مەديتسينالىق كومەكتىڭ ساپاسىن باسقارۋدى جەتىلدىرۋ جانە دەنساۋلىق ساقتاۋ ءجۇيەسىندەگى جوعارعى تەحنولوگيالىق دامۋ قازاقستان رەسپۋبليكاسىنداعى 2011-2015 جىلعى “سالاماتتى قازاقستان” دەنساۋلىق ساقتاۋدى دامىتۋ مەملەكەتتىك باعدارلاماسىندا باستى ورىن الادى. دەنساۋلىق ساقتاۋدى باسقارۋ ناتيجەلىگىن جوعارىلاتۋ ماقساتىندا قازاقستان رەسپۋبليكاسىندا ءبىرىڭعاي ۇلتتىق دەنساۋلىق ساقتاۋ جۇيەسى قۇرىلعان, ول مەديتسينالىق كومەك كورسەتۋ ءۇردىسىنىڭ تۇنىقتىعى, باسەكەلەستىك ورتانى قۇرۋ, ناۋقاستاردىڭ مەديتسينالىق ۇيىمدى جانە ءدارىگەردى تاڭداۋ ەركى قاعيداتىنا نەگىزدەلگەن.
دۇنيەجۇزىلىك عىلىمي قارىم-قاتىناستى ىقپالداستىرۋدا, پەرسپەكتيۆالى عىلىمي-زەرتتەۋلەردى ۇيلەستىرۋدە جانە انىقتاۋدا قر دەنساۋلىق ساقتاۋ مينيسترلىگىنىڭ اكۋشەريا, گينەكولوگيا جانە پەريناتولوگيا عىلىمي ورتالىعى حالىقتىڭ رەپرودۋكتيۆتى دەنساۋلىعىن ساقتاۋ سالاسىندا مەملەكەتتىك ساياساتتى ىسكە اسىرۋ بويىنشا ەلىمىزدەگى ءىرى عىلىمي مەكەمە بولىپ تابىلادى.
قر دەنساۋلىق ساقتاۋ مينيسترلىگىنىڭ اكۋشەريا, گينەكولوگيا جانە پەريناتولوگيا عىلىمي ورتالىعى زاماناۋي جاڭا مەديتسينالىق قۇرال-جابدىقتارىمەن قامتاماسىز ەتىلگەن, وندا شەتەلدەردە جانە تمد-نىڭ باستى عىلىمي ورتالىقتارىندا دايىندالعان جانە مامانداندىرىلۋدان وتكەن, ۇيىمداستىرىلعان عىلىمي جانە كلينيكالىق ماسەلەلەردى شەشە بىلەتىن, جوعارى ءتاجىريبەلى ماماندار جۇمىس ىستەيدى. ماتەريالدىق تەحنيكالىق بازانىڭ ءوسۋى, مەكەمەنىڭ كادرلىق الەۋەتىنىڭ جوعارى دەڭگەيى ورتالىقتى رەپرودۋكتيۆتى مەديتسينا ايماعىنىڭ قازىرگى زامانعى عىلىم مەن تاجىريبەدە الدىڭعى شەپكە شىعاردى.
ورتالىق قىزمەتىنىڭ نەگىزگى باعىتتارى:
• عىلىمي-زەرتتەۋ;
• ۇيىمداستىرۋ-ادىستەمەلىك;
• ەمدەۋ-كەڭەس بەرۋ;
• جوعارى بىلىكتى كادرلاردى دايىنداۋ;
• ءبىلىم بەرۋگە ارنالعان لەكتسيا وقۋ;
• مەديتسينانىڭ باسىم باعىتتارى بويىنشا عىلىمي-مەديتسينالىق جانە ءبىلىم بەرۋشى كلاستەرلەر بولىپ تابىلادى.
اكۋشەريا, گينەكولوگيا جانە پەريناتولوگيا عىلىمي ورتالىعىنىڭ الەۋەتىن 12 عىلىم دوكتورى جانە 30-دان استام مەديتسينا عىلىمدارىنىڭ كانديداتتارى قۇرايدى.
ورتالىقتا 2000 جىلدان باستاپ «اكۋشەريا, گينەكولوگيا جانە پەريناتولوگيا» دەگەن اتپەن مامانداندىرىلعان جۋرنال شىعادى.
