قازاقستان • 17 قازان، 2018

Kazakhstan Fashion Week ءسان اپتالىعى باستالدى

267 رەتكورسەتىلدى

الماتىدا Kazakhstan Fashion Week 25-ءشى ءسان اپتالىعى ەسىگىن اشتى، دەپ حابارلايدى قازاقپارات.

رەسپۋبليكا سارايىندا ءوتىپ جاتقان ۇشكۇندىك شارادا قازاقستاننىڭ 17 ديزاينەرىنىڭ، سونداي-اق وزبەكستان مەن تاجىكستان سانگەرلەرىنىڭ كيىم ۇلگىلەرى كورسەتىلەتىن بولادى. KFW شىمىلدىعىن تەلەجۇرگىزۋشى، ديزاينەر دينارا ءساتجان اشتى. «قازاقستاندا ءسان سالاسى دامىپ جاتقانىنا وتە قۋانىشتىمىن. باسەكەنىڭ ارقاسىندا دامۋ بولاتىنى راس. ءبىزدىڭ ەلدە ستيليستەر، كوسمەتولوگتار، ديزاينەرلەر مەن ۆيزاجيستەردىڭ قاتارى ءوسىپ كەلەدى. باسەكە ساپا تۋدىرادى. مارافوندا سەكىلدى مۇندا ادامدار وتە كوپ. ولاردىڭ قايسىسى مارە سىزىعىنا جەتەتىنىن ۋاقىت كورسەتەدى. مەن fashion-بيزنەسپەن اينالىسا باستاعانىما 8 جىل ءوتىپتى. قازىر بايقاساڭىزدار، وتاندىق ديزاينەرلەردىڭ كيىمىن كيۋ سانگە اينالدى»، - دەدى دينارا ءساتجان.

ديزاينەر بىلتىر كسرو حالىق ءارتىسى روزا باعلانوۆانىڭ تۋعانىنا 95 جىل تولۋىنا وراي العاشقى كوللەكتسياسىن تانىستىرعان بولاتىن.

ال بيىلعى توپتاماسىنىڭ يدەياسى «تاقيالى پەرىشتە» فيلمىنەن باستاۋ الىپ وتىر. وسىعان وراي مودەلدەردىڭ بارلىعى تاقيا كيىپ شىقتى.

پوديۋمداعى شەرۋگە مارات بيسەنعاليەۆتىڭ ديريجەرلىگىمەن الماتى سيمفونيالىق وركەسترى مۋزىكالىق سۇيەمەلدەۋ جاسادى. كەلەسى ديزاينەر توقتار سەيىلبەكوۆ (Tosi) ايەلدەرگە ارنالعان pret-a-porter كوللەتسياسىن كورسەتتى. ال تامارا لامانۋكاەۆا كەڭ جەڭدى، جاكەت سموكينگتەرىن، كەشكى جيىن كيىمدەرىن كورسەتتى.

العاشقى كۇندى ديزاينەرلەر ەرلان جولداسبەك، Arunaz Design مەن الەكسەي چجەن قورىتىندىلادى.

KFW 25 ماۋسىم ىشىندە كوكجيەگىن ايتارلىقتاي كەڭەيتتى. بيىل كورسەتىلىمدەر شىمكەنت (26، 27 قازان)، اقتوبە (6، 7 قاراشا) جانە استانا (21-23 قاراشا) قالالارىندا وتەدى.       

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار