بۇل ىسكە م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ باسپا ءۇيى, سونداي-اق رەسەي جازۋشىلار وداعىنىڭ ماسكەۋ قالالىق ۇيىمى اتسالىسادى.
قازىرگى زامانعى قازاق ادەبيەتىنىڭ ۇزدىك ۇلگىلەرى جيناعىن بۇۇ-نىڭ 6 تىلىنە اۋدارۋ قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ باستاماسىمەن قولعا الىنعان «رۋحاني جاڭعىرۋ» باعدارلاماسى اياسىندا جۇزەگە اسىپ جاتقانى ءمالىم. باعدارلامانىڭ ماڭىزدى باعىتتارىنىڭ ءبىرى – «جاھاندانۋ الەمىندەگى زاماناۋي قازاقستاندىق مادەنيەت». ونىڭ ماقساتى – زاماناۋي قازاق ادەبيەتىنىڭ, مۋزىكاسى مەن بەينەلەۋ ونەرىنىڭ جاۋھارلارىن, كينو مەن تەاتر, حورەوگرافيا سالاسىنىڭ تاۋەلسىزدىك جىلدارىنداعى تابىستارىن دۇنيە جۇزىنە تانىستىرۋ.
مەموراندۋمعا قول قويۋ ءراسىمى قازاقستاننىڭ رەسەيدەگى ەلشىلىگىندە, قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى يمانعالي تاسماعامبەتوۆ پەن «ۇلتتىق اۋدارما بيۋروسىنىڭ» ديرەكتورى راۋان كەنجەحان ۇلىنىڭ قاتىسۋىمەن ءوتتى. قازاقستان تاراپىنان مەموراندۋمعا «رۋحاني جاڭعىرۋ» باعدارلاماسىن جۇزەگە اسىرۋ جونىندەگى ۇلتتىق كوميسسيانىڭ حاتشىسى ايدا بالاەۆا قول قويدى. ء راسىم بارىسىندا ا.بالاەۆا:
– ماسكەۋ مەملەكەتتىك ۋنيۆەرسيتەتى مەن رەسەي جازۋشىلار قاۋىمىنىڭ ورتالىق ايماقتاعى ءىرى ۇيىمىنىڭ مول تاجىريبەسى مەن جوعارى بەدەلىنىڭ ارقاسىندا جوبامىزدىڭ ءساتتى جۇزەگە اساتىنىنا, ياعني قازاق ادەبيەتىنىڭ ورىس تىلىنە اۋدارماسىنىڭ ساپاسى جوعارى بولاتىنىنا ءارى باسىلىم ءورىستىلدى كەڭىستىكتە كەڭ تارالاتىنىنا سەنىمدىمىن, – دەپ جىلى لەبىزىن ءبىلدىردى.
ءوز كەزەگىندە ماسكەۋ مەملەكەتتىك ۋنيۆەرسيتەتى جانىنداعى باسپا ءۇيىنىڭ ديرەكتورى الەكساندر ۆەراكسا ۋنيۆەرسيتەت باسپاسى جوبانىڭ ءساتتى جۇزەگە اسۋى ءۇشىن وقۋ ورنىنىڭ تالاي جىلعى تاجىريبەسىنە ارقا سۇيەپ, بار كۇشتەرىن سالاتىنىن جەتكىزدى. ال رەسەي جازۋشىلار وداعى ماسكەۋ قالالىق ۇيىمىنىڭ توراعاسى ۆلاديمير بويارينوۆ اۋدارمانى انتولوگياعا دايىنداۋ بارىسى قازاقستان مەن رەسەي قالامگەرلەرى اراسىنا التىن ارقاۋ بولىپ, ءوزارا مادەني ىقپالداستىققا وڭ اسەرىن تيگىزەتىنىنە ءۇمىتى زور ەكەنىن ايتتى.
مەموراندۋمدا كورسەتىلگەن ىنتىماقتاستىق اياسىندا رەسەي جازۋشىلار وداعىنىڭ ماسكەۋ قالالىق ۇيىمى ادەبي جيناقتارعا سۇرىپتالعان شىعارمالاردىڭ كوركەم اۋدارماسىمەن جانە ونى رەداكتسيالاۋمەن اينالىسادى. ال ماسكەۋ مەملەكەتتىك ۋنيۆەرسيتەتىنىڭ باسپا ءۇيى انتولوگيانى باسىپ شىعارۋدى, سونداي-اق ونى ءورىستىلدى وقىرماندارعا تاراتۋدى, ناسيحاتتاۋدى ۇيىمداستىرادى.
«ەگەمەن-اقپارات»