ديپلومنان كەيىنگى مەديتسينالىق ءبىلىم بەرۋدى جەتىلدىرۋ جانە رەزيدەنتۋرا بويىنشا ءبىلىم بەرۋدى ءارى قاراي جەتىلدىرۋ ءۇشىن نەگىزگى ءتيىمدى جاعدايلار ەنگىزىلگەن «قاۋىپسىز انا بولۋ», «جاڭا تۋعان بالالار رەانيماتسيسى», «شالا تۋعان بالالاردى كۇتۋ», «اكۋشەرلىك قان كەتۋلەر كەزىندە شۇعىل كومەك جانە ستاندارتتار, جۇكتىلىك, بوسانۋ جانە بوسانۋدان كەيىنگى كەزەڭدەگى پرەەكلامپسيا جانە ەكلامپسيا» دارىستەرى وقىلادى.
ورتالىقتا 30-دان استام مەديتسينا عىلىمدارىنىڭ دوكتورلارى, 150-گە جۋىق مەديتسينا عىلىمدارىنىڭ كانديداتتارى, سونداي-اق 150-دەن استام كلينيكالىق ورديناتورلار دايىندالدى.
ورتالىقتا 27 عىلىمي جانە كلينيكالىق بولىمشە, ونىڭ ىشىندە, مىنا عىلىمي ءبولىمدەر مەن زەرتحانالار: اكۋشەرلىك-گينەكولوگيالىق كومەكتى ۇيىمداستىرۋ جانە عىلىمي جوسپارلاۋ ءبولىمى; جۇكتىلەر پاتولوگياسى ءبولىمى, ەكستراگەنيتالدى اۋرۋلارى بار پاتولوگيا ءبولىمى; بوسانۋ فيزيولوگياسى جانە پاتولوگياسى ءبولىمى; جاڭا تۋعان بالالار ءبولىمى, جاڭا تۋعان بالالار رەانيماتسياسى جانە ينتەنسيۆتى تەراپيا ءبولىمى, قوسىمشا رەپرودۋكتيۆتى تەحنولوگيا زەرتحاناسىمەن گينەكولوگيا ءبولىمى, انەستەزيولوگيا جانە رەانيماتسيا ءبولىمى; بيوحيميا, مەديتسينالىق گەنەتيكا زەرتحاناسى; ەندوكرينولوگيامەن يممۋنولوگيا, پاتومورفولوگيامەن تسيتولوگيا بولىمدەرى كىرەدى.
عىلىمي-زەرتتەۋ قىزمەتى حالىقتىڭ رەپرودۋكتيۆتى دەنساۋلىعىن قورعاۋ ماسەلەلەرى بويىنشا جۇزەگە اسىرىلادى جانە مىناداي عىلىمي باعىت اياسىندا ورىندالادى:
- قازاقستانداعى رەپرودۋكتيۆتى دەنساۋلىقتىڭ مەديكو-دەموگرافيالىق اسپەكتىلەرى;
- قاۋىپسىز انا بولۋ جانە دەنى ساۋ ۇرپاق;
- بەدەۋلى نەكەنىڭ ماسەلەلەرى جانە رەپرودۋكتيۆتى فۋنكتسيانى قالىپقا كەلتىرۋ.
زەرتتەۋ ناتيجەلەرى قازاقستانداعى رەپرودۋكتيۆتى مەديتسينانىڭ دامۋىنىڭ جانە پەريناتالدى مەديتسينا نەگىزىن قالاۋدىڭ, ەكولوگيالىق رەپرودۋكتولوگيانىڭ جانە تەحنولوگيانى الەمدىك باسەكەگە قابىلەتتى تەحنولوگيا دەڭگەيىنە دەيىن جوعارىلاتۋدىڭ جاڭا كەزەڭى بولىپ تابىلدى.
