تسيفرلى مەديتسينانىڭ كۇنى تۋدى - ايجان اجىعاليەۆا

ەلباسىنىڭ قازاقستان حالقىنا جاڭا جولداۋىندا اسىرەسە ءبىلىم, تۇرعىن ءۇي-كوممۋنالدىق شارۋاشىلىعى سالاسىن دامىتۋعا, بانكتەرگە قولداۋعا ەرەكشە كوڭىل ءبولىنىپ وتىر. ءوز باسىم اسىرەسە الداعى جىلدىڭ «جاستار جىلى» دەپ جاريالاناتىنىنا قاتتى قىزىقتىم. بۇل ءبىزدىڭ جاستارىمىزعا, كەلەشەك ۇرپاققا كورسەتىلىپ وتىرعان قامقورلىق, ۇلكەن مۇمكىندىك قوي.

قازاقستان تاۋەلسىزدىك العالى قانشاما بيىك بەلەستى باعىندىرىپ كەلەدى. مۇنىڭ ءبارى ەلدەگى بەيبىت ءومىردىڭ ارقاسى. پرەزيدەنتتىڭ «بارلىق كەزەڭدە دە تابىسقا دەگەن نىق سەنىم مەن حالىقتىڭ بىرلىگى عانا ەل تاعدىرىن شەشكەن. بىرلەسكەن كۇش-جىگەرىمىزدىڭ ارقاسىندا عانا ءبىز ۇلى اسۋلاردى باعىندىرا الامىز» دەۋى – ۇلكەن دانالىقتىڭ كورىنىسى. شىنىن ايتساق, بىرلىك بارلىق سالاعا كەرەك. ءبىزدىڭ مەديتسينا سالاسىنا دا.

بيىلعى جولداۋ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» دەپ اتالدى. تابىس كوبەيىپ, تۇرمىس ساپاسى ارتسا, حالىقتىڭ دەنساۋلىعى دا جاقسارادى. ويتكەنى تابىسى كوپ, تۇرمىسى جوعارى وتباسى ۋاقىتىمەن دەمالادى, ءنارلى تاماق ىشەدى, ءوزىن ساپالىق تۇرعىدا دامىتۋعا مۇمكىندىك تابادى. ارينە, مۇنداي جاعدايدا قازاقستاننىڭ دا دەڭگەيى كوتەرىلەدى. بۇلاردىڭ ءبارى ءبىر-بىرىمەن تىكەلەي بايلانىستى نارسە عوي. ەلباسى العا قويعان مىندەتتەرگە جەتسەك, ەلىمىز الدىڭعى قاتارعا شىعاتىنى انىق.

مەديتسينا قىزمەتكەرلەرى دە قوعامنىڭ اجىراماس ءبىر بولشەگى. جوعارىدا ايتىلعان تۇرمىس پەن تابىس بىزگە دە قاتىستى. الەۋمەتتىك سالا قىزمەتكەرلەرىنىڭ, ونىڭ ىشىندە دارىگەرلەر دە بار, جالاقىسى كوبەيەتىندىگى ءبىزدى دە قۋانتادى. ەڭ باستىسى – قازاقستاندىق مەديتسينا قىزمەتكەرلەرى دۇرىس ءبىلىم السا, مامان رەتىندە جاقسى جۇمىس جاساۋىنا بارلىق جاعداي جاسالسا, بەينەتى مەن زەينەتى ءبىر-بىرىنە ساي بولسا, ودان ارتىق نە كەرەك؟!

ءوزىم قىزمەت ەتەتىن ورال قالاسىنداعى №5 كوپبەيىندى ەمحانا – جاڭادان سالىنعان, جاڭا اۋداندا ورنالاسقان مەكەمە. ءبىزدىڭ ەمحانا اۋماعىندا 51 مىڭ تۇرعىن تىركەلگەن. وسىنشا حالىقتىڭ كوڭىلىنەن شىعۋ, سۇرانىسىن ورىنداۋ وڭاي شارۋا ەمەس. بارلىق جەردەگى سياقتى كادر تاپشىلىعى بىزدە دە كەزدەسەدى. جاقىندا وسى تاقىرىپقا ارنايى كونفەرەنتسيا دا ءوتتى. بىراق, قالاي دەسەك تە دارىگەرلەر گيپپوكرات انتىنا ادال. الدىنا كەلگەن ناۋقاستىڭ بارلىق تالاپ-تىلەگىن ورىنداپ, ءتيىستى ەمىن جاساۋعا بار ىنتاسىن سالىپ قىزمەت ەتىپ كەلەدى.

