دوڭگەلەك ۇستەل باسىنداعى اڭگىمەدە اكادەميا پروفەسسورلارى, فاكۋلتەت دەكاندارى, كافەدرا مەڭگەرۋشىلەرى جاھاندانۋ جاعدايىنداعى قوعامنىڭ رۋحاني جانە زياتكەرلىك دامۋىن, قۇندىلىقتار ماسەلەسىن, قازىرگى ءبىلىم بەرۋ مەن تاربيە, جاڭا باعىتتاردىڭ دامۋىن جانە ونى ىسكە اسىرۋ جولدارىنىڭ شەشۋشى فاكتورلارىن تالقىلاندى. ۇلتتىق ونەر اكادەمياسى رەكتورىنىڭ مىندەتىن اتقارۋشى, ساياساتتانۋ عىلىمدارىنىڭ دوكتورى, پروفەسسور شارىپبەك امىربەكوۆ قاتاڭ باسەكەلەستىك جاعدايىندا جۇمىس ىستەۋگەن تۋرا كەلىپ وتىرعان بۇگىنگى ۇستازدارعا جۇكتەلەتىن مىندەتتەردى العا تارتا وتىرىپ, بۇل جولداعى ناتيجەنى ءبىلىم ساپاسى مەن بىلىكتى ماماننىڭ عانا ايقىندايتىنىن باسا ايتتى. مۇعالىم مارتەبەسىن بەلگىلەيتىن ارنايى زاڭ قابىلداۋ قاجەتتىلىگى دە باسەكەلەستىكتىڭ بيىگىنە ۇمتىلىپ وتىرعان ءار ۇستازعا بارىنشا قامقورلىق جاساۋ ماقساتىندا قولعا الىنعالى وتىرعانى ايان. «اكادەميادا وقىتۋشىلىق-پروفەسسورلىق قۇرامنان بولەك, 200-دەن اسا كيىم تىگۋشى, جارىق بەرۋشى, اياق كيىم شەبەرى, دەكوراتور سىندى تەحنيكالىق قىزمەتكەرلەر بار, ۇجىمداعى وسى كىسىلەردىڭ ايلىق جالاقىسى ەداۋىر مولشەرگە ارتقالى وتىر» دەدى شارىپبەك امىربەك.
«بۇل جولداۋ ەلباسى جاريالاعان بەس ينستيتۋتسيونالدىق رەفورمانى جۇزەگە اسىرۋ مەن 100 قاداممەن ۇندەس ءارى وزىندىك ەرەكشەلىگى بولا تۇرا, بۇرىنعى جولداۋلاردىڭ زاڭدى جالعاسى سياقتى. جولداۋ جىلداعىداي جىلدىڭ باسىندا ەمەس, جىل سوڭىنا قاراي جاريالانىپ وتىر. بۇل مەملەكەتتىك ورگانداردىڭ كەلەسى جىلعا ارنالعان بيۋدجەتىن الدىن-الا جولداۋدا بەلگىلەنگەن تاپسىرمالارمەن سايكەستەندىرىپ, بەكىتۋگە جانە ءتيىستى باعدارلامالار مەن جوسپارلاردى ۋاقتىلى قابىلداپ, 1 قاڭتاردان باستاپ جۇزەگە اسىرۋىنا, جىل سوڭىندا قويىلعان مىندەتتەردى ورىنداۋىن ناقتى باقىلاۋعا مۇمكىندىك بەرەدى», دەدى اكادەميا جيىنىنا ارنايى كەلگەن «نۇر وتان» پارتياسى مەدەۋ اۋداندىق فيليالى توراعاسىنىڭ ءبىرىنشى ورىنباسارى مەرۋەرت سەرىكقىزى.
اكادەميا پروفەسسورى ەسمۇحان وباەۆ ن.نازارباەۆتىڭ وتانى ءۇشىن, حالقىنىڭ ءال-اۋقاتى ءۇشىن تولعانا كەلىپ جاريالاپ وتىرعان كەزەكتى جولداۋى ەكونوميكا زاڭدىلىقتارىن جانە حالىقارالىق ساياساتتى جاقسى بىلگەندىكتەن دۇنيەگە كەلگەن دەپ توپشىلايدى. «ويتكەنى قالاي بولعاندا دا ەكونوميكالىق ءوسىم حالىقتىڭ ءال-اۋقاتىن كوتەرۋگە ءتيىس. پرەزيدەنت قانداي رەفورمانى قولعا السا دا, ول تەك حالىقتىڭ جاعدايىن وركەندەتۋگە, ەلىمىزدى كوركەيتۋگە ارنالادى».
اكادەميا ستۋدەنتتەرىنە دراماتۋرگيادان ساباق بەرەتىن بەلگىلى جازۋشى-دراماتۋرگ ءسۇلتانالى بالعاباەۆ ءوز سوزىندە جاڭا كەزەڭ تۋدىرىپ وتىرعان قيىندىقتارعا بايلانىستى پرەزيدەنتتىڭ ناقتى شەشىمدەر جيىنتىعىن ۇسىنىپ وتىرعانىن ايتتى. جىلدام دامىپ بارا جاتقان ۋاقىتتىڭ بولجاۋعا كەلمەيتىن كەزدەيسوق قيىندىقتارى جاھاندىق ماسەلەلەرمەن تىعىز بايلانىستى بولعاندىقتان, جۇيەلى جاڭعىرۋ ۇدەرىسىنىڭ ءجۇرۋى قيسىنعا ساي. دراماتۋرگتىڭ پىكىرىنشە, پرەزيدەنت ەلدىڭ ءال-اۋقاتىن كوتەرۋ مەن ءبىلىم ساپاسىنا بەكەر ءمان بەرىپ وتىرعان جوق. ءبىلىم ساپاسىن ارتتىرىپ, ءبىلىمدى جاستار شوعىرىن كوبەيتپەي, مەملەكەتىمىزدەگى وزگە سالالار جۇمىسىنىڭ جاندانۋى دا نەعايبىل. قوعامدى قىزىقتىرىپ نەمەسە الاڭداتىپ وتىرعان ساۋالدارعا پرەزيدەنت جولداۋىندا ناقتى جاۋاپتار مەن شەشىمدەر ايتىلدى. تەك بەلگىلەنگەن مىندەتتەردىڭ جەمىستى جۇزەگە اسۋى ءۇشىن ازاماتتار تاراپىنان ىنتا مەن جىگەر جەتكىلىكتى بولسا, بولعانى.
ايگۇل احانبايقىزى,
«ەگەمەن قازاقستان»
الماتى
