ءدال قازىر شارۋاشىلىعىمدا 1000 باس اسىل تۇقىمدى ءىرى قارا, 1100 باس اسىل تۇقىمدى كوشىم جىلقىسى, 2000 باس ەتتى-ءجۇندى «اقجايىق» تۇقىمدى قويى بار. ەلباسى جولداۋى قاشان دا دامۋدىڭ جاڭا مۇمكىندىكتەرىنە جول اشادى. ونىڭ ايقىن دالەلى – ۇلت كوشباسشىسىنىڭ اۋىل شارۋاشىلىعى ونىمدەرىن دامىتۋعا, اۋىل شارۋاشىلىعى ونىمدەرىن تەرەڭ وڭدەۋ سالاسىن ودان ءارى دامىتۋعا ەرەكشە كوڭىل ءبولۋى. ودان كەيىن ەكسپورتقا شىعارىلاتىن تاۋارلاردىڭ ءتۇرىن كوبەيتۋ, ەلىمىزدەگى تاۋار وندىرۋشىلەردى, ولاردىڭ ونىمدەرىن قولداۋ ماسەلەلەرى تۋرالى دا ايتىلدى. بۇل ەكونوميكانى جان-جاقتى دامىتۋعا سەپتەسىپ, ءبىز سەكىلدى اۋىل كاسىپكەرلەرىنىڭ مۇمكىندىگىن ۇلعايتا تۇسەرى ءسوزسىز.
مەملەكەت باسشىسىنىڭ ەكسپورتقا باعىتتالعان باسەكەگە قابىلەتتى, ساپالى ءونىم ساتۋ تۋرالى تاپسىرماسىنا ساي جاقىن ارادا رەسەي فەدەراتسياسىنداعى تاتارستان رەسپۋبليكاسىنا اسىل تۇقىمدى كوشىم جىلقىلارىن ساتۋعا شىعارماقپىز. وسىنىڭ ءبارى مەملەكەت تاراپىنان بەرىلىپ كەلە جاتقان دەمەۋقارجى كومەگى ەكەنىن دە ايتا كەتكىم كەلەدى.
ءبىز «تسيفرلى قازاقستان» مەملەكەتتىك باعدارلاماسى اياسىندا اقجايىقتا وبلىستا العاش رەت «ەلەكتروندى باقتاشى» جۇيەسىن, جايىلىمدا مالدىڭ قايدا جۇرگەنىن, ورىستەردىڭ جاعدايىن, شابىندىقتىڭ ساپاسىن باقىلاپ, مونيتورينگ جاساپ وتىرۋعا دروندى قولداندىق. ءبىزدىڭ جوسپارىمىز مۇنىمەن شەكتەلمەيدى. مەملەكەت باسشىسىنىڭ جاڭا جولداۋىندا اۋىل شارۋاشىلىعى سالاسىنا جاسالعان مۇمكىندىكتەرى ارقىلى بۇدان دا جوعارى كورسەتكىشتەرگە جەتەتەندىگىمىزگە سەنىمدىمىز.
«قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا «اۋىل – ەل بەسىگى» جوباسىن ۇسىنعان ەلباسى اۋىلسىز كەلەشەك جوق, ءومىر جوق ەكەندىگىن سانامىزعا قۇيىپ بەردى. اۋىلدى قادىرلەۋ, اۋىلدى كوركەيتۋ, اۋىلعا تاعزىم ەتۋ – بولاشاققا الاڭداۋ, كەلەشەككە قامقورلىق جاساۋ. بۇل جوبانىڭ مازمۇنى ەلباسىنىڭ بىلتىر جاريالاعان «بولاشاققا باعدار: رۋحاني جاڭعىرۋ» باعدارلامالىق ماقالاسىمەن استاسىپ جاتىر. اۋىلدا ءوسىپ, بيزنەسىمىزدى وركەندەتكەن ءبىز دە ورتاق ىستەن تىس قالا المادىق. باس كوتەرگەن ازاماتتار جينالىپ, التىن بەسىگىمىز – العاباس اۋىلىنا زاماناۋي سپورت الاڭىن سالىپ بەردىك. اۋىلىمىزعا دەگەن قامقورلىق مۇنىمەن توقتالمايدى, ارينە.
مىنە, ەلباسىنىڭ اۋىلدى ەل بەسىگىنە تەڭەپ وتىرعانى بەكەر ەمەس. ەڭبەك ونىمدىلىگىن جانە قايتا وڭدەلگەن اۋىل شارۋاشىلىعى ءونىمى ەكسپورتىن كوبەيتۋ, مەملەكەتتىك قولداۋدىڭ بارلىق شارالارى ەلىمىزگە زاماناۋي وزىق تەحنولوگيالاردى اۋقىمدى تۇردە تارتۋعا باعىتتالىپ, سالانى باسقارۋدىڭ ۇزدىك تاجىريبەسىن پايدالانۋ, اۋىل كاسىپكەرلەرىنە شارۋاشىلىق جۇرگىزۋدىڭ جاڭا داعدىلارىن ۇيرەتۋ ءۇشىن جاپپاي وقىتۋ جۇيەسىن قالىپتاستىرۋ سەكىلدى بيىلعى جولداۋدا جاڭالىقتار وتە كوپ بولدى. ەلباسىنىڭ ۇكىمەتكە ءۇش جىل ىشىندە وسى ماقساتتارعا جىل سايىن قوسىمشا 100 ملرد تەڭگە قاراستىرۋدى تاپسىرۋى ءبىزدى دە قۋانتادى. ەندى سول العا قويعان مىندەتتەردى مەملەكەتتىك ورگاندارمەن بىرگە جۇزەگە اسىرۋىمىز كەرەك. ەڭ باستىسى قولداۋ بار, تەك ناتيجەلى جۇمىس جاساۋىمىز كەرەك.
ەربولات قۇرمانعاليەۆ,
ء«سابيت» شارۋا قوجالىعىنىڭ جەتەكشىسى,
اقجايىق اۋدانى,
باتىس قازاقستان وبلىسى