جاڭا جولداۋدا قاراپايىم حالىقتى قولجەتىمدى باسپانامەن قامتۋ ماسەلەسى تاعى دا ايتىلدى. جالپى ادام بالاسى ءۇشىن ونىڭ ءوز شاڭىراعى, باسپاناسى بولۋى – وتە ماڭىزدى عوي. ەلباسىمىز بۇل ماسەلەنى ارقاشان باستى نازاردا ۇستاپ كەلەدى. وعان ءوزىم دە كۋامىن. وسىدان 10 جىل بۇرىن مەملەكەتتىك باعدارلاما بويىنشا ءوز پاتەرىمە قول جەتكىزدىم. جىلدىق ءوسىمى 10 پايىزبەن الىپ, بۇگىندە ايىنا 17-18 مىڭ تەڭگە ءتولىپ وتىرمىن. مۇنداي مۇمكىندىك قازىر بارشاعا قولجەتىمدى – اقشاڭدى جينا, قۇجاتتارىڭدى رەتتە, يپوتەكاڭدى ال. ەش كەدەرگى جوق قوي.

ايتا بەرسەم, جاڭا جولداۋدان العان اسەرىم كوپ. مىسالى, ءبىلىمدى مەكتەپكە دەيىنگى سالادان باستاۋ تۋرالى ەلباسىنىڭ ءسوزى قاتتى ۇنادى. شىنىندا دا ادامنىڭ مىنەزى, تۇلعالىق ىرگەتاسى بالاباقشادان قالىپتاسادى عوي. بىرلىك پەن تاتۋلىققا, ۇجىمدا ەڭبەك ەتە بىلۋگە بالاباقشادان باۋلىعان ءسابي جامان ادام بولمايدى.

ءبىزدىڭ باتىس قازاقستان وبلىسىندا مەديتسينا سالاسىنا تسيفرلاندىرۋ ءۇردىسى ەرەكشە قولعا الىنعاندىعىنان بارشا جۇرت حاباردار شىعار. مىسالى ءبىزدىڭ ەمحانادا حالىق دەنساۋلىعىن قامتاماسىز ەتۋگە قاجەتتى بارلىق جابدىق بار. قازىردىڭ وزىندە تسيفرلىق مەديتسينانىڭ يگىلىگىن, وڭ ناتيجەسىن كورە باستادىق. قازىر بۇرىنعىداي قاعازباستىلىق جوق. ناۋقاس ەمحاناعا كەلگەندە ءيىن تىرەسىپ كەزەكتە تۇرمايدى. ءوز ۋاقىتى قاشان كەلەتىنىن مونيتوردان كورىپ, جايلى جەردە كۇتەدى. دارىگەرلەر دە قاعاز تاسۋدان قۇتىلدى. بۇرىنعى «دارىگەردىڭ جازۋى تۇسىنىكسىز» دەگەن زامان ءوتتى. ءبىر مىسال ايتايىن, اۋىلدان كەلگەن ءبىر تۋىسىم جاقىندا اۋرۋحاناعا جاتاتىن بولدى. سويتسە, ءبىر ءاناليزىن ۇيدە ۇمىت قالدىرىپتى. بۇرىنعى كەز بولسا اۋلىنا قايتا بارىپ, قانشا ۋاقىتى مەن قارجىسىن جوعالتار ەدى عوي. بۇل جولى دارىگەر ناۋقاستىڭ ەلەكتروندى بازاداعى مالىمەتتەرىن اشىپ قاراپ, بارلىق اناليز ناتيجەسىن سول جەردەن بىلە قويدى. مىنە, تسيفرلى مەديتسينانىڭ كەرەمەتى.

ايجان اجىعاليەۆا,