وبلىس اكىمى بولات باقاۋوۆتىڭ توراعالىعىمەن وتكەن جيىندا الداعى جىلى جولداۋدى جۇزەگە اسىرۋ ءۇشىن اتقارىلاتىن ماقسات-مىندەتتەر ايقىندالدى. جولداۋدا ەل دامۋىنىڭ نەگىزگى باعىتتارى بەلگىلەنگەنىن اتاپ ءوتتى.
- ءبىزدىڭ الدىمىزدا تۇرعان باستى ماقسات-ەلباسى ايقىنداعان مىندەتتەردى بارلىق مۇمكىندىكتەرىمىز بەن رەسۋرستارىمىزدى پايدالانا وتىرىپ, تابىستى جۇزەگە اسىرۋ, - دەدى ب. باقاۋوۆ.
جولداۋدا حالىقتىڭ ەڭبەكاقىسىن 2019 جىلدىڭ 1 قاڭتارىنان باستاپ ەڭ تومەنگى جالاقى مولشەرى 1,5 ەسەگە, ياعني 28 مىڭ تەڭگەدەن 42 مىڭ تەڭگەگە دەيىن وسەتىنى ايتىلدى. بۇل كۇندەرى وبلىسىمىزدا «جول كارتاسى 2020-2025» جوباسى جۇزەگە اسۋدا. جوبانىڭ ماقساتى-جاڭا جۇمىس ورىندارىن اشىپ, حالىقتى تابىسپەن قامتاماسىز ەتۋ.
- بۇل ءارتۇرلى مەنشىك يەسىندەگى بارلىق سالالار مەن كاسىپورىندارعا, بيۋدجەتتىك ۇيىمداردىڭ قىزمەتكەرلەرىنە تىكەلەي قاتىستى, – دەپ اتاپ ءوتتى وبلىس اكىمى.
ەكىنشىدەن, جولداۋدا ەكونوميكادا باسەكەلەستىكتى دامىتۋ جانە تۇرعىن ءۇي-كوممۋنالدىق شارۋاشىلىعى مەن تابيعي مونوپوليالاردىڭ قىزمەتى ءۇشىن بەلگىلەنەتىن تاريفتەر سالاسىندا ءتارتىپ ورناتۋ ماقساتىندا ناقتى شارالار قاجەتتىگى ايتىلدى.
مىسالى, وڭىردەگى ەنەرگەتيكا جانە تۇرعىن ءۇي كوممۋنالدىق شارۋاشىلىق باسقارماسىنىڭ مالىمەتىنشە, وبلىستا كوپقاباتتى تۇرعىن ۇيلەردىڭ سانى 2 480. الداعى جىلى 744 ءۇي كۇردەلى جوندەۋدى كۇتۋدە. باسقارما بۇعان دەيىن «تۇرعىن ءۇي كوممۋنالدىق شارۋاشىلىق» سالاسىن جاڭعىرتۋ جانە «2020 جىلعا دەيىن ايماقتاردىڭ دامۋى» باعدارلامالارى بويىنشا رەسپۋبليكالىق بيۋدجەت ەسەبىنەن 175 تۇرعىن ۇيگە جوندەۋ جۇمىستارى جۇرگىزىلگەن. جالپىۇيلىك جىلۋ ەنەرگياسىن ەسەپتەۋ اسپاپتارى مەن اۆتوماتتاندىرىلعان جىلۋ پۋنكتتەرى ورناتىلدى.پاتەر يەلەرىنىڭ باعدارلى الىمدارى ەسەبىنەن 180 ۇيدە جوندەۋ وتكىزىلدى. قازىرگى ۋاقىتتا 3 تۇرعىن ۇيدە جوندەۋ جۇمىستارى جۇرگىزىلۋدە. قوس باعدارلاما شەڭبەرىندە وتكىزىلگەن كۇردەلى جوندەۋدىڭ ارقاسىندا 20 مىڭنان اسا تۇرعىنداردىڭ الەۋمەتتىك-تۇرمىستىق جاعدايلارى مەن تۇرۋ ىڭعايلىلىعى جاقسارتىلدى. جوسپارداعى 703,574 ميلليون تەڭگەدەن ۇيلەرىندە وتكىزىلگەن جوندەۋدەن تۇرعىندار قايتارعان قاراجات كولەمى كەزەڭ جوسپارىنىڭ 65, پايىزىن قۇرادى.
