بۇل تۋرالى 8 قازاندا وسكەمەندە وتكەن «نۇر وتان» پارتياسى وبلىستىق فيليالى جانىنداعى قوعامدىق كەڭەستىڭ وتىرىسىندا ايتىلدى. وبلىس اكىمىنىڭ ورىنباسارى سەرىك اقتانوۆ جيىندا جاساعان بايانداماسىندا وبلىستا 2018-2022 جىلدار ارالىعىندا 4608 ورىندىق 11 ستۋدەنتتىك جاتاقحانا سالۋ جوسپارلانىپ وتىرعانىن جەتكىزدى. «ونىڭ ىشىندە 2908 ورىندىق 8 جاتاقحانا جاڭادان سالىناتىن بولسا, 350 ورىندىق 1 جاتاقحانا جوندەۋدەن وتكىزىلەدى. مىڭ ورىندىق جاتاقحانانىڭ قۇرىلىسى اياقتالدى. سونىمەن قاتار 350 ورىندىق تاعى ءبىر جاتاقحانا عيماراتى ساتىپ الىناتىن بولادى. قازىرگى ۋاقىتتا وبلىستىق قۇرىلىس, ساۋلەت جانە قالا قۇرىلىسى باسقارماسى وسكەمەن, سەمەي جانە اياگوز قالالارىنداعى كوللەدجدەر ءۇشىن 5 جاتاقحانا قۇرىلىسىنىڭ جوبالىق-سمەتالىق قۇجاتتارىن ازىرلەپ جاتىر», - دەيدى سەرىك اقتانوۆ.
وتىرىستا بيىل سەمەيدەگى ەلەكتروتەحنيكا كوللەدجى ءۇشىن 250 ورىندىق جاتاقحانا پايدالانۋعا بەرىلەتىنى جانە الداعى ۋاقىتتا وڭىردەگى ءۇش بىردەي جوعارى وقۋ ورىندارى – س.امانجولوۆ اتىنداعى شقمۋ, د.سەرىكباەۆ اتىنداعى شقمتۋ جانە سەمەيدەگى شاكارىم ۋنيۆەرسيتەتتەرى ءۇشىن ءۇش جاتاقحانا قۇرىلىسى باستالاتىنى ءمالىم بولدى.
ازامات قاسىم,
«ەگەمەن قازاقستان»
وسكەمەن
