ساپار بارىسىندا سەناتورلار پاۆلودار قالالىق №1 اۋرۋحانا ۇجىمىمەن كەزدەسىپ, ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىنىڭ نەگىزگى باعىتتارىن ءتۇسىندىردى. دەپۋتاتتار ناۋقاستاردى ەمدەۋ سالاسىندا جاڭا ادىستەردى ەنگىزۋگە اتسالىسقان ۋچاسكەلىك دارىگەرلەردىڭ ەڭبەكاقىسى 2019 جىلدىڭ 1 قاڭتارىنان باستاپ كەزەڭ-كەزەڭمەن ۇلعاياتىنىن اتاپ ءوتتى. سونداي-اق ولار مەديتسينالىق قۇجاتتاردى تسيفرلاندىرۋعا اۋىستىرۋ قاجەتتىگىنە نازار اۋداردى.
سەناتورلار سونىمەن قاتار ۋسپەنسك اۋدانىنداعى «گاليتسكوە» سەرىكتەستىگىنىڭ جۇمىسىمەن تانىستى. كەزدەسۋدە جولداۋدا ايتىلعان ماسەلەلەر جانە ەلىمىزگە زاماناۋي اگروتەحنولوگيالاردى كوپتەپ تارتۋعا باعىتتالعان اگروونەركاسىپ كەشەنىنە مەملەكەتتىك قولداۋ كورسەتۋ شارالارى تالقىلاندى.
فاريدا بىقاي,
«ەگەمەن قازاقستان»
پاۆلودار