ال, «پاۆلودار جىلۋ جەلىلەرى» جشس, «تۇكش دامۋ قورى» اق جانە «اۆەنتيس گرۋپپ» جشس اراسىنداعى قارجىلىق ليزينگ شارتىمەن پاۆلودار, ەكىباستۇز قالالارىنىڭ كوپقاباتتى تۇرعىن ۇيلەرىندە جالپىۇيلىك جىلۋ ەسەپتەۋ اسپاپتارىن ورناتۋ بويىنشا ءىس-شارالار جۇزەگە اسىرىلۋدا. ەسەپتەۋ قۇرالدارى بار تۇتىنۋشىلار ءۇشىن جىلۋ ەنەرگياسىنا سارالانعان تومەن تاريفتەر ەنگىزىلۋدە.
سونداي-اق, وبلىس اكىمى ەكونوميكا سالاسىندا وتاندىق ءوندىرىس كولەمىن ارتتىرىپ, ەكسپورتتىق ۇلەسىمىزدى ۇلعايتۋ مىندەتى تۇرعانىن اتاپ ءوتتى.
مىسالى, تەحنولوگيالىق قايتا جاراقتاندىرۋعا جەرگىلىكتى ءوندىرىس وشاقتارى 200,0 ملرد. تەڭگە جۇمساعان. وتكەن جىلى وبلىس ەكونوميكاسىنا 484 ملرد. تەڭگە ينۆەستيتسيا تارتىلىپتى. يندۋستريالاندىرۋدىڭ ەكىنشى بەس جىلدىعى اياسىندا 19 جوبا ىسكە اسىرىلىپ, ناتيجەسىندە 3 مىڭداي جۇمىس ورنى اشىلدى. بيىل يندۋستريالاندىرۋ كارتاسى اياسىندا تاعى 8 جاڭا جوبا جۇزەگە اسىرىلماق.
- ايماعىمىزدىڭ اگروونەركاسىپتىك كەشەنىنىڭ مۇمكىندىكتەرىن تولىق پايدالانا وتىرىپ, ەڭبەك ونىمدىلىگ
ءىن جانە اۋىل شارۋاشىلىعى ونىمدەرىن قايتا وڭدەۋ كورسەتكىشتەرىن ارتتىرۋ قاجەت. بۇل رەتتە, وبلىسىمىزعا زاماناۋي اگروتەحنولوگيالاردى تارتۋعا تىرىسۋىمىز كەرەك. ەڭ باستىسى, اۋىل كاسىپكەرلەرىنە شارۋاشىلىق جۇرگىزۋدىڭ جاڭا داعدىلارىن ۇيرەتۋ ءۇشىن جاپپاي وقىتۋ جۇيەسىن قالىپتاستىرعان ءجون,-دەيدى ب. باقاۋوۆ.
وڭىردە سۋارمالى جەرلەردىڭ كولەمىن ارتتىرۋ بويىنشا جۇمىس جالعاسۋدا. بيىل بۇل كورسەتكىش 59 مىڭ گەكتارعا جەتكىزىلمەك. ەرتىس وزەنى مەن ساتباەۆ سۋ ارناسى بويىندا 120 مىڭ گەكتاردان استام القاپتا سۋارمالى ەگىستىك شارۋاشىلىعىن دامىتۋ جوسپارلانۋدا. وبلىسىمىز ءۇشىن جاڭا باعىت-وڭتۇستىكتەگىدەي قانت قىزىلشاسى ءوسىرىپ, ءوندىرۋ جولى باستالماقشى. قازىرگى ۋاقىتتا قانت قىزىلشاسىن وڭدەيتىن كاسىپورىن سالۋ ماسەلەسىن تالقىلانۋدا. وڭىردەگى اگروونەركاسىپتىك كەشەننىڭ الەۋەتىن پايدالانىپ, 2022 جىلعا دەيىن وڭدەلگەن اۋىل شارۋاشىلىعى ونىمدەرىنىڭ ەكسپورتى مەن جۇمىس ونىمدىلىگىن 2,5 ەسە ارتتىرۋدى جوباسى بار.
