مۇناي قۇبىرى ىسكە قوسىلدى

قازاقستان مەن قىتاي ەلى ارا­سىندا 2004 جىلى مۇناي جانە گاز ءوندىرۋ جونىندە ەكى جاققا ءتيىمدى كەلىسىم نەگىزىندە «قازمۇنايگاز» اكتسيونەرلىك قوعامى مەن «سNرس» كوم­­پانياسى بىرلەسۋىمەن «اتاسۋ-الا­شاڭقاي» مۇناي قۇبىرىنىڭ قۇ­رى­لىسى  باستالعان ەدى. وسى جىلى «گازترانسويل» اكتسيونەرلىك قوعا­مى مەن مۇناي جانە گاز بارلاۋ ءجو­نىن­دەگى قىتاي ۇلتتىق كورپورا­تسياسى ۇلەسى ەكى جاققا ءتيىمدى «قازاقستان – قىتاي مۇناي ايداۋ قۇبىرى» جاۋاپكەرشىلىگى شەكتەۋلى سەرىكتەستىگى ۇزىن­­دىعى 965,5 شا­قىرىمدى قۇراي­تىن «اتاسۋ-الا­شاڭقاي» قۇبىر قۇرىلى­سىن باستاپ كەتكەن بولاتىن. قۇرىلىس قارقىندى جۇرگىزىل­گەن­دى­گىنەن ەلباسىنىڭ قاتىسۋىمەن 2005 جىلى «اتاسۋ – الاشاڭقاي» مۇناي قۇبىرى ىسكە قوسىلدى. قۇ­بىردىڭ 325 شاقىرىمى الاكول اۋدانىنىڭ اۋماعى ارقىلى وتەدى. قازىرگى كەزدە «اتاسۋ – الاشاڭقاي» قۇبىرى بويىندا مۇناي ايدايتىن ءتورت ستانسا جۇمىس ىستەپ تۇر. الاكول ايماعىندا ءبىر قۇبىر جۇمىس جاساۋدا. وسى قۇبىر 2006 جىلى ىسكە قوسىلىپ, كورشى قىتاي ەلىنە مۇناي جونەلتىپ, ەكونوميكا­لىق بايلانىس ورنىعا تۇسكەنىن كورەمىز. «قازمۇنايگاز» اكتسيونەرلىك قوعامى مەن قىتايدىڭ «سNرس» كومپانياسى 2009 جىلى قوسىمشا كەلىسىممەن «قازاقستان – قىتاي مۇناي ايداۋ قۇبىرى» جاۋاپكەرشىلىگى شەكتەۋلى سەرىكتەستىگىنە جۇ­مىستىڭ ەكىنشى كەزەڭىن باستاۋدى تاپسىرعان. سەرىكتەستىككە الاكول اۋدانى اۋماعىنان №11 مۇناي ايداۋ ستانساسىن سالۋ تاپسىرىلدى. وسى­لاي­شا «اتاسۋ – الاشاڭقاي» مۇ­ناي قۇبىرىنىڭ جىلدىق ءونىم­دىلىگىن 12 ميلليون تونناعا جەتكىزۋ كوزدەلدى. جاڭا ستانسا قۇرىلىسىن «چپپي-قازاقستان» سەرىكتەستىگى باس­تاپ, ەل تاۋەلسىزدىگىنىڭ مەرەي­تويى قار­ساڭ­ىندا اياقتادى. ستانسا سالۋعا 10 ملرد. 200 ملن. تەڭگە ينۆەستيتسيا تارتىلىپ, كاسىپورىن قۇ­رىلىسىنا جەرگىلىكتى 150-گە جۋىق ادام ءوز ۇلەستەرىن قوستى. ءناتي­جەسىندە ساپا­لى سالىنعان قۇرىلىس پايدالانۋعا دەر كەزىندە بەرىلدى. جاڭا ستانسانىڭ اشىلۋىنا قى­تاي جاعىنان مۇناي كومپانيا­لارى­نىڭ وكىلدەرى مەن الاكول اۋدانى­نىڭ باسشىلارى قاتىستى. «قازاق­ستان – قىتاي مۇناي ايداۋ قۇبىرى» جاۋاپكەرشىلىگى شەكتەۋلى سەرىكتەستىگى مەن اۋدان باس­شىلارى ەكى ەل اراسىنداعى ەكونوميكالىق, دوستىق قاتىناس­تىڭ نىعايۋىنا تىلەكتەستىك ءبىلدىرىپ, نىساننىڭ كوگىلدىر لەن­تاسى قيىلدى. جينالعاندار جاڭا كاسىپورىن­نىڭ جۇمىسىمەن تانىسۋعا مۇمكىن­دىك الدى. قۇبىر ارقىلى كورشى ەلگە جونەلتىلەتىن قارا التىننىڭ سا­پاسىنا دا جەتە نازار اۋ­دا­رىل­عان. ءار قوندىرعى ءوز قىز­مەتىن مۇلتىكسىز اتقارسا, كاسىبي ماماندار باقىلاۋ جۇمىستارىنا باس­شىلىق جاسايدى. الاكولدىك­تەردىڭ الەۋمەتتىك جاع­دايى­نا وڭ اسەر ەتەتىن مۇناي ستانساسىنىڭ جۇمىسىن ودان ءارى دامىتۋ ءما­سەلەسى دە شەشىمىن تابۋدا. ءما­سەلەن, الداعى 2012-2013 جىلدا­رى №8 جانە №10 مۇناي ايداۋ ستانسالارى سالىنىپ, «اتاسۋ –الاشاڭقاي» قۇبىرىمەن جى­لىنا 20 ملن. توننا مۇناي ءجو­نەل­تۋ جوسپارلانعان. دەمەك, ءالى دە جەرگىلىكتى حالىقتىڭ جۇ­مىسپەن قامتىلۋى وڭ شە­شىمىن تاباتىنى انىق. سو­نى­مەن بىرگە ەكى ەل ارا­سىن­داعى باي­لا­نىس جاق­­سا­رىپ, ەكو­نومي­كانىڭ ودان ءارى دامۋىنا جول اشا­دى دەپ كۇتى­لۋدە. كۇمىسجان بايجان.

الماتى وبلىسى.