ترانسفورماتور زاۋىتى مامانداردى وزدەرى دايىندايدى

جۋىردا ق.ا.ياساۋي اتىنداعى حالىقارالىق قازاق-تۇرىك ۋنيۆەر­­سيتەتىنىڭ كەنتاۋ بولىمىندە تاۋەل­سىزدىكتىڭ 20 جىلدىعىنا وراي فيزيكا جانە حيميا پانىنەن داستۇرگە اي­نالعان ايماقتىق وليمپيادا بولىپ ءوتتى. داستۇرگە اينالعان بۇل وليم­پياداعا وتكەن جىلى دا 750 000 تەڭگە ءبولىنىپ وليمپيادا وتكىزىلگەن بولاتىن. بيىلعى جىلى «بىلىممەن بولاشاققا» تاقىرىبىنداعى ءپان جارىسىن وتكىزۋگە «كەنتاۋ ترانسفورماتور زاۋىتى» اق مەن ق.ا. ياساۋي اتىنداعى حقتۋ ۇيىتقى بولدى. وعان قىزىلوردا وب­لىسى مەن وڭتۇستىك قازاقستان وبلىسى­نىڭ ءبىرشاما اۋداندارىنداعى ءبىلىم وردا­لارىنىڭ 11 سىنىپ وقۋشىلارى قاتىستى. وليمپيادا ەكى بولىمنەن تۇردى. ال­عاش­قى كۇنى تەست تاپسىرعان قاتىسۋشىلار, كەلەسى كۇنى ءارتۇرلى دەڭگەيلى ەسەپ شىعارىپ ءوز ءبىلىم دەڭگەيلەرىن كورسەتتى. جاستاردىڭ فيزيكا مەن حيميا پانىنە دەگەن قىزى­عۋ­شىلىعىن ارتتىرۋ جانە اتالعان مامان­دىق­تارعا وقۋعا تۇسۋلەرىنە ىقپال جاساۋ ماقساتىندا وتكەن ءبىلىم سايىسىنا ءوز ءىسىنىڭ بىلىكتى ماماندارى, دوتسەنت, پروفەسسورلار قازىلىق ەتتى. وليمپيادانى سالتاناتتى تۇردە اش­­قان «كەنتاۋ ترانسفورماتور زاۋىتى» اق باس ديرەكتورى سەرعازى كۇنتۋاروۆ, ق.ا. ياساۋي اتىنداعى حقتۋ وقۋ-ادىستەمەلىك ءىسى جونىندەگى ۆيتسە-پرەزيدەنتى سارسەنبەك تۇر­­­تاباەۆ, قالا اكىمىنىڭ ورىنباسارى ماحمۇت قونىسوۆ قاتىسۋشىلارعا ساتتىلىك تىلەدى. – ءبىز جىل سايىن وبلىسىمىزداعى مەكتەپتەرمەن بىرلەسىپ جۇمىس ىستەپ, ءپان وليم­پياداسىن وتكىزىپ وتىرامىز. بيىل فيزيكا مەن حيميا ءپانىن جاقسى وقيتىن جاستاردىڭ باسىن قوستىق. وعان «كەنتاۋ ترانسفورماتور زاۋىتى» اق-دان قاراجات بولدىك. ماق­­ساتى­­مىز «Alageum Electric» كومپانياسى بوي­ىن­شا ينجەنەرلىك الەۋەتتى كوتەرۋ. ەل ەگەمەندىگىن العالى 20 جىلدىڭ كولەمىندە بۇل ما­مان­دىقتارعا ەشكىم ءمان بەرمەدى. ءبىزدىڭ ويى­مىزشا وليمپياداعا قاتىسۋشى بالالار ق.