ەت ەكسپورتى ارتىپ كەلەدى

قازاقستان ءوزى ورنالاسقان ايماقتاعى ازىق-ت ۇلىك قاۋىپسىز­دىگى ماسەلەسىندە ەرەكشە ورىن الا­دى. سوندىقتان مەملەكەت باس­­شىسى ۇكىمەت جانە اگرارلىق سالا الدىنا وتاندىق ەت ءونىمى ەكسپورتىن 2016 جىلعا قاراي 60 مىڭ تونناعا جەتكىزۋدى تاپ­سىردى. اگرارلىق سەكتوردا ەتتى مال شارۋاشىلىعىن دامىتۋ جونىندە بۇرىن-سوڭدى بولىپ كورمەگەن جوبا جۇزەگە اسىرىلادى. 2016 جىلدىڭ وزىندە ەت ەكسپورتى 60 مىڭ تونناعا جەتەدى, مۇنىڭ قۇنى 4 ميلليون توننا بيداي ەكسپور­تىنا تەڭ. مەملەكەت بۇل ماقساتقا 130 ميلليارد تەڭگە نەسيە رەسۋر­سىن بولەدى, دەدى بۇل جونىندە پرەزيدەنت ءوزىنىڭ 2011 جىلعى 28 قاڭتارداعى جول­داۋىن­­دا. باع­دارلاما اسىل تۇ­قىم­دى مال باسىن ارتتىرۋعا مۇمكىندىك بەرەدى, ال ول ءوز كەزەگىندە ارالاس سالالارداعى ءوندى­رىستىڭ ءوسىمىن قامتاماسىز ەتەدى. مەملەكەت باسشىسى ۇستىمىزدەگى جىلدىڭ 11 قاراشاسىندا وتكەن اگروونەر­كاسىپ كەشەنى قىزمەت­كەر­لەرىنىڭ فورۋمىندا مال شارۋا­شىلىعى سالاسىنداعى سە­لەك­تسيا­لىق جۇ­مىس­تاردى ەلىمىزگە اكە­لىنەتىن اسىل تۇقىمدى مال ەسەبىنەن كۇشەيتە تۇسۋگە شا­قىردى. وسى ماقساتتا تاياۋ ۋاقىتتاعى 5 جىل ىشىندە اسىل تۇقىمدى ءىرى قارا باسىن 246 مىڭعا جەتكىزۋ ءۇشىن رەسپۋب­ليكاعا الەمنىڭ ءۇز­دىك مال تۇقىمدارىنان 72 مىڭ باس اسىل تۇقىمدى ءىرى قارا مال اكەلىنبەك. ەتتى مال شارۋاشىلىعىن دامى­تۋ جوباسىن ناقتىلاۋ ءۇشىن قوسىمشا 7,3 ملرد. تەڭگە, ال ۆەتەريناريا جۇيەسىن جەتىلدىرۋ ءۇشىن 7,5 ملرد. تەڭگە ءبولۋ قاراس­تى­رىلۋدا. 2011 جىلى «سىباعا» باعدارلاماسى اياسىندا فەرمەرلىك شارۋاشىلىقتار 45 مىڭ اسىل تۇقىمدى سانالمايتىن سيىر­لار ساتىپ العان. ولاردى اسىل تۇقىمدى بۇقامەن بۋدان­داستىرۋ ەسەبىنەن الداعى جىل­دارى ءونىمدى ءتول الىنادى دەپ كۇتىلۋدە. 2003 جىلمەن سالىستىرعان­دا قوي باسى دا 1,5 ەسەگە ارتتى. قۇس ەتىن ءوندىرۋ 2000 جىلدان بەرى 3 ەسەگە ارتىپ, 33,3 مىڭ توننادان بيىلعى كورسەتكىش 112 مىڭ تونناعا جەتتى. 2000 جىلى قۇس فابريكالارىندا قۇس ەتىنىڭ تەك جارتىسى عانا وندىرىلسە, قازىرگى كۇنى قۇس فابريكالارى ەلىمىزدەگى قۇس ەتى ونەركاسىبىنىڭ جالپى كولەمىنىڭ 92%-ىن (104 مىڭ توننا) بەرىپ وتىر. «ەگەمەن-اقپارات».