شاراعا قالامگەردىڭ كوزىن كورگەن ۇزەڭگىلەس, زامانداس دوستارى, ارىپتەستەرى, اعالىق قامقورلىعى مەن شاراپاتىنا بولەنگەن رۋحاني ىنىلەرى مەن شاكىرتتەرى قاتىسىپ, قازاق ءباسپاسوزى مەن ادەبيەتى ءباھادۇرىنىڭ ادامي بولمىسى, ءومىرى مەن شىعارماشىلىعى جونىندە جان-جاقتى ەستەلىكتەر ايتىلىپ, قايراتكەر تۇلعانىڭ قوعامدىق قىزمەتتەگى ەڭبەگىنە تۇششىمدى باعا بەرىلىپ, ازاماتتىق ۇستانىمى مەن تۇلعالىق بولمىسىنا باسا توقتالدى.
سونداي-اق ءىس-شارا بارىسىندا جازۋشىنىڭ كوركەم ادەبي دۇنيەلەرى مەن پۋبليتسيستيكالىق شىعارمالارى توپتاستىرىلعان كورمە ۇيىمداستىرىلىپ, قالام يەسى كەزىندە قىزمەت ەتكەن «لەنينشىل جاس» (قازىرگى «جاس الاش»), («سوتسياليستىك قازاقستان» (قازىرگى «ەگەمەن قازاقستان») گازەتتەرى مەن «جالىن» جانە «جۇلدىز» جۋرنالدارىنىڭ سارعايعان ارحيۆتىك تىگىندىلەرى دە شەرحان مۇرتازا الەمىنە باس يگەن وقىرمانداردىڭ نازارىنا ۇسىنىلدى. ەسكە الۋ كەشىندە تۇلعا جايلى اسەرلى ەستەلىكتەر ايتىلىپ, دەرەكتى فيلم كورسەتىلدى.
نازەركە جۇماباي,
«ەگەمەن قازاقستان»
