جۇيە جاڭاشا جاندانۋى ءتيىس

كەشە الماتىدا «ادىلەت» دەمو­كرا­تيالىق پارتياسى «قازاقستان رەسپۋب­لي­كاسىنداعى جەرگىلىكتى ءوزىن ءوزى باسقارۋدى دامىتۋ»  دەگەن  تاقىرىپتا ءباسپاسوز-ءماس­ليحاتىن وتكىزدى. وعان «ادىلەت» پار­تياسىنىڭ توراعاسى ماقسۇت نارىكباەۆ جانە پارتيا توراعاسىنىڭ ءبىرىنشى ورىن­باسارى تولەگەن سىدىق, سونداي-اق «ءادى­لەت» پارتياسىنان دەپۋتاتتىققا كانديداتتار قاتىستى.  ءباسپاسوز ءماسليحاتى با­رىسىندا پارتيا «قازاقستان رەسپۋب­لي­كاسىنداعى جەرگىلىكتى ءوزىن ءوزى باس­قارۋدى دامىتۋ» تۋرالى مالىمدەمەسىن جاريا ەتتى. «ادىلەت» پارتياسى جەرگىلىكتى ءوزىن ءوزى باسقارۋدى ازاماتتىق قوعاممەن, ەلدىڭ الەۋمەتتىك-ەكونوميكالىق دارەجە­سى­مەن تىعىز بايلانىستى كوپ كەزەڭنەن تۇراتىن ءۇردىس رەتىندە قاراستىراتىنىن اتاپ ءوتتى. ولاردىڭ وي-پىكىرىنە سۇيەنسەك, جەرگىلىكتى ءوزىن ءوزى باسقارۋ ورگاندارى ەلدىڭ ءاربىر ەلدى مەكەندەرىندە, ال قا­لالاردا شاعىن اۋدانداردا قۇرىلۋى ءتيىس. ول جەرلەردە مۇنداي قۇرىلىمدار تۇرعىنداردىڭ ماسەلەلەرىن شەشىپ قانا قويماي, قارجى كوزدەرىن دە انىقتاپ, زاڭ نەگىزىندە جەرگىلىكتى جەردىڭ قارجى ينستيتۋتىن قالىپتاستىرۋعا مۇمكىندىك بەرمەك. «ءبىز پارلامەنتتىك پارتيانىڭ ءبىرى بولساق, وندا ازاماتتىق قوعامدى قا­لىپتاستىرۋدىڭ تەتىكتەرىن قازاقستان رەسپۋبليكاسىنىڭ مەملەكەتتىك جانە  ءوزىن ءوزى باسقارۋ تۋرالى زاڭىنا, سونداي-اق وسىعان قاتىستى باسقا دا زاڭ اكتىلەرىنە وزگەرىستەر ەنگىزىپ, ولاردىڭ قابىل­دانۋىن  قولعا الار ەدىك», دەيدى ادىلەت­تىكتەر. بۇل رەتتە ولار مەملەكەتتىڭ مىنا ماسەلەلەردى نازارعا الۋ قاجەتتىگىن اتاپ ءوتتى. ماسەلەن, زاڭ شىعارۋ بلوگى – جەر­گىلىكتى ءوزىن ءوزى باسقارۋ ورگان­دارى­نىڭ وكىلەتتىلىكتەرىن جانە فۋنك­تسيا­لارىن بەلگىلەيتىن, انىقتايتىن, سونداي-اق بەكىتەتىن ءنورماتيۆتى-قۇقىقتىق اكتى­لەردىڭ جيىنتىعى بولىپ ەسەپتەلەدى. بۇل بلوك اتالعان زاڭنىڭ ءتيىمدى جانە ۇتىمدى قىزمەت جاساۋىن قامتاماسىز ەتۋى ءتيىس. پارتيا مالىمدەمەسىندەگى كوتەرىلگەن ەكىنشى ءبىر ماسەلە – قارجى-ەكونومي­كا­لىق بلوگى. «ادىلەت» پارتياسى وسى ورايدا جەرگىلىكتى ءوزىن ءوزى باسقارۋ ورگاندارى قارجىلىق جاعىنان بيلىكتەن تاۋەلسىز بولعان جاعدايدا عانا ءتيىمدى بولادى دەپ ەسەپتەيدى. ءباسپاسوز ءماسليحاتى كەزىندە جەرگىلىكتى ءوزىن ءوزى باسقارۋ ورگاندارىنىڭ جەكە-دارا بيۋدجەتىنىڭ ۇزدىكسىز تابىس الاتىن بولىگى نەگىزىندە ءوزىن ءوزى باسقارۋ ورگاندارىن قارجىلاندىرۋعا باعىتتال­عان ۇلتتىق قور بولۋى ءتيىس ەكەندىگى اي­تىلدى. «ءبىرىنشى كەزەكتە, ۇلتتىق قوردى داعدارىس جاعدايىندا پايدالانۋ ءۇشىن تۇراقتاندىرۋ ءبولىمىن ىشكى جالپى ءونىمنىڭ 15 پايىزى دەڭگەيىنە دەيىن شەكتەۋ قاجەت, قالعان بولىگىن ەلدىڭ الەۋ­مەتتىك-ەكونوميكالىق دامۋىنا جۇمساۋ كەرەك», دەلىنگەن مالىمدەمەدە. بۇل كۇنى «ادىلەت» پارتياسى جەرگىلىكتى ءوزىن ءوزى باسقارۋداعى ۇيىمداس­تى­رۋشىلىق-قۇقىقتىق ماسەلەسىنە دە نازار اۋداردى. بۇل رەتتە, پارتيا قا­زاقستان­داعى جەرگىلىكتى ءوزىن ءوزى باس­قارۋدى دامىتۋدى مەملەكەت تاراپىنان قولداۋ جونىندە ۇلتتىق باعدارلاما دايار­لاۋدى ءجون دەپ سانايتىندىقتارىن جەتكىزدى. جالپى, «ادىلەت» دەموكرا­تيا­لىق پارتياسى ۇيىمداستىرعان ءماسليحات كەزىندە جەرگىلىكتى ءوزىن ءوزى باسقارۋ تۋرالى رەفورما الەۋمەتتىك, قۇقىقتىق باسىم باعىتتاعى قازاقستاندى قۇرۋ ماقساتىن كوزدەيتىنى نازارعا سالىندى. ءلايلا ەدىلقىزى.