«عىلىم مەن تەحنيكا, ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىقتارى تۋرالى» قازاقستان رەسپۋبليكاسى پرەزيدەنتىنىڭ 2007 جىلعى 13 تامىزداعى №381 جارلىعىنا وزگەرىستەر مەن تولىقتىرۋ ەنگىزۋ تۋرالى
قاۋلى ەتەمىن:
1. «عىلىم مەن تەحنيكا, ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىقتارى تۋرالى» قازاقستان رەسپۋبليكاسى پرەزيدەنتىنىڭ 2007 جىلعى 13 تامىزداعى №381 جارلىعىنا (قازاقستان رەسپۋبليكاسىنىڭ ءپۇاج-ى, 2007 ج., №27, 310-قۇجات; 2008 ج., №42, 465-قۇجات; 2009 ج., №27-28, 234-قۇجات) مىناداي وزگەرىستەر مەن تولىقتىرۋ ەنگىزىلسىن:
1) جوعارىدا اتالعان جارلىقپەن بەكىتىلگەن عىلىم مەن تەحنيكا, ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىقتارى تۋرالى ەرەجەدە:
4-تارماقتىڭ ءۇشىنشى بولىگى مىناداي رەداكتسيادا جازىلسىن:
«عىلىم مەن تەحنيكا سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيانىڭ قىزمەتىن قامتاماسىز ەتۋدى قازاقستان رەسپۋبليكاسى ءبىلىم جانە عىلىم مينيسترلىگى, ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيانىڭ قىزمەتىن قامتاماسىز ەتۋدى قازاقستان رەسپۋبليكاسى مادەنيەت مينيسترلىگى جۇزەگە اسىرادى.»;
5-تارماقتىڭ ءۇشىنشى بولىگى مىناداي رەداكتسيادا جازىلسىن:
«ديپلومدار مەن توسبەلگىسىن دايىنداۋعا, ساراپتاما جۇرگىزۋگە بايلانىستى شىعىستار قازاقستان رەسپۋبليكاسى ءبىلىم جانە عىلىم مينيسترلىگى مەن قازاقستان رەسپۋبليكاسى مادەنيەت مينيسترلىگىنىڭ قاراجاتى ەسەبىنەن قارجىلاندىرىلادى.»;
6-تارماق مىناداي مازمۇنداعى التىنشى بولىكپەن تولىقتىرىلسىن:
«ءبىر اۆتور نەمەسە اۆتورلار ۇجىمى مەملەكەتتىك سىيلىققا قاتارىنان ەكى رەت ۇسىنىلا المايدى.»;
11-تارماقتىڭ ءبىرىنشى ابزاتسى مىناداي رەداكتسيادا جازىلسىن:
«11. قازاقستان رەسپۋبليكاسى ءبىلىم جانە عىلىم مينيسترلىگى مەن قازاقستان رەسپۋبليكاسى مادەنيەت مينيسترلىگى:»;
15-تارماق مىناداي رەداكتسيادا جازىلسىن:
«15. تۇلعا مەملەكەتتىك سىيلىق الۋعا ۇسىنعاننان كەيىن قايتىس بولعان جاعدايدى قوسپاعاندا, مەملەكەتتىك سىيلىق قايتىس بولعاننان كەيىن بەرىلمەيدى.
بۇل جاعدايدا قايتىس بولعان لاۋرەاتتىڭ ديپلومى, توسبەلگىسى مەن اقشالاي سىياقىسى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن مۇرا بويىنشا بەرىلەدى.»;
2) جوعارىدا اتالعان جارلىقپەن بەكىتىلگەن ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيا تۋرالى ەرەجەدە:
4-تارماق مىناداي رەداكتسيادا جازىلسىن:
«4. كوميسسيانىڭ جۇمىس ورگانى قازاقستان رەسپۋبليكاسى مادەنيەت مينيسترلىگى بولىپ تابىلادى.»;
3) جوعارىدا اتالعان جارلىقپەن بەكىتىلگەن عىلىم مەن تەحنيكا سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيانىڭ قۇرامى وسى جارلىققا 1-قوسىمشاعا سايكەس جاڭا رەداكتسيادا جازىلسىن;
4) جوعارىدا اتالعان جارلىقپەن بەكىتىلگەن ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيانىڭ قۇرامى وسى جارلىققا 2-قوسىمشاعا سايكەس جاڭا رەداكتسيادا جازىلسىن.
5) جوعارىدا اتالعان جارلىقپەن بەكىتىلگەن قازاقستان رەسپۋبليكاسى مەملەكەتتىك سىيلىعى لاۋرەاتىنىڭ ديپلومى مەن توسبەلگىسىنىڭ سيپاتتاماسىندا:
1-تارماقتىڭ ءۇشىنشى بولىگى مىناداي رەداكتسيادا جازىلسىن:
«مۇقابادا التىن تۇسپەن باتىڭقى تۇسىرىلگەن:
1) ۇستىڭگى جاعىندا – قازاقستان رەسپۋبليكاسىنىڭ مەملەكەتتىك ەلتاڭباسى;
2) مەملەكەتتىك ەلتاڭبانىڭ تومەنگى جاعىندا – مەملەكەتتىك تىلدە:
«قازاقستان رەسپۋبليكاسى
مەملەكەتتىك سىيلىعى لاۋرەاتىنىڭ
ديپلومى»
دەگەن جازۋ ورنالاسادى (1-قوسىمشا).»;
2-تارماقتىڭ ەكىنشى جانە ءۇشىنشى بولىگى مىناداي رەداكتسيادا جازىلسىن: «جاپسىرمانىڭ سىرتقى جاعىندا: 1) ۇستىڭگى جاعىندا – قازاقستان رەسپۋبليكاسىنىڭ مەملەكەتتىك ەلتاڭباسى; 2) مەملەكەتتىك ەلتاڭبانىڭ تومەنگى جاعىندا – مەملەكەتتىك تىلدە:«قازاقستان رەسپۋبليكاسى
مەملەكەتتىك سىيلىعى لاۋرەاتىنىڭ
ديپلومى»
دەگەن جازۋ ورنالاسادى (2-قوسىمشا).
جاپسىرما بەتتىڭ ىشكى ەكى جاعىنىڭ ورتاسىندا قازاقستان رەسپۋبليكاسى مەملەكەتتىك ەلتاڭباسىنىڭ فوندىق بەينەسى سالىنعان.». 2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2011 جىلعى جەلتوقساننىڭ 28-ءى. №211
