ەلباسى جولداۋى – ءبىز ءۇشىن جاڭا بەلەس. قازاقستان رەسپۋبليكاسىنىڭ كەمەل كەلەشەگىن باعدارلايتىن, دۇنيەجۇزىلىك دەڭگەيدە ءوزىنىڭ بەدەلىن اسقاقتاتىپ كورسەتەتىن نەگىز جانە قازاقستان رەسپۋبليكاسىنىڭ دامۋىنىڭ جاڭا كوكجيەكتەرىن بەلگىلەۋمەن قۇندى.
ەگەمەندى بايتاق ەلىمىز قازاقستان بۇگىندە دامۋدىڭ داڭعىل جولىنا ءتۇستى, حالىقارالىق دارەجەدە تانىلۋدىڭ جاڭا ساپالىق دەڭگەيىنە كوتەرىلدى. مەملەكەت بارلىق باعىتقا ءوز تاراپىنان بارىنشا قولداۋ كورسەتىپ كەلەدى. ەلباسى جولداۋدا «5 جىل ىشىندە ءبىلىم, عىلىم, دەنساۋلىق ساقتاۋ سالالارىنا بارلىق كوزدەردەن جۇمسالاتىن قاراجاتتى ىشكى جالپى ءونىمنىڭ 10 پايىزىنا دەيىن جەتكىزۋ قاجەت» دەدى. بۇل وتاندىق ءبىلىم مەن عىلىمعا جانە دەنساۋلىق ساقتاۋ سالالارىنا عالامات سەرپىن بەرەتىن فاكتور.
ەلباسىنىڭ باستاماسىمەن اشىلعان ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى بۇگىندە الەمدىك كوشباسشى جوو-نىڭ ءبىرى.
(QS رەيتينگىسى بويىنشا ۋنيۆەرسيتەت جاس جوو ىشىندە الەمدىك كوشباسشى توپ-50-ءدىڭ قاتارىندا, شىعىس ەۋروپا مەن ورتالىق ازيا ەلدەرىنىڭ «QS: EECA» وڭىرلىك رەيتينگىندە 24-ورىنعا كوتەرىلدى).ۋنيۆەرسيتەتتىڭ مۇنداي الەمدىك دەڭگەيدەگى جەتىستىكتەرگە جەتۋى - ەلباسىنىڭ ءداستۇرلى جولداۋلارىنىڭ ارقايسىسىنىڭ ناقتىلانعان ماقسات-مىندەتتەرىن, باعىت-باعدارىن باعامداپ ورىنداۋ ناتيجەسى دەپ بىلەمىز.
پرەزيدەنتتىڭ بەس باستاماسىندا قاراستىرىلعان جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ تاپسىرماسى بويىنشا ۋنيۆەرسيتەتىمىز جۇيەلى جۇمىستى باستاپ تا كەتتى. بيىلعى وقۋ جىلىندا مەملەكەت تاراپىنان قوسىمشا 20 مىڭ گرانت ءبولىنىپ, وسى گرانت يەگەرلەرىنىڭ كوبى ەۋرازيا ۋنيۆەرسيتەتىن تاڭدادى. ء«بىز گرانتتاردىڭ سانىن كوبەيتتىك, ەندى جاۋاپكەرشىلىكتىڭ كەزەڭى كەلدى» دەدى ەلباسى بۇگىنگى قازاقستان حالقىنا ارناعان جولداۋىندا. ەڭ باستىسى, «كەلەسى جىلى «پەداگوگ مارتەبەسى تۋرالى» زاڭدى ازىرلەپ, قابىلداۋ قاجەت دەپ سانايمىن» دەدى.
