ۇگىت-ناسيحاتتارىن ۇدەتە تۇسۋدە

كەشە جالپىۇلتتىق سوتسيال-دە­مو­كراتيالىق پارتيانىڭ (جسدپ) ءماجى­لىس جانە ءماسليحاتتار سايلاۋى الدىن­داعى ۇگىت-ناسيحات جۇمىستارى قىزىل­جار وڭىرىندە جالعاستى. قۇرامىندا پارتيا توراعاسى جارماحان تۇياقباي, تورالقا مۇشەلەرى, «حالىق قاھار­مانى» توقتار اۋباكىروۆ پەن بەلگىلى ساياساتكەر بالتاش تۇرسىمباەۆ بولعان توپ قالالىق مادەنيەت ۇيىندە جۇرت­شىلىقپەن كەزدەستى. كەزدەسۋدى جسدپ وبلىستىق في­لي­الىنىڭ توراعاسى ۆلاديمير اندريەۆسكي اشتى. ول جينالعانداردى دەپۋ­تاتتىقتان ۇمىتكەرلەرمەن تانىستى­رىپ, ءسوزدى قوناقتارعا بەردى. جسدپ ليدەرلەرى تولىپ جاتقان ساندار مەن فاكتىلەردى كەلتىرە وتىرىپ, ەلگە ناقتى وزگەرىستەر كەرەك ەكەندىگىن ايتتى. ءوز­دەرىنىڭ سايلاۋالدى باعدارلاماسىندا وسىنداي وزگەرىستەردىڭ قالاي جاسالۋى كەرەكتىگى ناقتى كورسەتىلگەندىگى اتاپ ءوتىلدى. ءىرى الپاۋىتتاردىڭ ەسەپسىز بايلىعىن مەملەكەتكە قايتارۋ, سالىق جۇيەسىن جەتىلدىرۋ, باعانى وسىرمەۋ, بيۋدجەتتەن ەڭبەكاقى الاتىنداردىڭ جال­اقىسىن, زەينەتاقى مەن ءتۇرلى الەۋ­مەتتىك تولەمدەردى ارتتىرۋ ماسە­لەلەرى قوزعالدى. پارتيانىڭ حالىقتى باسپانامەن قامتۋ, ءبىلىم بەرۋ مەن دەنساۋلىق ساقتاۋ سالالارىن جەتىلدىرۋ ماسەلەلەرى بويىنشا دا ناقتى جو­بالارى بارلىعى كولدەنەڭ تارتىلدى. سونىمەن بىرگە, ەلدە دەموكراتيالىق وزگەرىستەر جاساۋ قاجەتتىگى اۋىزعا الىندى. كەزدەسۋدە سۇراق بەرۋشىلەر كوپ بولدى. سونىڭ ىشىندە پارتيا ليدەر­لە­رىنىڭ بۇرىنعى اتقارعان قىزمەتتەرىنە سايكەس سۇراقتار دا بولدى. توقتار اۋباكىروۆتىڭ عارىش سالاسىن دامىتۋ باعىتىنداعى ويلارى دا جينالعان­دار­دىڭ قىزىعۋشىلىعىن تۋدىردى.  ال بالتاش تۇرسىمباەۆ وسى جەردىڭ تۋما­سى رەتىندە ءوڭىردىڭ ەكونوميكاسىن, حا­لىقتىڭ ءال-قۋاتىن ارتتىرۋ باعىتىندا ءوزىنىڭ بىرقاتار ناقتى ويلارى بارىن جەتكىزدى. سونىمەن بىرگە, ول حالىقتى وپپوزيتسيادان ۇرىكپەۋگە شاقىردى. ءبارىمىز دە قازاقستان ازاماتتارىمىز, ءبارىمىز دە ورتاق ءۇيىمىزدىڭ تىنىشتى­عىن جانە حالقىمىزدىڭ ءال-اۋقا­تىنىڭ ءوسىپ, ءومىر ساپاسىنىڭ بيىگىرەك دەڭ­گەيگە كوتەرىلگەنىن قالايمىز, دەدى ول. جاڭاوزەن وقيعالارى تۋرالى ءسوز بولعاندا جسدپ ليدەرلەرى ۇكىمەت پەن جەرگىلىكتى باسقارۋ جۇيەسىندەگى شەنەۋنىكتەر تاراپىنان كەتكەن اعاتتىق­تار­عا, مۇناي كومپانيالارىنىڭ ادام قۇ­قىن بۇزۋعا جول بەرگەندەرىنە ۇلكەن سىندار ايتتى. سونداي-اق, كەشە جسدپ-نىڭ القا مۇشەلەرى مارجان اسپاندياروۆا, رىس­بەك سارسەنباي ۇلى, سونداي-اق باۋىر­جان قارابەكوۆ پەن تۇراربەك قۇداي­بەر­گەنوۆتەن قۇرالعان تاعى ءبىر ۇگىت-ناسيحات توبى تالدىقورعان قالا­سىن­دا­عى ەكو­نو­ميكا جانە قۇقىق اكادەمياسىندا سايلاۋشىلارمەن كەزدەستى. بۇل كەزدەسۋدە دە سايلاۋشىلار تاراپىنان بەلسەندىلىك تانىتىلىپ, كوپتەگەن سۇراق­تار قويىلدى. جسدپ وكىلدەرى وزدەرى­ڭىز­دىڭ ومىرلەرىڭىزگە جاڭا جول اشقى­لارىڭىز كەلسە, 15 قاڭتارداعى سايلاۋدان قالماي داۋىس بەرىڭىزدەر, دەدى. جاقسىباي سامرات.