ارينە, نەگىزگى باسىمدىق-ءوندىرىستى ءوڭىردىڭ وركەندەۋىنە, جاڭا جۇمىس ورىندارىنىڭ اشىلۋىنا, حالىقتىڭ ءومىر ءسۇرۋ دەڭگەيىنىڭ جوعارى بولۋى ءۇشىن شاعىن جانە ورتا بيزنەستى دامىتۋ-وزەكتى ماسەلە. بۇگىنگى تاڭدا ايماقتاعى شاعىن جانە ورتا بيزنەستىڭ ۇلەسى 17 پروتسەنتتى قۇراپ وتىر.
- ءال-اۋقاتىمىزدىڭ تاعى ءبىر ءسيپاتى–ومىر ءسۇرۋ دەڭگەيىنىڭ ارتۋى. ەلباسى ءبىلىم بەرۋدىڭ, دەنساۋلىق ساقتاۋ سالاسىنىڭ, تۇرعىن ءۇيدىڭ ساپاسى مەن قولجەتىمدىلىگى, جايلى جانە قاۋىپسىز جاعدايدا ءومىر ءسۇرۋ ماسەلەلەرىنە ەرەكشە توقتالدى. وسى ورايدا, بيۋدجەتتىك شىعىنداردى قايتا قاراۋ مىندەتى تۇر. الەۋمەتتىك سالاعا باسىمدىق بەرىلۋى ءتيىس. الداعى 5 جىل ىشىندە ءبىلىم, عىلىم, دەنساۋلىق ساقتاۋ سالالارىنا بارلىق قارجى كوزدەرىنەن جۇمسالاتىن قاراجات ىشكى جالپى ءونىمنىڭ 10 پايىزىنا دەيىن جەتكىزىلمەك, - دەدى ايماق باسشىسى.
بۇگىندە وڭىردەگى دەنساۋلىق ساقتاۋ ورىندارى تولىق اقپاراتتىق جۇيەمەن قامتىلعان. انىقتامالار ەلەكتروندى فورماتقا كوشىرىلدى. وسى ورايدا, Damumed ءموبيلدى قوسىمشاسى دا ىسكە قوسىلدى.
وبلىس ورتالىعىنداعى «جەدەل جاردەم ستانساسىنىڭ» بارلىق سانيتارلىق كولىكتەرى GPS ناۆيگاتورلارىمەن جابدىقتالعان. قالا ىشىندە جەدەل جاردەم قىزمەتىنىڭ كەلۋ ۋاقىتى 12 مينۋتتان 9 مينۋتقا قىسقاردى. ءبىر جىلدىڭ ىشىندە مەديتسينا سالاسىنداعى ۇنەمدەلگەن قاراجات مولشەرى 300 ميلليون تەڭگەنى قۇرايدى. بۇل قارجى قۇرال-جابدىقتار مەن كومپيۋتەرلەردى ساتىپ الۋعا جۇمسالماق.
ەلباسىنىڭ تاپسىرماسىنا سايكەس, مەكتەپكە دەيىنگى ءبىلىم بەرۋ ساپاسىن تۇبەگەيلى جاقسارتۋىمىز كەرەك. بۇل سالادا بىلىكتىلىك تالاپتارىن, وقىتۋ ءادىسىن, تاربيەشىلەردىڭ جانە بالاباقشاداعى باسقا دا قىزمەتكەرلەردىڭ ەڭبەگىنە اقى تولەۋ جۇيەسىن قايتا قاراۋ قاجەت. ب.باقاۋوۆ وسى ماقساتتا وبلىسىمىزدا ءتيىستى «جول كارتاسى» ازىرلەنىپ جاتقانىن ايتتى.