قازىرگى زامانعى جوعارى تەحنولوگيالىق زەرتتەۋلەر بولجامداۋ مەن دياگنوستيكانىڭ جاڭا كريتەريلەرىن, اكۋشەريا جانە گينەكولوگيالىق پاتولوگيانىڭ ەمدەۋ ادىستەرىن قۇرۋعا, جاڭا باسقارۋ تەحنولوگياسى نەگىزىندە ۇيىمداستىرۋ قىزمەت جۇيەسىن جەتىلدىرۋ, اكۋشەرلىك جانە گينەكولوگيالىق پاتولوگياعا گەنەتيكالىق بەيىمدىلىكتى انىقتاۋ ماسەلەلەرى بويىنشا زەرتتەۋلەر, الەمدىك باسىمدىق قازاق ەتنوسىنىڭ تەكتىك قورىن زەرتتەۋگە گەنەتيكالىق-پوپۋلياتسيالىق زەرتتەۋلەر الىپ كەلدى. ايەل بەدەۋلىگى ماسەلەلەرى بويىنشا زەرتتەۋلەر, ەندوسكوپيالىق حيرۋرگيانىڭ, اعزا ساقتاۋشى وپەراتسيالاردىڭ قاعيدالارىنىڭ جانە قازىرگى زامانعى قوسىمشا رەپرودۋكتيۆتى تەحنولوگيانىڭ ەنگىزىلۋى ەمدەۋ تيىمدىلىگىن 45%-دان 75%-عا دەيىن جوعارىلاتتى.
بىرقاتار اكۋشەرلىك جانە گينەكولوگيالىق پاتولوگيالارعا تەكتىك بەيىمدىلىكتىڭ پاتوگەنەتيكالىق مەحانيزمدەرىن اشىلۋى بويىنشا, قازاق ەتنوسىنىڭ تەكتىك قورىن, ميوما كەزىندەگى جاتىردىڭ رەتسەپتورلى اپپاراتىن زەرتتەۋ بويىنشا, قورشاعان ورتا فاكتورلارىنىڭ تەرىس اسەر ماركەرلەرىن جاساپ شىعارۋ, قان جاسۋشالارىنىڭ اپوپتوزدى پارامەترلەرىن زەرتتەۋ, كوردتىق قاننىڭ گەموپوەتيكالىق باعانا جاسۋشالارىنىڭ ارنايى ديففەرەنتسيرلەنۋى, جۇكتىلەر انەمياسى كەزىندە ەريتپوەزدى انىقتاۋ بويىنشا زەرتتەۋلەر تەك وتاندىق مەديتسينادا عانا ەمەس, الەمدىك عىلىمي زەرتتەۋدە باسىمدىققا يە. ورتالىقتا جاساپ شىعارىلعان بىرەگەي تاجىريبەلىك مودەل نەگىزىندە ۇرىقتىڭ سوزىلمالى گيپوكسياسىن زەرتتەۋ ءار ءتۇرلى جۇكتىلىكتىڭ اسقىنۋلارىندا انا – پلاتسەنتا – ۇرىق جۇيەسىنىڭ بيوحيميالىق بەيىمدەلۋ مەحانيزمدەرىن زەرتتەۋ بويىنشا ىرگەلى زەرتتەۋلەر تىزبەگىن زەرتتەۋگە مۇمكىندىك بەردى, اكۋشەريالىق جانە پەريناتالدى ۇردىستەردىڭ دامۋىنىڭ پاتوگەنەتيكالىق مەحانيزمدەرىن زەرتتەۋ بويىنشا حالىقارالىق دەڭگەيدەگى قورعاۋعا قابىلەتتى عىلىمي جاڭالىقتاردى الۋ, عىلىمي نەگىزدەلگەن اسقىنۋلاردى بولجامداۋ جۇيەسىنىڭ مونيتورلى-كومپيۋتەرلىك جۇيەسىن جانە جۇكتىلىك پەن بوسانۋدى جۇرگىزۋدىڭ ءتيىمدى تاكتيكاسىن كورسەتۋ.
ايماقتىق, ەتنيكالىق, دەموگرافيالىق جانە الەۋمەتتىك-بيولوگيالىق فاكتورلاردى ەسەپتەي وتىرىپ قىز بالا جاسوسپىرىمدەردىڭ جانە قالاداعى مەن اۋىلداعى ايەلدەردىڭ رەپرودۋكتيۆتى دەنساۋلىق جاعدايىنىڭ مەديكو-الەۋمەتتىك مونيتورينگى جۇرگىزىلدى. مەملەكەتتەگى دەموگرافيالىق جاعدايدىڭ دامۋىنىڭ ەرەكشەلىكتەرى مەن پەرسپەكتيۆاسىن انىقتاۋمەن قاتار, ءارتۇرلى اكىمشىلىك اۋداندارداعى رەپرودۋكتيۆتى دەنساۋلىقتى باسقارۋ جانە باعالاۋ بويىنشا جاڭا مودەلدەر, تەحنولوگيالار جانە ستاندارتتار ۇسىنىلعان, قر انا جانە نارەستەلىك ءولىمدى ءتومەندەتۋدىڭ مەملەكەتتىك باعدارلاماسى جاساپ شىعارىلدى, قازاق پوپۋلياتسياسىنىڭ تەكتىك ارتۇرلىلىگىن جانە گەنەتيكالىق ديففەرەنتسياتسياسىن باعالاۋ ءۇشىن دنك پوليمورفيزمىنىڭ مولەكۋليارلى-گەنەتيكالىق سيپاتتاماسى بەرىلدى, مۇنىڭ ءبارى قازاقتاردىڭ ەتنوگەنەزىنىڭ گەنەتيكالىق ءوزارا قاتىناسىن, تەكتىك قورىن زەرتتەۋدە ماڭىزدى ۇلەس بولدى.