ەلباسىنىڭ «رۋحاني جاڭعىرۋ: بولاشاققا باعدار» اتتى باعدارلامالىق ەڭبەگىنىڭ اياسىندا ۋنيۆەرسيتەت – «رۋحاني جاڭعىرۋدىڭ» تۇتاستاي عىلىمي-ادىستەمەلىك الاڭىنا اينالدى. ۋنيۆەرسيتەت عالىمدارى «الەمدىك 100 وقۋلىقتى اۋدارۋ», «تسيفرلى قازاقستان», «قازاقى لاتىن قارپى» جوبالارىن ورىنداۋعا اتسالىسىپ كەلەدى. ءبىر عانا وسى ماقالا اياسىندا ءبىزدىڭ ءبىلىم وردامىزدا مىڭداعان شارالار ءوتتى جانە ول الداعى ۋاقىتتا ءوز جالعاسىن تابا بەرمەك.
ۋنيۆەرسيتەت ۇجىمى قازاقستان رەسپۋبليكاسىنىڭ حالىقارالىق ارەنادا جان-جاقتى دامىعان, سەنىمدى, تۇراقتى, بەدەلدى, بەيبىت ەل رەتىندە تانىلۋىنا بار كۇش-جىگەرىن سالىپ, اتسالىسادى. ەلباسى وقۋ ورنىنىڭ ساپاسى تۋرالى وتە جاقسى ايتتى. وتاندىق وقۋ ورنىنىڭ ساپاسى ونى بىتىرۋشىلەردىڭ لايىقتى جۇمىسقا ورنالاسۋى كورسەتكىشىمەن ولشەنسە, ەلباسى ايتقانداي بۇل زور ىنتالاندىرۋ بولماق. جوعارى وقۋ ورنىنىڭ تابىستىلىعىن باعالاۋدىڭ باستى كريتەريى – وقۋ بىتىرگەن ستۋدەنتتەردىڭ جۇمىسپەن قامتىلۋى, جالاقىسى جوعارى جۇمىسقا ورنالاسۋى ەكەنىن ەسكە سالا وتىرىپ, جوعارى وقۋ ورىندارىن ىرىلەندىرۋ ساياساتىن جۇرگىزۋ قاجەتتىگىنە توقتالدى. «نارىقتا جوعارى ساپالى ءبىلىم بەرۋدى قامتاماسىز ەتەتىندەرى عانا قالۋعا ءتيىس. نازارباەۆ ۋنيۆەرسيتەتىنىڭ تاجىريبەسىنە سۇيەنىپ, ۇزدىك شەتەلدىك توپ-مەنەدجەرلەردى جۇمىسقا تارتۋ ارقىلى الەمنىڭ جەتەكشى ۋنيۆەرسيتەتتەرىمەن ارىپتەستىك ورناتۋ ماڭىزدى» دەدى پرەزيدەنت.
تاۋەلسىزدىگىمىزدى ساقتاپ, مەملەكەتىمىزدى وركەندەتۋ جولىندا ەلباسى ايقىنداعان ستراتەگيالىق باعىتتى ءاردايىم ۇستانساق, ۇلى ىستەردى, جەتىستىكتەردى كەيىنگى ۇرپاققا ۇلگى ەتىپ جالعاستىرارىمىز اقيقات. بۇل – قازاقستان رەسپۋبليكاسىنىڭ ءاربىر ازاماتىنىڭ مىندەتى.
كەلەسى جىلدى «جاستار جىلى» دەپ جاريالاۋدى ۇسىنعان ەلباسىنىڭ بۇگىنگى جولداۋى – ءبىر كۇندە ايتىلا سالعان اڭگىمە ەمەس, بۇل ەلدىڭ بولاشاعى ءۇشىن تەرەڭنەن تولعانىپ شەشىلگەن وتە ماڭىزدى تاريحي قۇجات. سوندىقتان دا, ەلباسى جولداۋىن ۋنيۆەرسيتەت جاستارى دا مۇقيات تىڭدادى, ەندى ەل بولىپ قولداۋ بىلدىرەيىك. سوندا عانا ءبىزدىڭ قازاقستان اتا-بابامىز ارمانداعان قۋاتتى ەلگە اينالارى ءسوزسىز.
ەرلان سىدىقوۆ,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى
