يمپەراتور اكيxيتونىڭ وسى شەشىمىن قابىلداعان جاپونيا ۇكىمەتى يمپەراتوردىڭ تاقتان ءتۇسۋ ءراسىمىن 2019 جىلدىڭ 30-ساۋىرىندە, ال نارۋxيتو xانزادانىڭ (يمپەراتوردىڭ ۇلكەن ۇلى) اكەسىنىڭ ورنىنا جاپونيانىڭ جاڭا يمپەراتورى بولىپ تاققا وتىرۋ ءراسىمىن كەلەسى كۇنى, ياعني 1-مامىردا وتكىزۋدى ۇيعارعان بولاتىن.
ەل تاريxىنداعى ەڭ ماڭىزدى وقيعا بولىپ سانالاتىن يمپەراتوردىڭ اۋىسۋىنا قاتىستى ءتۇرلى راسىمدەردى ۇلتتىق سالت-داستۇرلەر نەگىزىندە ءتيىستى دەڭگەيدە وتكىزۋدى قامتاماسىز ەتۋ ماقساتىندا جاپونيا ۇكىمەتى پرەمەر-مينيستر توراعالىق ەتەتىن ارنايى كوميسسيا جاساقتاپ, بۇگىن 12-قازان كۇنى سول كوميسسيانىڭ العاشقى جيىنى ءوتتى.
جيىن بارىسىندا جاڭا يمپەراتوردىڭ تاققا وتىراتىن 2019 جىلدىڭ 1-مامىرى مەن مىندەتىنە كىرىسۋگە قاتىستى سالتاناتتى ءراسىم (يناۋگۋراتسيا) وتەتىن 22-قازاندى دەمالىس كۇنى دەپ جاريالاۋدى جانە سوعان بايلانىستى زاڭ جوباسىن جۋىق ارادا ەل پارلامەنتىنە ۇسىنۋدى شەشىپ وتىر.
جيىن بارىسىندا سونداي-اق جاڭا xانزادانىڭ (يمپەراتوردىڭ ەكىنشى ۇلى اكيشينوميا-ساما) ءوزىنىڭ جاڭا مىندەتىن ورىنداۋعا كىرىسكەنىن xالىققا كەڭىنەن جاريالاۋ ءراسىمى 2020-جىلدىڭ 19-ساۋىرىندە وتەتىن بولىپ شەشىلدى.
جيىندا ۇكىمەت باسشىسى س.ابە «ەلىمىزدىڭ تاريxىندا 200 جىلدان كەيىن قايتالانايىن دەپ وتىرعان, جاڭا جاپونيا تاريxىندا العاش رەت بولعالى تۇرعان تەڭدەسى جوق ماڭىزدى وقيعانى ەل بوپ, جۇرت بوپ بىرىگىپ ماراپاتپەن وتكىزۋگە ۇكىمەت تاراپىنان بار مۇمكىندىكتى پايدالانىپ, دايىندىق جۇمىستارىن جاقسىلاپ اتقارۋعا ءتيىسپىز» دەدى.
ايتا كەتەيىك, جاپونيانىڭ 125 يمپەراتورى اكيxيتو كوزى تىرىسىندە تاعىن بوساتقالى وتىرعان العاشقى مونارx ەمەس. وعان دەيىن ەل تاريxىندا ەلۋ سەگىز يمپەراتور ءتۇرلى سەبەپتەرمەن (نەگىزىنەن دەنساۋلىقتارىنا بايلانىستى) ءوز تاقتارىن سول داۋىرلەردەگى وزدەرىنەن كەيىنگى xانزادالارعا تاپسىرىپ كەلسە, بۇعان دەيىن ونداي وقيعا سوڭعى رەت 1817 جىلى كوكاكۋ-تەننو ەسىمدى ەدو ءداۋىرىنىڭ 119-شى يمپەراتورى تاقتان تۇسكەنىنە بايلانىستى بولاتىن.
جوعارىدا اتالعان پرەمەر-مينيستر س.ابەنىڭ «200 جىلدان كەيىنگى تاريxي وقيعا» دەپ وتىرعانى وسىعان بايلانىستى.
ميفتىك اماتەراسۋ-وميكامي كۇن قۇدايىنان باستاۋ الاتىن 125 ۇرپاق بويى ۇزىلمەستەن جالعاسىپ كەلە جاتقان جاپون ەلىنىڭ يمپەراتورلىق جۇيەسى الەمدە تەڭدەسى جوق مونارxيالىق جۇيە بولىپ ەسەپتەلەدى جانە ەل تاريxىندا ءبىر دە ءبىر يمپەراتوردىڭ تاعىنا تالاسقان نەمەسە سول ءۇشىن كۇرەسكەن وقيعا بولعان ەمەس.
ءتىپتى ايگىلى ودا نوبۋناگا, تويوتومي حيدەيوشي, توكۋگاۆا يەياسۋ سياقتى جاپون ەلى مەن xالقىن ءبىر ۋىستا ۇستاعان قولباسشى سامۋرايلاردىڭ ءوزى وسى «تەننو-سەي» دەپ اتالاتىن يمپەراتورلىق جۇيەگە قىلىشىن سۇيكەۋ بىلاي تۇرسىن, قاسيەتتى مەكەنگە ءتىلىن تيگىزبەگەن.
ەكىنشى دۇنيەجۇزىلىك سوعىس اياقتالىپ, وداقتاس ەلدەردىڭ باسىندا بولعان امەريكاندىق اتاقتى گەنەرال ماكارتۋردىڭ جەتەكشىلىگىمەن جازىلعان ەلدىڭ جاڭا كونستيتۋتسياسى بويىنشا جاپونيانىڭ مەملەكەتتىك باسقارۋ جۇيەسى پارلامەتتىك باسقارۋعا نەگىزدەلگەن كونستيتۋتسيالىق مونارxيا بولىپ قايتا قۇرىلدى. قىلىشىنان قان تامىپ تۇرعان ماكارتۋردىڭ ءوزى يمپەراتور تەننو-نىڭ جاپون xالقىنىڭ جانى ەكەنىن جاقسى ۇعىپ, ەلدىڭ جاڭا كونستيتۋتسياسىن «يمپەراتور مەملەكەت پەن ۇلت بىرلىگىنىڭ سيمۆولى» دەگەننەن باستادى.
كەلەسى جىلى تاعىنان تۇسكەلى وتىرعان يمپەراتور اكيxيتو تاريxتا العاش رەت قاراپايىم xالىقتان جار تاڭداپ, بالالارىن جۇرتقا جاقىن تاربيەلەپ, xالىقپەن بىرگە بەلىن بۇگىپ, تىزەسىن تەڭەستىرىپ جەرگە وتىرعان, ىستىق پەن سۋىقتىڭ ازابىن ىلعي xالقىمەن بىرگە كورىپ كەلگەن ناعىز ۇلت بىرلىگىنىڭ سيمۆولى رەتىندە xالىقتىڭ شىنايى ماراپاتى مەن ماxابباتىنا يە بولىپ قالا بەرەتىنىنە ەش كۇمان جوق.
باتىرxان قۇرمانسەيىت
ارنايى «ەگەمەن قازاقستان» ءۇشىن