بۇدان بولەك, ورتا ءبىلىم بەرۋ جۇيەسى دە نازاردان تىس قالعان جوق. جولداۋدا نازارباەۆ زياتكەرلىك مەكتەپتەرىنىڭ وقىتۋ جۇيەسى مەن ادىستەمەسى مەملەكەتتىك مەكتەپتەر ءۇشىن بىرىڭعاي ستاندارت بولۋى ءتيىس ەكەنى ايتىلدى. بۇل مەكتەپ ءبىلىمىن رەفورمالاۋدىڭ قورىتىندى كەزەڭى بولماق.
وبلىس اكىمى تۇرعىن ءۇي ماسەلەسىنە دە توقتالدى. بۇل رەتتە, مەملەكەت باسشىسى تۇرعىن ءۇي يپوتەكاسىنىڭ قولجەتىمدىلىگىن ارتتىراتىن جاڭا اۋقىمداعى «7-20-25» باعدارلاماسى بويىنشا جۇمىستى كۇشەيتۋدى تاپسىرعان بولاتىن.
- ءبىز اتالعان باعدارلاماعا قاتىسۋعا نيەتتى بيۋدجەتتىك سالا ماماندارى ءۇشىن العاشقى جارنالارىن ءىشىنارا سۋبسيديالاۋدى قولعا الماقپىز, - دەدى ايماق باسشىسى.
سونداي-اق, وبلىس اكىمى بولات باقاۋوۆ جەرگىلىكتى ينفراقۇرىلىمدى دامىتۋ, پوليتسيا قىزمەتىنىڭ جۇمىسىن جەتىلدىرۋ, بەدەلىن ارتتىرۋ ماسەلەلەرىنە, مەملەكەتتىك قىزمەت سالاسىندا جوسپارلانعان جاڭاشىلدىقتارعا, جەمقورلىققا قارسى كۇرەس شارالارىنا, بيۋروكراتيالىق كەدەرگىلەردى جويۋ ماسەلەلەرىنە توقتالدى. تۇرعىنداردار تاراپىنان سىنعا ۇشىرايتىن وڭىردەگى جەر قاتىناستارى سالاسى مەن جىلجىمايتىن م ۇلىككە قاتىستى ماسەلەلەردى رەتكە كەلتىرۋدى جۇكتەدى. ەندى وبلىستاعى جەر قورىنا, جىلجىمايتىن م ۇلىكتەرگە قاتىستى ورتاق بازا قۇرىلادى.
وبلىس اكىمىنىڭ بايانداماسىنان كەيىن اكىمنىڭ ءبىرىنشى ورىنباسارى ۇلان جازىلبەك وڭىردە «نۇرلى جەر» باعدارلاماسى ارقىلى بيىل 300 مىڭ شارشى مەتر تۇرعىن ءۇي بەرىلمەك. قولجەتىمدى تۇرعىن ۇيلەر عانا ەمەس, ەنەرگيالىق ءتيىمدى عيماراتتار تۇرعىزۋىمىز كەرەك,-دەپ اتاپ ءوتتى. جانە «7-20-25» يپوتەكالىق باعدارلاماسى بويىنشا بارلىعى 305 پاتەر ساتىلىپ جاتقانىن ايتتى. بۇگىندە بۇل باعدارلاما بويىنشا 13 ءوتىنىش ءتۇسىپ, ونىڭ 7-ءۋى ماقۇلدانعان.
- وكىنىشكە قاراي, بۇعان دەيىن «7-20-25» باعدارلاماسى بويىنشا وتىنىشتەر از. بۇعان پاتەر ساتىپ الۋعا قاجەتتى العاشقى جارنا كولەمىنىڭ كوپتىگى سەبەپ بولعانداي,- دەدى ۇ.جازىلبەك.
ال, وبلىس اكىمىنىڭ ورىنباسارى ءاليا ارىنوۆا وبلىس بويىنشا سالىقتىق بورىشى بار 12 مىڭ كاسىپكەردىڭ 927 ميلليون تەڭگە كولەمىندەگى قارىزى امنيستيالاناتىنىن ايتتى. شاعىن جانە ورتا بيزنەس سالاسىندا سوڭعى ەكى جىلدا جالپى قۇنى 14 ملرد. تەڭگە بولاتىن 280 جوبا قارجىلاندىرىلعان.