ا. ياساۋي اتىنداعى حقتۋ-عا وقۋ­عا ءتۇسىپ, بىزگە مامان بولادى دەگەن ويى­­مىز بار. ءجا­نە دە وسى ءساتتى پايدالانىپ, «Alageum Elec­tric» كومپانياسىنىڭ جۋىر­­داعى قول جەتكىزگەن جەتىستىكتەرىمەن ءبولىس­كىم كەلەدى. ونىڭ ءبىرى, قر ۇكىمەتىنىڭ «كا­سىبي ءبىلىم بەرۋ مەن بيزنەس: سەرىكتەستەردىڭ ديالوگى» ءىىى-ءشى حا­لىقارالىق فورۋمدا ءبىلىم جانە عىلىم مينيسترلىگى تۇسىنان «Ala­geum Electric» كوم­پا­نياسىن «2011 جىلى تەحنيكالىق جانە كا­سىبي ءبىلىم بەرۋدە ەڭ ۇزدىك سەرىكتەس» بولىپ تاعايىندالىپ ءتيىستى ديپلومدارىمەن مارا­پات­تالدى. ال ەكىنشىسى, «ەكسپەرت – 100-قا­زاق­ستان» ءىىى-ءشى ەكونو­مي­كالىق فورۋمدا رەيتينگ قورى­تىن­دىسى بويىنشا «Alageum Elec­tric» كومپانياسى «ەڭ قارقىندى دا­مىپ كەلە جاتقان كومپانيا» نومي­نا­تسياسىندا جەڭىمپاز اتاندى. بۇل جەتىستىكتەر ءبىز ءۇشىن ەل تاۋەلسىزدىگىنىڭ 20 جىلدىعى قار­سا­ڭىن­داعى ەستە قالارلىق ۇلكەن سىي بولدى. بۇگىن سىزدەرگە دە وسى مەرەكەنى جادىلارىڭىزدا قالارلىق ەتىپ وتكىزۋگە مۇمكىندىك تۋىپ وتىر. سىزدەرگە بۇگىنگى سايىستارىڭىزدا ءسات­تى­لىك تىلەيمىن! – دەدى, «كەنتاۋ ترانس­فورماتور زاۋىتى» اق باس ديرەكتورى سەرعازى كۇنتۋاروۆ. بۇل ءبىلىم باسەكەسىندە 500 000 تەڭ­گە كولەمىندە جۇلدە تاعاي­ىن­دال­دى. سايىس وتكىزىلگەن العاشقى كۇنى ول­­يم­پيا­داعا قاتىسۋشى جاستار كەنتاۋ قالا­سى­نىڭ تاريحي-مادەني ورىندارىنا جانە «كەن­تاۋ ترانسفورماتور زاۋىتى» اق-عا ەكس­­­كۋر­­سيا جاسادى. زاۋىتتىڭ جۇمىسىمەن تانىستى. تاۋەلسىزدىك كۇنىنە وراي وتكىزىلگەن «بىلىممەن بولاشاققا» اتتى فيزيكا مەن حيميا ءپان وليمپياداسىنىڭ قورىتىندى­سىندا كەنتاۋ قالاسىنداعى م.اۋەزوۆ ات­ىن­داعى №22 مەكتەپ-گيمنازياسىنىڭ وقۋ­شى­سى تاحير ابدۋللاەۆ پەن №3 كەنتاۋ قازاق-تۇرىك دارىندى ەر بالالار ليتسەي-ين­تەرناتىنىڭ وقۋشىسى بەكزات سادۋللاەۆ كەنتاۋ ترانسفورماتور زاۋىتى مەن ق.ا. ياس­اۋي اتىنداعى حالىقارالىق قازاق-تۇرىك ۋنيۆەرسيتەتى تاعايىنداعان باس جۇلدەنى جانە «Alageum Electric» اق دايىنداعان ارنايى سەرتيفيكاتتى جەڭىپ الدى. ءبىلىم دەڭگەيىنىڭ جوعارى ەكەندىكتەرىن كورسەتكەن وقۋشىلاردا ءبىلىم باسەكەسىندە ءبىرىنشى, ەكىنشى, ءۇشىنشى ورىنداردىڭ جانە ارنايى جۇلدەلەردىڭ يەگەرى اتانىپ, قار­جى­­لاي قوماقتى سىيلىقتارمەن ماراپاتتالدى. باقتيار تايجان. وڭتۇستىك قازاقستان وبلىسى.