ايماقتار • 17 قازان، 2018

اتىراۋدا 2500 پاتەر ورتالىق جىلۋ جۇيەسىنە قوسىلادى

145 رەتكورسەتىلدى

اتىراۋداعى بالىقشى ىقشام اۋدانىنىڭ 2500 پاتەرى ورتالىق جىلۋ جۇيەسىنە قوسىلادى. بۇگىندە 36 كوپ پاتەرلى ۇيگە جىلۋ بەرىلدى، دەپ حابارلادى اتىراۋ قالاسى اكىمدىگىنىڭ ءباسپاسوز قىزمەتى.

كەشە بالىقشى ىقشام اۋدانىنداعى جاڭا جىلۋ ەنەرگەتيكالىق كەشەنىندە اتىراۋ وبلىسىنىڭ اكىمى نۇرلان نوعاەۆ  تۇرعىن ۇيلەردى ورتالىق جىلۋ جۇيەسىنە قوسۋ بويىنشا جۇرگىزىلىپ جاتقان جۇمىستاردىڭ بارىسىن تەكسەرىپ، بىرقاتار ناقتى تاپسىرمالار بەردى.

قالالىق قۇرىلىس ءبولىمىنىڭ اقپاراتى بويىنشا، ورتالىق جىلۋ جۇيەسىنە بارلىعى 53 ءۇي قوسىلادى، وندا 2500 پاتەر بار. اتىراۋ قالاسى بالىقشى ىقشام اۋدانىنداعى كۆارتالىشىلىك جىلۋمەن جابدىقتاۋ جەلىلەرىن رەكونسترۋكتسيالاۋ شەڭبەرىندە جالپى ۇزىندىعى 8 شاقىرىم جەر ءۇستى ماگيسترالدىق قۇبىرى جۇرگىزىلدى. جىلۋ جەلىلەرى تراسساسىنىڭ جالپى ۇزىندىعى 22 شاقىرىمدى قۇرايدى.

- قازىرگى تاڭدا ىقشام اۋداننىڭ 36 تۇرعىن ۇيىنە جىلۋ بەرىلدى، بارلىق 53 ءۇيدى تولىق قوسۋدى 20 قازانعا دەيىن اياقتاۋ جوسپارلانۋدا، - دەدى اتىراۋ قالاسى اكىمىنىڭ ورىنباسارى نۇرلان تاۋباەۆ.

جوبالىق - سمەتالىق قۇجاتتاماعا سايكەس بالىقشىداعى ۇيلەر جەو-عا تاۋەلدى سحەما بويىنشا جىلىتۋمەن جانە ىقشام اۋداننىڭ تاريحىندا العاش رەت ىستىق سۋمەن قامتاماسىز ەتىلەتىن بولادى. ماگيسترالدىق جىلۋ تراسساسى مەن جىلۋ پۋنكتىنىڭ قۇرىلىسىمەن "ارال سەرۆيس" جشس، كۆارتالىشىلىك جىلۋ تراسساسى قۇرىلىسىمەن - "گراند ماستەر"جشس اينالىستى. جوبا 90% جەرگىلىكتى بيۋدجەتتەن  جانە 10% رەسپۋبليكالىق بيۋدجەتتەن  قارجىلاندىرىلدى. 

- بۇگىنگى تاڭدا جوبا اياقتالدى، ول ءۇش بولىكتەن تۇردى، ءبىرىنشى ءبولىم - ماگيسترالدىق جىلۋ جەلىلەرى، ەكىنشى ءبولىم - ورتالىق جىلۋ پۋنكتى جانە سوڭعى تارماق. بۇگىنگى كۇنى ورتالىق جىلۋ پۋنكتىنىڭ قۋاتى 15 مەگاۆاتت - ىستىق سۋعا، 15 مەگاۆاتت-جىلۋعا، جالپى 30 مەگاۆاتتى قۇرايدى. ءۇش جوبانىڭ جالپى قۇنى - 3، 3 ملرد. تەڭگە، - دەدى قالالىق قۇرىلىس ءبولىمىنىڭ باسشىسى تيمۋر باساروۆ.

بالىقشى كەنتىنىڭ تاريحى 1937 جىلدان باستاپ اتىراۋ بالىق كونسەرۆىلەۋ كومبيناتىنىڭ قۇرىلۋىنان باستاۋ الادى. وسى ۋاقىتقا دەيىن كەنت تۇرعىندارى ۇيدە ىستىق سۋمەن قامتاماسىز ەتۋدىڭ جانە جىلۋ بەرۋدىڭ ناشارلىعىنان ۇلكەن قولايسىزدىقتار كورىپ كەلگەن بولاتىن.

- بۇل ۇيلەردە ىستىق سۋمەن قامتاماسىز ەتۋگە ارنالعان سۋ قۇبىرى بولعان جوق، ال كوپقاباتتى ۇيلەر گاز قازاندارىمەن جىلىتىلدى، ولاردىڭ قۋاتى بارلىق ۇيلەردى جىلىتۋ ءۇشىن جەتپەدى. وتكەن جىلدىڭ كۇزىنەن باستاپ اتىراۋ قالاسىنىڭ اكىمدىگى بالىقشى ىقشام اۋدانىندا جاڭا جىلۋ ەنەرگەتيكالىق كەشەن سالۋ جوباسىن جۇزەگە اسىرۋعا كىرىستى. قازىرگى ۋاقىتتا ۇيلەردى ورتالىق جىلۋ جۇيەسىنە قوسۋ اياقتالۋدا. ەندى وسىنىڭ ارقاسىندا بالىقشى تۇرعىندارىنىڭ ۇيلەرىنە جىلۋ جانە ىستىق سۋ كەلەدى، - دەدى اتىراۋ قالاسىنىڭ اكىمى اليمۇحاممەد قۇتتۇمۇرات- ۇلى.

اتىراۋ وبلىسىنىڭ اكىمى قاراماعىنداعىلارعا بالىقشى ىقشام اۋدانىنداعى ۇيلەردى ورتالىق جىلۋ جۇيەسىنە قوسۋ بويىنشا بارلىق جۇمىستاردى اياقتاۋدى، اقاۋلىقتار مەن اپاتتى جاعدايلاردى بولدىرماۋ ءۇشىن بالىقشى ىقشام اۋدانىنداعى ۇيلەردى ارالاپ شىعۋدى تاپسىردى.

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار