قازاقستان • 09 قازان، 2018

پەتروپاۆلدا قوعام قايراتكەرى ق.تاشتيتوۆكە ەسكەرتكىش تاقتا ورناتىلدى

183 رەتكورسەتىلدى

«الجير» ەستەلىكتەر جيناعىندا 1933-1937 جىلدارى  قازاقستان لكجو ءبىرىنشى حاتشى حاتشىسى قىزمەتىن ابىرويمەن اتقارعان قايسار ءتاشتيتوۆتىڭ جان جارى ساعادات قۇدابايقىزى بىلاي دەپ  سىر شەرتەدى:

«...ۇلت رەسپۋبليكالارى كومسومول كوميتەتتەرى حاتشىلارىنىڭ كەڭەسىندە بلكجو ورتالىق كوميتەتىنىڭ ءبىرىنشى حاتشىسى ا. كوسارەۆ «ەگەر ماعان، ۇلتى ورىس حاتشىسىنان ءتاشتيتوۆتىڭ قانداي ايىرماشىلىعى بار دەپ بىرەۋلەر سۇراي قالسا، مەن ايتار ەدىم–ولاردىڭ ەشقانداي ايىرماشىلىعى جوق. ءتىپتى ءتاشتيتوۆتىڭ قاجىر-قايراتى باسىمدىق الىپ كەتەدى. مەن ونى ورىس وبكومدارىنىڭ قاي-قايسىسىنا بولسا دا جىبەرسەم، ونى باسقارىپ كەتەتىندىگىنە سەنەمىن»، دەگەن ەكەن». اتىنا زاتى ساي اسىل ازاماتتىڭ ءومىر جولىنا ۇڭىلەتىن بولساق، قامشىنىڭ سابىنداي قىسقا عۇمىرىندا جالىنداپ، الماس قىلىشتاي جارقىلداپ وتكەنىن اڭعارۋ قيىن ەمەس. ول وتكەن عاسىردىڭ 20-30 جىلدارى  قازاقستان جاستار قوزعالىسىنىڭ كوشباسشىسى، جەتەكشىسى رەتىندە كەڭىنەن تانىلىپ، نەبىر باستامالارعا مۇرىندىق بولا ءبىلدى. پەتروپاۆل ورىس-قازاق مەكتەبىن، پارتيا-كەڭەس  مەكتەبىن، ماسكەۋ كوممۋنيستىك ۋنيۆەرسيتەتىن بىتىرگەننەن كەيىن بىردەن ساياسي جۇمىستارعا تارتىلىپ، قاشان «حالىق جاۋى» رەتىندە تۇتقىندالعانشا،  ۇلتقا، ەلگە قالتقىسىز قىزمەت ەتتى. وسىنداي تۇلعانى قادىرلەپ-قاستەرلەي بىلگەن جەرلەستەرى ء بىر كەزدەرى گۋبەرنيالىق پارتيا كوميتەتى ورنالاسقان ورتالىق كوشەدەگى ەڭسەلى عيماراتتىڭ قابىرعاسىنا ەسكەرتكىش تاقتا ورناتتى.

سالتاناتتى شارادا سويلەگەن سوزىندە «وداق» كومسومول ارداگەرلەرى قوعامدىق بىرلەستىگىنىڭتوراعاسى ۆالەري ماسلوۆ قايساردىڭ رەۆوليۋتسيالىق ۇياشىقتاردى، ماركستىك ۇيىمداردى ۇيىمداستىرۋشىلاردىڭ ءبىرى بولعانىن، بلكجو-نىڭ ءتورتىنشى سەزىنە قاتىسىپ، شەشەندىگىمەن، بىلىمدىلىگىمەن، پاراساتتىلىعىمەن جۇرتشىلىقتىڭ زور ءىلتيپاتىنا بولەنگەنىن، ورتالىق كوميتەتتىڭ مۇشەلىگىنە سايلانعانىن تەبىرەنە اڭگىمەلەدى. باسقا دا سويلەۋشىلەر باتىل، ەرجۇرەك تۇلعانىڭ ادامگەرشىلىك اسىل قاسيەتتەرىن جاس بۋىنعا ۇلگى –ونەگە ەتۋدىڭ ىزگى جولدارىن  ۇسىندى.

قايسار ءتاشتيتوۆتىڭ الپينيزممەن شۇعىلدانىپ، بىرنەشە رەت پاراشيۋتپەن سەكىرگەنىنە قاراعاندا بيىكتىكتەرگە ۇمتىلۋدان قايمىقپايتىن  تاۋەكەلشىل مىنەزىن تانىتسا كەرەك.

ءومىر ەسقالي،

«ەگەمەن قازاقستان»

 سولتۇستىك قازاقستان وبلىسى

 

سوڭعى جاڭالىقتار

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار