جۋرناليستەر ءۇشىن جابىق رەجيمدە ءوتىپ جاتقان وتىرىستا ۋكراين پراۆوسلاۆ شىركەۋىنىڭ اۆتوكەفاليا ماسەلەسى قاراستىرىلادى دەپ كۇتىلۋدە. كەلىسسوزدەر 11 قازانعا دەيىن جالعاسادى.
بۇعان دەيىن كونستانتينوپول ۆارفولومەياسى پاتريارحىنا ۋكراينا پرەزيدەنتى پەتر پوروشەنكو مەن جوعارعى رادا دەپۋتاتتارى ۋكراينادا اۆتوكەفالدىق شىركەۋ قۇرۋ تۋرالى ءوتىنىش بىلدىرگەن بولاتىن.
23 قىركۇيەك كۇنى ۆارفولومەي پاتريارحى ۋكراين شىركەۋىنىڭ اۆتوكەفاليا الۋعا تولىق قۇقىعى بارىن مالىمدەدى, بىراق بۇل مۇمكىندىكتى بەرۋ, ۇكىم شىعارۋ قۇقىعى كونستانتينوپول پاتريارحىندا عانا بار.
ورىس پراۆوسلاۆ شىركەۋىنىڭ سينودى بۇل وقيعاعا قاتىستى كونستانتينوپول بۇل ىسىمەن شىركەۋ زاڭدارىن بۇزىپ وتىرعانىن ايتتى. اسىرەسە ارحيەرەيلەردىڭ باسقانىڭ ەپارحياسىنا رۇقساتسىز ارالاسا الماۋ ءپرينتسيپى بۇزىلۋدا. ۋكراينا شىركەۋىنىڭ وكىلدەرى كونستانتينوپولدىڭ بۇل شەشىمىنىڭ ساياسي استارى بار دەپ, ۆارفولومەيلەرىمەن كەزدەسۋدەن باس تارتتى.