جاڭا تەحنولوگيالاردى قولدانۋ مۇمكىندىگى بويىنشا «قاۋىپسىز انا بولۋ» ماسەلەسى اكۋشەريا جانە گينەكولوگيادا بىرقاتار پاتولوگيالىق جاعدايلاردىڭ دامۋ مەحانيزمىن مەڭگەرۋ بويىنشا زەرتتەۋلەر جالعاسىپ جاتىر. گەنومدى, تسيتولوگيالىق, بيوحيميالىق, يممۋنولوگيالىق, گەموستازيولوگيالىق زەرتتەۋلەر نەگىزىندە انا-پلاتسەنتا-ۇرىق ينتەگرالدى جۇيەسىندە, تسيتوكيندەر جانە سوماتومەديندەر دەڭگەيىن انىقتاۋ, ىنتالاندىرۋشى-ءوسۋ گورموندارىمەن وكسيگەناتسيا ءۇردىسىنىڭ ءوزارا بايلانىسى, جۇكتىلەر مەن جاڭا تۋعان نارەستەلەردە ءحروماتيننىڭ, قانداعى بەلوك كومپونەنتتەرىنىڭ جانە جاسۋشالاردىڭ اپوپتوزدى پارامەترلەرىنىڭ, تسيتوحيميالىق قۇرىلىمدىق-فۋنكتسيونالدى قاسيەتى, پرەەكلامپسياعا, جۇكتىلىكتى كوتەرۋگە تەكتىك بەيىمدىلىكتى ەرتە دياگنوستيكالاۋدىڭ قازىرگى زامانعى عىلىمي-نەگىزدەلگەن يننوۆاتسيالىق تەحنولوگيالارى جاساپ شىعارىلىپ جاتىر.
سكرينينگتىك ۋلترادىبىستىق زەرتتەۋ ناتيجەلەرى ۇرىقتىڭ قۇرساقىشىلىك كىدىرۋىن باعالاۋ جانە حروموسومدى پاتولوگيا ماركەرلەرىن انىقتاۋ ءۇشىن وڭىرلىك نورماتيۆتەر مەن پروتسەنتيلدى قيسىق ماسسالار بەكىتىلگەن. تۋا پايدا بولعان دامۋ اقاۋلارىنىڭ پەرسپەكتيۆالى مونيتورينگىن جۇرگىزۋگە جانە قورشاعان ورتانىڭ گەنوتوكسيكالىق اسەرىن باعالاۋعا مۇمكىندىك بەرەتىن تمد-داعى تاقىلەتتەسى جوق جالپى ۇلتتىق تەلەماتيكالىق جۇيە – قر ۇلتتىق گەنەتيكالىق رەگيستر جاساپ شىعارىلدى جانە ەنگىزىلدى, جاڭا تۋعان بالالاردىڭ تۋا پايدا بولعان گيپوتەريوزعا تەكسەرۋدىڭ سكرينينگتىك باعدارلاماسى ەنگىزىلدى.
ورتالىقتا ءبىرىنشى رەت اكۋشەرلىك ءتاجىريبەدە مورفومەتريالىق جانە مورفودەنسيتومەتريالىق زەرتتەۋلەر نەگىزىندە قورشاعان ورتانىڭ تەرىس فاكتورلارىنىڭ ماركەرى – «مورفومەتريالىق اينا» سياقتى تسيتوحيميالىق تالداۋدى قولدانۋدىڭ قۇقىقتىلىعى مەن پەرسپەكتيۆاسى عىلىمي نەگىزدەلگەن.
