ەر-رياد ءجۋرناليستىڭ ىستامبۇل قالاسىنداعى ساۋد ارابياسىنىڭ كونسۋلدىعىندا جوعالعانى تۋرالى اقپاراتتى جالعان دەپ تانۋدا. انكارا ءوز كەزەگىندە ەر-ريادقا قىسىمىن كۇشەيتۋدە.
«ساۋد ارابياسى حاشوگگيدىڭ ىستامبۇلداعى باس كونسۋلدىقتان كەتكەنىن دالەلدەۋى كەرەك. كونسۋلدىق وكىلدەرى ءجۋرناليستىڭ عيماراتتان شىعىپ كەتكەنى تۋرالى جاي حابارلامامەن قۇتىلا المايدى. وكىلەتتى بيلىك مۇنى دالەلدەۋى كەرەك. ەگەر كەتكەن جاعدايدا, كامەرا جازباسى سياقتى ايعاق كەرەك», دەدى تۇركيا پرەزيدەنتى ەردوعان بۋداپەشتەگى كونفەرەنتسيا بارىسىندا.
بۇل وقيعاعا بايلانىستى اقش پرەزيدەنتى دونالد ترامپ ءوز پىكىرىن ءبىلدىردى.
«بۇل جاعداي مەنى دە ۋايىمداتتى. تەز ارادا شەشىمىن تابادى دەپ سەنەمىن. ءدال قازىر ەشكىم ناقتى ەشتەڭە بىلمەيدى. ماعان بۇل ۇنامايدى», دەدى ترامپ.
دجامال حاشوگگي ەر-ريادتاعى قازىرگى ساياسات تۋرالى سىني پىكىرلەرىمەن تانىمال. 2017 جىلى وتانىنان امەريكاعا قونىس اۋدارعان, «ۆاشينگتون پوست» گازەتىنە تۇراقتى جازىپ تۇرعان.
