31 جەلتوقسان، 2011

قولداۋ سەنىم ارتتىرادى

174 رەت كورسەتىلدى

وتاندىق تاۋار وندىرۋشىلەردى قولداۋعا ەكپىن بەرگەن «اق جول» پار­تياسىنىڭ توراعاسى ازات پەرۋاشەۆ باستاعان ۇيىم مۇشەلەرى تال­دى­قورعان قالاسىنداعى «قاينار اكب» زاۋىتىنىڭ جۇمىسشىلارىمەن كەزدەستى. قۇرامىندا، سونداي-اق وليم­پيادا چەمپيونى ب.سارسەكباەۆ، «قاز­گرانيت» كومپانياسىنىڭ پرەزيدەنتى ا.ابىلداەۆ، «جاس مامان» جاستار قوز­عالىسىنىڭ كوشباسشىسى ە.ءىلياسوۆ، الماتى وبلىسىنىڭ كاسىپكەر­لە­رى قاۋىمداستىعىنىڭ توراعاسى ن.جازىلبەكوۆ، پارتيانىڭ ايماقتىق اكتيۆى بار «اق جول» پارتياسىنىڭ رەس­پۋبليكالىق سايلاۋالدى شتابى­نىڭ ۇگىت-ناسيحات توبى تالدىقورعان قالاسىندا بىرقاتار سايلاۋالدى ءىس-شارالار وتكىزدى.

ال ايماق سايلاۋشىلارىمەن كەزدەسۋ وتكەن «اي-سەر» قوناق ءۇيىنىڭ زا­لىندا ينە شانشار ورىن بولمادى. ا.پەرۋاشەۆ «اق جول» پارتياسىنىڭ العا تارتاتىن باستى ماسەلەلەرىن ءسوز ەتىپ، ەلدەگى باعا ءوسىمى، ازاماتتاردىڭ تابىسى، زەينەتاقىمەن قامتاماسىز ەتۋ، جۇمىسقا ورنالاستىرۋ، تاعى دا باسقا كوپتەگەن حالىقتىڭ الەۋمەتتىك جاعدايلارىنا بايلانىستى سايلاۋ­شىلار سۇراقتارىنا جاۋاپ بەردى.

سونداي-اق، كەڭەستە كاسىپكەرلەر قۇقىعىنىڭ بۇزىلۋى، سىبايلاس جەم­قور­لىق پەن سوت شەشىمدەرىنىڭ كەيبىر داۋلى ماسەلەلەرى تالقىلاندى. ازات پەرۋاشەۆ ايتىپ وتكەندەي، «ەركىن بيزنەس-كليماتتىڭ قالىپتاسۋى – پار­تيانىڭ سايلاۋالدى تۇعىرنا­ما­سى­نىڭ ماڭىزدى بولىگى جانە وسى با­عىتتاعى پارتيانىڭ باستى مىندەتى – قوردالانىپ قالعان ماسەلەلەردى شەشۋ جانە بيزنەسپەن اينالىسۋ ءۇشىن قالىپتى جاعداي تۋعىزۋ».

باسەكەلەستىك پىكىرتالاس بولعاندا عانا حالىقتىڭ مۇددەسى قورعالادى. «اق جول» پارتياسى وپپوزيتسيالىق پارتيا بولعانىمەن، دۇرىس تۇسىنىستىك ورنىققانىن قالايمىز. اقجول­دىق­تار مەملەكەتكە، ەلباسىنا قارسى ەمەس. كەرىسىنشە، تاۋەلسىز ەلىمىزدىڭ دامۋىنا قوسقان مەملەكەت باسشى­سى­نىڭ ەرەن ەڭبەگىن باعالايمىز. ەلىمىزدەگى قول جەتكىزىلگەن جەتىستىكتەردى بىلەمىز. دەگەنمەن، ءالى دە قولعا الاتىن ءتۇيىندى ماسەلەلەر بار. وعان ۇلەس قوسۋعا دايىن ەكەندىكتەرىنە ەكپىن بەردى.

كەزدەسۋدە «اق جول» پار­تيا­سى­نىڭ بەلدى مۇشەسى، جۋرناليست قازى­بەك يسا ءسوز سويلەپ، جەر ءجانناتى جەتىسۋ جۇرتشىلىعى الداعى وتەتىن سايلاۋدا وزدەرىن قولدايتىن­دىقتارىنا سەنىم ءبىلدىردى.

كۇمىسجان بايجان.

تالدىقورعان.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار