31 جەلتوقسان، 2011

تاۋەلسىزدىك تۋى بەرىك قولدا

321 رەت كورسەتىلدى

سان عاسىر ەركىندىك، بوس­تان­دىق جولىندا قيلى-قيلى زامان وتكىزگەن اتا-بابا­لا­رى­مىزدىڭ ارۋاقتارى ريزا بو­لىپ جاتقان شىعار. سول تاۋەلسىزدىككە جەتكەن بۇگىنگى ۇرپاق سونى سەزىنە وتىرىپ، كوك بايراعىن قولىنا بەرىك ۇستاپ ءوسىپ-وركەندەۋ، دامۋ جو­لىنا ءومىرىن ارناۋى كەرەك دەپ بىلەمىن. بۇل جولدا ەلباسىمىز نۇرسۇلتان نازارباەۆ ەرەكشە ۇلگى-ونەگە كورسەتۋدە.

تاۋەلسىزدىكتىڭ 20 جىلدىعى كەڭ تۇردە تۇرمىس-تىرشىلىكتىڭ قاي سالاسىندا بولماسىن ۇلكەن جەتىستىكپەن اتالىپ وتكەنىن كوزىمىز كوردى. مەرەيلى مەرەكە، ۇلى توي بولىپ وتكەنى ءار قازاق­ستان­دىق­تىڭ كوڭىلىنە ءنار، بويىنا قۋات قوسقانى ءسوزسىز. تاۋەلسىزدىككە ار­نال­عان سالتاناتتى جيىندا ءسوي­لە­گەن ن.نازارباەۆ ەلى­مىزدىڭ الەۋ­مەتتىك-ەكونومي­كا­لىق، مادە­ني-عى­لى­مي دامۋىنا، قازاق­ستان حالقىنىڭ بىرلىگى مەن ىنتى­ما­عى­نىڭ نى­عايۋىنا باسا نازار اۋدارىپ، بو­لا­شاعى­مىز­دىڭ با­عىت-باع­دارىن ايقىن­داپ بەردى. توبەڭ كوك­كە جەتكەندەي، كوڭىل-كۇيىڭ ءوسىپ كوتەرىلىپ قالادى ەكەنسىڭ.

جيىرما جىلدا تاۋەلسىزدىكتى بايان­دى ەتىپ، ىرگەمىزدى بەكىتىپ الۋ جەڭىل ءوتتى دەمەسەك كەرەك. ءار ءتۇرلى قيىندىقتار، كەدەرگىلەر، زيانكەستىكتەر از بولعان جوق. ەكونومي­كا­لىق-الەۋمەتتىك جانە ساياسي قيىن­شى­لىقتار دا كەزدەستى. «الىسقا ءسىل­تەپ سونشا قايدا بارادى؟» دەپ ودى­راي­عان­دار دا بولماي قالعان جوق. وس­ى­نىڭ ءبارىن جەڭە وتىرىپ، ەڭسەلى ەل، مىقتى مەملەكەت دارە­جە­سىنە جەتكەنىمىزدى قالاي ماقتانىش ەتپەي تۇرا الا­مىز. 1991 جىلدىڭ وزىندە قا­زاق­ستان رەسپۋبليكاسى اتالۋى، ونىڭ مەملەكەتتىك تاۋەل­سىزدىگى تۋ­را­لى كونس­تي­تۋ­تسيالىق زاڭ قابىل­دانۋى، مەملەكەتتىك رامىزدەرى – ەلدىڭ تۋى، ەل­تاڭ­باسى جانە ءانۇرانىنىڭ قابىل­دا­نۋى ەستەن كەتپەس ەرەكشە قۇبىلىس.

قازاقستاننىڭ تاۋەلسىز ەلگە، دەربەس مەملەكەتكە اينالعانىنا الەمدەگى ايتۋلى مەملەكەتتەر دە كوز تىگىپ، مويىنداپ وتىر. ءارى ءتاۋ­ەلسىزدىگىنىڭ قاۋىپسىزدىگىنە كەپىلدىك بەردى. دەمەك، ولارمەن تەرەزەسى تەڭ ەل قاتارىنا قوسىل­عانىمىز وسى ەمەس پە.

مىنە، اسا ماقتانارلىق زور دارەجەگە جەتۋىمىزگە ەلباسىنىڭ باسشىلىق جاساپ، قيىن دا كۇردەلى جىلداردا ەلىن سوڭىنان ەرتە ءبىلىپ، مول جەتىستىكتەرگە جەتكىزۋى كوڭىلىمىزدى كوركەيتەدى. الداعى اسۋلار دا از ەمەس. سول ءۇشىن جانعا قۋات بەرەتىن كوگىلدىر تۋىمىز ماڭگى جەلبىرەسىن.

توقتار بەيىسقۇلوۆ، جازۋشى، پروفەسسور.

الماتى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار