وعان قازاقستاننىڭ جانە گەرمانيا, قىتاي, تۇركيا, اۆستريا, سەربيا, پولشا, رەسەي, بەلارۋس, وزبەكستان, ءازىربايجان سىندى الىس-جاقىن شەتەلدەردەن كەلگەن دارىگەرلەر قاتىستى. ايتا كەتۋ كەرەك, كونفەرەنتسياعا سونداي-اق,ترافموتولوگ-ورتوپەدتەردىڭ ازيالىق-تىنىقمۇحيتتىق قاۋىمداستىعىنىڭ پرەزيدەنتى پروفەسسور ماحمۇت دورال (انكارا, تۇركيا) دا قاتىسۋدا. اتالمىش قاۋىمداستىققا رەسمي تۇردە 115 مىڭ تراۆماتولوگ-ورتوپەد تىركەلگەن.
- پرەزيدەنتىمىز نۇرسۇلتان ءابىش ۇلى نازارباەۆ تاۋەلسىزدىك العان العاشقى كۇندەردەن باستاپ قازاقستاندىقتاردىڭ دەنساۋلىعىن قورعاۋعا نازار اۋدارىپ كەلەدى. بۇعان قابىلدانىپ جاتقان زاڭدار, مەملەكەتتىك باعدارلامالار, دەنساۋلىق ساقتاۋ سالاسىن دامىتۋعا قىرۋار قارجى ءبولىنىپ جاتقاندىعى دالەل. استانا مەن الماتىنىڭ, وبلىس ورتالىقتارىنىڭ مەديتسينالىق مەكەمەلەرى زاماناۋي جابدىقتارمەن جابدىقتالعان. باستى سۇراق – مەديتسينا قىزمەتكەرلەرىنىڭ كاسىبيلىگىن جەتىلدىرۋ دە باستى نازاردا. ءبىز اتالمىش كونفەرەنتسيانىڭ وڭىرىمىزدەگى تراۆموتولوگيالىق قىزمەتتى دامىتۋعا قوسىمشا سەرپىن بەرەتىنىنە سەنىمدىمىز, دەپ اتاپ ءوتتى وبلىس اكىمى.
كونفەرەنتسيا اياسىندا اقتوبەدە شەبەرلىك ساباقتارى وتكىزىلىپ, تىرەك-قوزعالۋ اپپاراتىنىڭ ءتۇرلى اۋرۋلارىمەن سىرقاتتاناتىن جەتى ەمدەلۋشىگە وتا جاساۋ جوسپارلانىپ وتىر. «باقىتتى بالا» اكتسياسى اياسىندا ءۇش بالاعا وتا جاسالدى. سونىڭ ىشىندە ومىرتقا پلاستيكاسىنا جانە ءىرى بۋىنداردى ەندوپروتەزدەۋ كەزىندەگى اسقىنۋلارعا وتا جاسالادى.
تەمىر قۇسايىن,
«ەگەمەن قازاقستان»