وسىنىڭ بارلىعى قاۋىپسىز انا بولۋ جانە ساۋ ۇرپاقتى قامتاماسىز ەتۋگە باعىتتالعان اكۋشەرلىك جانە پەريناتالدىق اسقىنۋلاردى ەمدەۋ مەن الدىن-الۋدىڭ عىلىمي نەگىزدەلگەن ستراتەگياسىن جاساپ شىعارۋعا ءمۇمكىندىك بەردى.
«بەدەۋلى نەكە جانە رەپرودۋكتيۆتى فۋنكتسيانى قالپىنا كەلتىرۋ» ماسەلەسى بويىنشا كەشەندى, كوپ اسپەكتىلى زەرتتەۋلەر نەگىزىندە ءارتۇرلى رەپرودۋكتيۆتى جاس توبىنداعى ءايەلدەردىڭ رەپرودۋكتيۆتى فۋنكتسياسىن قالپىنا كەلتىرۋ جانە ساقتاۋدىڭ عىلىمي نەگىزدەلگەن تۇجىرىمداماسى جاساپ شىعارىلدى, العاش رەت رەسپۋبليكادا الەمدىك ستاندارتتار بويىنشا جۇرگىزىلەتىن ەكو مەن پە جوعارى تەحنولوگيالىق قوسىمشا رەپرودۋكتيۆتى تەحنولوگيالارى جانە اعزا ساقتاۋشى وپەراتسيالاردى جۇرگىزۋدە ەندوۆيدەوحيرۋرگيا جانە ۋلترادىبىستىق ادىستەر جاساپ شىعارىلىپ, كەڭىنەن ەنگىزىلدى.
العاش رەت ەنگىزىلگەن مولەكۋليارلى-گەنەتيكالىق زەرتتەۋلەر قازاق پوپۋلياتسياسىنداعى ايەلدەردىڭ ەندومەتريوزعا تەكتىك بەيىمدىلىگىن انىقتاۋ بلوك سحەماسىن جاساۋعا جانە ولاردىڭ نەگىزىندە دياگنوستيكا جانە كوررەكتسيادا جاڭا باعىتتاردى جاساپ شىعارۋعا مۇمكىندىك بەردى. نەگىزىندە پاتوگەنەتيكالىق تەراپيا عىلىمي-نەگىزدەلگەن مەمبرانالىق اپپاراتتىڭ جانە فۋنكتسيونالدى بەلسەندىلىكتىڭ بۇزىلىسىمەن, ەندومەتري جاسۋشالارىنىڭ ەنەرگيامەن قامتاماسىز ەتىلۋىنىڭ تومەندەۋىمەن شارتتاسقان جاتىر ميوماسىنىڭ دامۋىنىڭ پاتوگەنەتيكالىق مەحانيزمىنىڭ جاڭا اسپەكتىلرى انىقتالدى. انابەزىنىڭ پوليكيستوزى سيندرومى كەزىندە رەزەتسيرلەنگەن انابەزىنىڭ گورمونالدى وزگەرىستەرىن ەسەپكە الا وتىرىپ, رەپرودۋكتيۆتى فۋنكتسيانى قامتاماسىز ەتۋدەگى حيرۋرگيالىق تەراپيا پاتوگەنەتيكالىق نەگىزدەلگەن. جالعىز جاتىر تۇتىگى كەزىندە جابىسۋ ۇدەرىسىنىڭ تارالۋى جانە اۋىرلىق دارەجەسىنە سايكەس رەپرودۋكتيۆتى فۋنكتسيانى قالپىنا كەلتىرۋدىڭ بولجامى مەن الگوريتمى عىلىمي نەگىزدەلگەن. قازىرگى كەزەڭدە ورتالىقتا جوعارى ءتيىمدى قوسىمشا رەپرودۋكتيۆتى تەحنولوگيالاردىڭ موديفيكاتسياسىن عىلىمي وڭدەۋگە ىزدەنۋلەر جۇرگىزىلىپ جاتىر (يكسي, تەسا, پەسا).