وبلىس اكىمىنىڭ الەۋمەتتىك ماسەلەلەر جونىندەگى ورىنباسارى مەيرام بەگەنتاەۆ ەلباسى تاپسىرماسىنا سايكەس مەكتەپكە دەيىنگى مەكەمەلەردەگى وقىتۋ باعدارلامالارى قايتا قارالاتىنىن جەتكىزدى. بيىلعى جىلدىڭ 1 قىركۇيەگىنەن باستاپ وبلىسىمىزدا 1 جانە 8 سىنىپ ارالىعىنداعى 74 مىڭ وقۋشى نازارباەۆ زياتكەرلىك مەكتەبىنىڭ وقىتۋ ۇلگىسىمەن ءبىلىم الىپ جاتقانىن جەتكىزدى. جىل سوڭىنا دەيىن بارلىق مەكتەپتەر كاسىپتىك باعدارلاۋ جۇمىستارىن جاڭا ارناعا بۇرماق. كەيبىر كوللەدجدەر بىرىكتىرىلدى.
وبلىستىق ءماسليحات حاتشىسى باقىت بەكسەيىتوۆا ۇستازدارعا كوممۋنالدىق تولەمدەر جاساۋدا جەڭىلدىكتەر ۇسىنىلۋىن, باستاپقى جارناسىز تۇرعىن ءۇي الۋ, جەڭىلدىكپەن ساناتوريلەردە دەم الۋ قۇقىعى بەرىلۋى قاجەت دەگەن ۇسىنىسىن ايتتى.
ال, تەرەڭكول اۋدانىنىڭ اكىمى جانات شۇعاەۆتىڭ ايتۋىنشا, اۋداندا اۋىل شارۋاشىلىعى سالاسىندا جەرلەردى ءتيىمدى پايدالانۋ, سۋارمالى ەگىستىك القاپتارىنىڭ كولەمىن ارتتىرۋ مىندەتى تۇر.
قالا اكىمى ءانۋار كۇمپەكەەۆ ايۋتىنشا, تۇرعىن ءۇي-كوممۋنالدىق شارۋاشىلىق سالاسىندا «پاۆلودار ەلەكترجەلىلەرىن تاراتۋ كومپانياسى» اق سياقتى كاسىپورىنداردىڭ كەيبىر قىزمەتتەرىنىڭ اقىسى تومەندەتىلۋدە.
ءوز سوزىندە, وبلىس ورتالىعىنداعى نازارباەۆ زياتكەرلىك مەكتەبىنىڭ ديرەكتورى رينات جۇماباەۆ وبلىستىق ورتا ءبىلىم بەرۋ مەكەمەلەرىمەن تاجىريبە الماسۋ باعىتىندا جۇمىس ىستەۋگە ءازىر ەكەنىن جەتكىزدى.
ال, «مۇناي-حيميا زاۋىتى» جشس-نىڭ ۆيتسە-پرەزيدەنتى ەرمەك بايمۇحانوۆ ءوندىرىستى قولداۋ باعىتىندا مەملەكەت تاراپىنان كورسەتىلىپ جاتقان شارالاردىڭ ماڭىزدىلىعىن اتاپ ءوتتى. كاسىپورىندا قازىر تەحنولوگيا, ساندىق جۇيە قىر-سىرىن بىلەتىن بىلىكتى, ءبىلىمدى جاستار ەڭبەك ەتۋدە. ويتكەنى, مۇناي زاۋىتىندا جۇمىستار تۇگەل اۆتومانتتاندىرىلعان.
اكتيۆ وتىرىسى سوڭىندا ءوڭىر باسشىسى بولات باقاۋوۆ جيىنعا قاتىسۋشىلاردى جولداۋ جۇكتەگەن مىندەتتەردى بىرلەسە جۇزەگە اسىرۋعا شاقىردى.
فاريدا بىقاي,
«ەگەمەن قازاقستان»
پاۆلودار وبلىسى
سۋرەتتى تۇسىرگەن: ۆالەري بۋگاەۆ
