇشىنشى ورىن اقتوبە قالاسى 30238 اسكەري بولىمىنە بۇيىردى.
سايىس بارىسىندا جاۋىنگەرلەر كەرەمەت ۇرىس شەبەرلىكتەرى مەن جوعارى دايىندىق دەڭگەيلەرىن كورسەتتى. سايىسقا مەرزىمدى قىزمەتتەگى اسكەري قىزمەتشىلەرى, قاتارداعى جاۋىنگەر يسلام رۋچكين مەن قاتارداعى جاۋىنگەر الەكسەي لەيحنەر قاتىسىپ, بىرىنشىلىك جەڭىمپازدارى اتاندى.
ەندى «باتىس» وڭق اسكەري قىزمەتشىلەرى وسى جىلدىڭ باستى دوداسى قاراشانىڭ 20-ى مەن 25-ءى ارالىعىندا استانا قالاسىندا وتەتىن جوعارعى باس قولباسشىنىڭ كۋبوگىنا دايىندالاتىن بولادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
