«ءومىر ءۇشىن سايىس» قايىرىمدىلىق ءتۋرنيرىنىڭ بەرەرى مول

الماتىدا تەننيستەن وتكەن ءداستۇرلى قايىرىمدىلىق تۋر­نيرىنىڭ باستى ماقساتى كومەكتى قاجەتسىنەتىن جاندارعا قام­قور­لىق اياسىن كەڭەيتۋگە باعىت­تال­دى. باعاناشىلداعى ورتالىق كورتتا بيىل التىنشى جىل قا­تارىنان وتكىزىلىپ وتىرعان بۇل ءتۋرنيردى «Play4life» ء(ومىر ءۇشىن سايىس) باستاماشى توبى «روتاري كلۋبىنىڭ» الماتىلىق في­ليالىمەن بىرلەسىپ ۇيىمداس­تى­رىپ وتىر. اتاپ ايتارلىعى, «روتاري كلۋبى» – ىسكەرلىك الەمى جانە ينتەلليگەنتسيا, ياعني زيا­لى­لار وكىلدەرىنىڭ دۇنيە­جۇ­زىلىك ۇيىمى بولىپ ەسەپتەلىنەدى. ەڭ باستىسى, ۇيىم مۇشەلەرى قايى­رىمدىلىق كومەكتىڭ ادام ءومى­رىندەگى ەڭ باستى جانە ەڭ ما­ڭىزدى قۇندىلىق ەكەندىگىنە بەرىك سەنەدى. سونىمەن قاتار, بۇل ۇيىم جەر-جاھاندا بەيبىتشىلىكتى كوز­دىڭ قاراشىعىنداي ساقتاۋدى قام­تاماسىز ەتۋ, سونداي-اق حا­لىق­تار اراسىنداعى ىنتىماق­تاس­تىقتى دامىتۋ باعىتىندا كومەك قولىن سوزىپ, وعان يگى ىقپال ەتۋدە. بۇگىنگى تاڭدا الەمدە بارلىعى 32000 روتاري كلۋبتارى جۇمىس ىستەيدى. بۇل كلۋبتاردىڭ قۇرامىندا 1 200 000 ەرلەر مەن ايەلدەر بار جانە ساياسي كوز­قا­راسى, ءدىنى جانە ۇلتىنىڭ الۋان ءتۇرلى بولعانىنا قاراماستان, ولار­دىڭ بارلىعى دەرلىك ىنتى­ماقتاستىق, دوستىق رۋحىندا تى­عىز بىرلەسىپ, ارەكەت ەتۋدە. «Play4life» ء(ومىر ءۇشىن سايىس) باستاماشى توبىنىڭ وكىلى ەرلان بالعاريننىڭ ايتۋىنشا, ءداستۇرلى ءتۋرنيردى ۇيىمداستىرۋداعى باستى ماقسات سابيلەر ۇيىنە جانە جەتىم بالالار مەن مۇگەدەكتەردى قولداۋ ورتالىقتارىنا قايىرىمدىلىق كومەك كورسەتۋ بولىپ تابىلادى. – ءداستۇرلى قايىرىمدىلىق تۋر­نيرىنە قازاقستاندىق جانە حا­لىق­ارالىق كومپانيالاردىڭ وتىز­دان استام جەتەكشىلەرى ۇيىمشىل­دىق­پەن قاتىستى. ولاردىڭ ارا­سىندا «HSBC» بانكى, «Omega Chemicals», «Resmi Group», «USAID», «Centras Insurance», «Lim­popo»,  «Samruk Kazyna», «Elsi Tech» جانە باسقا دا كومپانيالاردىڭ بەلدى مۇشەلەرى بار. سونىمەن قاتار, قايىرىم­دىلىق ءتۋرنيرىن وتكىزۋ ۇيىم­داس­تىرۋشىلار ءۇشىن ۆولونتەرلىك قىزمەت جانە جىل سايىنعى كوم­مەر­تسيالىق ەمەس جوبا بولىپ تابىلادى. بۇل ورايدا «روتاراكت» جاستار ۇيىمىنىڭ ۆولونتەرلىك كومەگىن دە ايتا كەتكەن ءجون, – دەيدى ەرلان ەرتوستىك ۇلى. «جەتىم كورسەڭ, جەبەي ءجۇر» دەمەكشى, قايىرىمدىلىق كومەك كورسەتۋدىڭ ماڭىزى زور. ءتۋرنيردى ۇيىمداستىرۋشىلاردىڭ تەننيسشىلەر جارىسىن قىزۋ قولداپ, دەمەۋشىلىك كورسەتكەن كومپانيا­لارعا دەگەن العىسى شەكسىز. بۇل ورايدا, «HSBC» بانكى, «الاتاۋ» ساقتاندىرۋ كومپانياسى, «ASY» ساۋدا ماركالى «RG Brands»,  «KLM» اۋە كومپانيا­سى,   «Tian Shan Group», «Ar­gen­to» مەي­رام­حاناسى,  «Mama Mia» جانە «Ciao Pizza» جۇيەسى, «Aldo Copola» يتاليالىق ءسان سالونى, «سۇل­تان» جانە «Henkel» جشس جو­عا­رى تالاپ دەڭگەيىنەن كورىنە ءبىل­دى. ءبىر قۇپتارلىعى – جەتىم بالالار مەن مۇگەدەكتەرگە ار­نال­عان قايىرىمدىلىق ءىس-شا­راسىنان جەكەلەگەن تۇلعالار دا شەت قالماي, ءوز ۇلەستەرىن قوستى. قورعانبەك امانجول. الماتى.