بايقاۋشى سۇراقتارىنا ناقتى جاۋاپ

قازاقستاننىڭ سوتسيال-دەموكرا­تيا­لىق «اۋىل» پارتياسى ءوزىنىڭ ساي­لاۋ­الدى جۇمىستارىن ورىستەتە ءتۇستى. سو­نىڭ ىشىندە پارلامەنت ءماجىلىسى دە­پۋتاتتىعىنا كانديداتتار ەلىمىزدىڭ وڭىرلەرىنە شىعىپ, مۇنداعى حالىق­پەن, جەرگىلىكتى جەردىڭ باسشىلىعىمەن تىكەلەي كەزدەسۋلەر وتكىزۋدە. ماسەلەن, «اۋىل» پارتياسى اتىنان پارلامەنت ءماجىلىسى دەپۋتاتتىعىنا كانديدات اكادەميك كوپماعامبەت ەلەمەسوۆ اتىراۋ, ماڭعىستاۋ وبلىس­تا­رىن­دا بولىپ, سايلاۋشىلارمەن ءبىر­قا­تار كەزدەسۋلەر وتكىزدى. وندا حالىققا «اۋىل» پارتياسىنىڭ سايلاۋالدى تۇعىرناماسىندا كوزدەلگەن ماسەلەلەر ءتۇسىندىرىلدى. حالىقتىڭ كوكەيىندە ءجۇر­گەن ساۋالدارعا جاۋاپتار بەرىلدى. كوپماعامبەت ەلەمەسوۆ وسىنداي ساپار بارىسىندا اتىراۋ وبلىسىندا جۇرگەن ەقىۇ-نىڭ ۇزاق مەرزىمدى باي­قاۋشىسى الەكساندر فون اركسپەن كەزدەسىپ, وعان «اۋىل» پارتياسىنىڭ سايلاۋالدى تۇعىرناماسى تۋرالى كەڭ كولەمدى تۇسىنىك بەردى. مۇنداعى باي­قاۋشىلاردىڭ باستى مىندەتى – ساياسي ۇگىت بارىسىن, سايلاۋ زاڭناماسىن جانە ونىڭ ءىس جۇزىندە قولدانىلۋىن, سايلاۋ كەزىندەگى باق جاعدايىن, سايلاۋ كوميسسيالارىنىڭ جانە باسقا دا مەملەكەتتىك قۇرىلىمداردىڭ جۇمى­سىن مۇقيات زەرتتەۋ. پارلامەنت ءما­جى­لىسى دەپۋتاتتىعىنا پارتيا اتىنان كانديدات پەن بايقاۋشى اراسىنداعى ءبىر ساعاتتان استامعا سوزىلعان ءوزارا ۇنقاتىسۋ وسى تاقىرىپتار توڭىرەگىندە ءوربىدى. بايقاۋشى «اۋىل» پارتيا­سى­نىڭ قۇرىلىمىن, ولاردىڭ مۇشە­لەرىنىڭ بەلسەندىلىگىن, «اۋىل» تۇر­عىندارىنىڭ مۇددەلەرىن قانشالىق­تى قورعايتىندىعىن بىلگىسى كەلدى. وسى­لار­دىڭ بارلىعىنا ناقتى جاۋاپتار بەرىلدى. سۇحبات قورىتىندىسىندا باي­قاۋ­شى اكادەميككە وزىنە كوپ ماسەلە جونىندە دۇرىس تۇسىنىك الۋىنا كومەك­تەسكەنى ءۇشىن ريزاشىلىعىن جەتكىزدى. كوپماعامبەت ەلەمەسوۆ وسى ساپار بارىسىندا سايلاۋ ناۋقانىنا جاۋاپتى بولىپ تابىلاتىن وبلىس اكىمىنىڭ ورىنباسارى اسقار كەريموۆپەن كەزدەسىپ, سايلاۋالدى جۇمىستاردىڭ قان­شا­لىقتى ادىلەتتى جاعدايدا ءجۇرىپ جات­قان­دىعىمەن تانىستى. كەزدەسۋ بارى­سىندا وبلىس اكىمىنىڭ ورىنباسارى سايلاۋ ۇدەرىسىنە اكىمشىلىك تاراپىنان ەشقانداي ءبىر قىسىمشىلىقتىڭ بول­ماي­تىنىن, سايلاۋدىڭ ءادىل دە اشىق جاعدايدا وتەتىندىگىن, بيلىك ورگاندارى پارتيالاردىڭ بارلىعىنا تەڭ كوز­قا­راس تانىتاتىندىعىن ايتىپ, وسى ءجايت­تەردىڭ ورىندالاتىندىعىنا ۋادە بەردى. كەشەگى كۇنى ءدال وسىنداي كەزدەسۋلەر شىعىس قازاقستان وبلىسىنىڭ ور­تالىعى – وسكەمەن قالاسىندا, الماتى وبلىسىنىڭ قاراساي اۋدانىنداعى المالى كەنتىندە, جامبىل وبلى­سى­نىڭ مەركە اۋدانىنداعى №18 ورتا مەكتەپتە, اقتوبە قالاسىنداعى اۋىل شارۋاشىلىعى كوللەدجىندە, قىزىل­وردا قالاسىنداعى قازاق كۇرىش شارۋا­شىلىعى عىلىمي-زەرتتەۋ ينستيتۋ­تىن­دا بولىپ ءوتتى. سۇڭعات ءالىپباي.