ورتالىقتىڭ كلينيكاسىندا 7000-دەن استام جوعارى قاۋىپ توبىنداعى جۇكتىلەرگە, قازاقستاننىڭ ءار ايماعىنان كەلگەن گينەكولوگيالىق ناۋقاستارعا اكۋشەرلىك-گينەكولوگيالىق جوعارى مامانداندىرىلعان كومەك كورسەتىلەدى, ولاردىڭ 80%-دان استامى رەسپۋبليكانىڭ وڭتۇستىك ايماعى تۇرعىندارىنا تيەسىلى (الماتى, ماڭعىستاۋ, وقو, قىزىلوردا, جامبىل وبلىستارى جانە باسقالار).
جوعارى مامانداندىرىلعان اكۋشەرلىك-گينەكولوگيالىق كومەك كولەمى پاتسيەنتتەردىڭ ەڭ اۋىر كونتينگەنتتەرى ەسەبىنەن 3 ەسەدەن جانە ودان جوعارى ءوستى.
رەسپۋبليكا بويىنشا ورتالىق قىزمەتكەرلەرىنە ۇلكەن ۇيىمداستىرۋ-ادىستەمەلىك جۇمىسى جانە تاجىريبەلىك كومەك كورسەتىلەدى. ولار – رەسپۋبليكانىڭ وڭتۇستىك-باتىس ايماعى بويىنشا كەڭەستىك-تاجىريبەلىك جانە ۇيىمداستىرۋ-ادىستەمەلىك كومەگىن كورسەتۋ, رەسپۋبليكانىڭ پەرزەنتحانالارىنا كەڭەس بەرۋ كومەگى, دەنساۋلىق ساقتاۋ تاجىريبەسىنە عىلىمي جەتىستىكتەردى ەنگىزۋ, ايماقتىق ءىس شارالاردى جاساۋمەن ەمدەۋ, الدىن-الۋ مەكەمەلەرىنىڭ قىزمەتىنىڭ كورسەتكىشتەرىن ساراپتاۋ, اكۋشەريا, گينەكولوگيا جانە پەريناتولوگيانىڭ وزەكتى ماسەلەلەرى بويىنشا تاقىرىپتىق تىزبەكتەردە رەسپۋبليكا ءدارىگەرلەرىنىڭ بىلىكتىلىگىن جوعارىلاتۋ.
ورتالىقتىڭ عىلىمي-زەرتتەۋ جانە ءتاجىريبەلىك قىزمەتى ءارتۇرلى بەيىندەگى عىلىمي مەكەمەلەرمەن, رەسپۋبليكانىڭ ءتاجىريبەلىك دەنساۋلىق ساقتاۋ مەكەمەلەرىمەن كەڭ كولەمدى كەشەندى جۇرگىزىلەدى, سونداي-اق حالىقارالىق قىزمەتتەستىك اياسىندا رەسەيدىڭ جەتەكشى عىلىمي ورتالىقتارىمەن جانە شەتەلدىك ۇيىمدارمەن (ددۇ, يۋسايد, بۇۇ حالىق قورى, پوپۋلياتسيا جانە دامۋ فرانتسۋز ورتالىعى جانە باسقالار) ىنتىماقتاستىعى بەرىك.
مەكەمەنىڭ جۇمىس تاجىريبەسىندەگى ءمىنسىز بەدەلىن «قازاقستاننىڭ تۇتىنۋشىلارىنىڭ ۇلتتىق ليگاسى» قوعامدىق قورى لايىقتى باعالاپ «ءمىنسىز تازا» حالىقتىق ساپا بەلگىسىمەن جانە «جۇمىس تاجىريبەسىندەگى جوعارى ساپالىلىق» حالىقارالىق قورى التىن مەدالمەن ماراپاتتادى. سونداي-اق «ەستمەيكەر» حالىقارالىق باعدارلاماسى «سالا مايتالمانى» ماراپاتىن بەرىپ, مەكەمەنىڭ باسەكەگە قابىلەتتىلىگى مەن بەت-بەينەسىن ودان ءارى نىعايتتى.
تالعات قۇدايبەرگەنوۆ, دەنساۋلىق ساقتاۋ مينيسترلىگى اكۋشەريا, گينەكولوگيا جانە پەريناتولوگيا عىلىمي ورتالىعىنىڭ ديرەكتورى;
لاۋرا كايۋپوۆا, ديرەكتوردىڭ عىلىمي جۇمىستار جونىندەگى ورىنباسارى;
تاتيانا كراۆتسوۆا, ديرەكتوردىڭ كلينيكالىق جۇمىستار جونىندەگى ورىنباسارى.
