بۇل ءتۋرنيردىڭ تۇساۋى سوناۋ 1905 جىلى كەسىلگەن بولاتىن. ۋاقىت وزا ول زور بەدەلگە يە بولىپ, قازىرگى كەزدە ايتۋلى جارىستا تەك مىقتىلار عانا كۇش سىناسۋدا. «ۇلكەن دۋلىعى» ساناتىنا ەنگەن مەلبۋرندەگى دودادا تالاي دارابوز تەننيسشىلەردىڭ توپ جارعانىن جانكۇيەرلەر جاقسى بىلەدى. ماسەلەن, بيىلعى جىلدىڭ باسىندا ەرلەر اراسىندا وتكەن باسەكەدە داڭقتى رودجەر فەدەرەرگە تەڭ كەلەر ەشكىم تابىلمادى. وسىلايشا, شۆەيتساريانىڭ ماقتانىشى جاسىل قۇرلىقتاعى جارىستا التىنشى مارتە باس جۇلدەنى ولجالادى. ايەلدەر سايىسىندا دانيالىق كارولينا ۆوزنياتسكيدىڭ باق جۇلدىزى جانىپ, ول ءوزىنىڭ سپورتتىق مانسابىندا تۇڭعىش رەت وسىنداي وراسان زور تابىسقا قول جەتكىزدى. وسى جارقىن جەڭىستەرىنىڭ ارقاسىندا قوس فەدەرەر مەن ۆوزنياتسكيدىڭ ارقايسىسى 4 ميلليون اقش دوللارى كولەمىندە سىياقىعا يە بولدى.
ال 2019 جىلعى اۆستراليانىڭ اشىق بىرىنشىلىگىنىڭ جۇلدە قورى جۇلدە 42,7 ميلليون اقش دوللارىن قۇرادى. ال سول مول قارجاتتىڭ تەننيسشىلەر اراسىندا قالاي بولىسكە سالىناتىنى الداعى كۇندەرى بەلگىلى بولادى.
عالىم سۇلەيمەن,
«ەگەمەن قازاقستان»
