— اندورراعا قارسى كەزدەسۋدە جاس فۋتبولشىلارعا مۇمكىندىك بەرەسىز بە؟
— توپتان شىعۋعا مۇمكىندىگىمىز تومەندەگەنىن جاسىرمايمىن. بىراق ءبىز تۋرنير كەستەسىنە قاراماي, ءبىرىنشى ورىن ءۇشىن كۇرەسەتىنىمىز انىق. ەرتەڭگى ويىنعا قاي فۋتبولشى دايىن, سول ويىنشىنى شىعارامىز. ولاردىڭ اراسىندا جاس فۋتبولشىلار دا بولۋى مۇمكىن. سونداي-اق وتكەن ماتچتا كوزگە تۇسە الماعان فۋتبولشىلار ەرتەڭگى ويىندا ءوزىن كورسەتۋ كەرەك دەپ ەسەپتەيمىن.
— لاتۆياداعى ويىندا قۇراماعا نە جەتىسپەدى دەپ ەسەپتەيسىز؟
— ءبىزدىڭ جەڭىسكە دەگەن قۇشتارلىعىمىز تاسىپ تۇردى. گول سوعاتىن بىرنەشە مۇمكىندىك بولعانىمەن, بولمايتىن جەردە قاقپامىزعا گول وتكىزىپ الدىق. فۋتبولشىلار كوبىرەك سەنىمدى ويناپ, ءالى دە شەبەرلىكتەرىن شىڭداۋ كەرەك. سەنىمدىلىك بار جەردە جەڭىستىڭ ءوزى-اق كەلەتىنىن بەلگىلى.
— جاڭا ءسىز بىرنەشە فۋتبولشىنىڭ ويىنى كوڭىلدەن شىققان جوق دەپ ايتىپ قالدىڭىز. ولار نە ءۇشىن كوڭىلىڭىزدەن شىقپادى؟
— مەنىڭشە, ولار وزدەرىنىڭ ويىنىن كورسەتە المادى. ولار بۇدان دا جاقسى ويناۋى ءتيىس ەدى. ەرتەڭ وزگە ويىنشىلارعا دا مۇمكىندىك بەرىپ كورمەكشىمىن. سونداي-اق ءالى تولىق الەۋەتىن كورسەتە الماي جۇرگەن فۋتبولشىلار دا بار.
— باۋىرجان يسلامحان ەرتەڭ الاڭعا شىعا الا ما؟
— ول لاتۆياعا قارسى ويىندا ازداپ جاراقات الىپ قالعان بولاتىن. بىراق, تولىق قۇرامدا جاتتىعۋ جاساپ ءجۇر. بالكىم الاڭعا شىعىپ قالۋى دا عاجاپ ەمەس. قاقپاشى نەپوگودوۆتىڭ قۇراماداعى دەبيۋتىنە ءالى ءبىراز ۋاقىت بار. ويتكەنى, قازىر ەريچتەن اساتىن قاقپاشى جوق.
ءالي بيتورە,
«ەگەمەن قازاقستان»
