باس راۆۆين مالىمدەمەسىن «مەن بۇل جەرگە ەڭ قاسيەتتى قالا يەرۋساليمنەن كەلىپ تۇرمىن. ءبىزدىڭ ءدىن نەنى وقىتادى؟ يۋدەي ءدىنىنىڭ نەگىزدەرىنىڭ ءبىرى - شالوم, ياعني بەيبىتشىلىك. بەيبىتشىلىك ادامزات ءومىرىنىڭ ءبىر نەگىزى, بەيبىتشىلىك - قۇدايدىڭ ەسىمدەرىنىڭ ءبىرى», دەپ باستادى.
ونىڭ ايتۋىنشا, وتباسىنىڭ بۇزىلۋىنا تاراپتاردىڭ ءبىر-بىرىنە قۇلاق اسپاۋى سەبەبىنەن تۋىندايدى.
ء«ارتۇرلى جاعدايلار بولىپ جاتادى. زاڭنامامىزعا سايكەس, بارلىق تاراپتاردى تىڭداي ءبىلۋىمىز كەرەك. ونىڭ ورنىنا ءبىز تاراپتاردى تاتۋلاستىرۋعا ماجبۇرلەيمىز. سولايشا, وتباسىنىڭ بۇزىلۋىنا جول بەرمەۋگە تىرىسامىز. تاجىريبەمە سۇيەنە وتىرىپ سويلەر بولسام, ۇرىستىڭ ءبارى - تاراپتاردىڭ ءبىرىن-ءبىرى تىڭداعىسى كەلمەۋى سەبەبىنەن تۋىندايدى. ال تاراپتار ءبىر-ءبىرىنىڭ ءسوزىن تىڭداۋعا بار-جوعى ءبىر ءسات بولسە عانا ءبارى وزگەرىپ شىعا كەلەدى», - دەيدى يتسحاك يوسەف.
يزرايلدەن كەلگەن ي. يوسەف قۇلاققا اسا ءمان بەرۋ كەرەك ەكەنىنە توقتالدى.
«يۋدەي زاڭى بويىنشا ءاربىر دەنە جاراقاتىنىڭ وزىندىك قۇنى بار. ياعني, بەت نەمەسە وزگە دە مۇشە جارالانسا, ونىڭ بەلگىلى ءبىر باعاسى بەلگىلەنگەن. بىراق, بىزدە قۇلاققا تۇسىرگەن جاراقات ءۇشىن كىنالى ادام ەڭ جوعارعى قۇندى تولەيدى. ونىڭ قۇنى - كىسىنى ولتىرگەنمەن بىردەي. ياعني, ادام ەستىمەيتىندەي جاعدايدا قالسا - وندا ول ءولى اداممەن بىردەي بولىپ قالادى».
قورىتىندىلاي كەلە, ول وسىنداي اشىق-ديالوگتىق الاڭداردىڭ بولعانىنا جانە ءدال وسى ءدىن كوشباسشىلارىنىڭ سەزىنىڭ ءرولى ماڭىزدى ەكەنىن ايتتى.
«قاقتىعىس بارىسىندا ءارتۇرلى ادامنىڭ وي-پىكىرلەرى دە ءارتۇرلى. مىنە, سوندىقتان, نۇرسۇلتان نازارباەۆ ءبارىمىزدى ءبىر ۇستەلدىڭ باسىنا جيناپ, بىرەگەي مۇمكىندىك بەرىپ وتىر. ەندىگى جاۋاپكەرشىلىك بىزدە. كونسترۋكتيۆتى ديالوگتى جاساي وتىرىپ, وزگەگە ۇلگى بولا ءبىلۋىمىز كەرەك», - دەپ ءتۇيدى راۆۆين.
اقمارال اعزامقىزى,
«ەگەمەن قازاقستان»
