«نۇر وتاندى» قولداۋعا دايىن

«نۇر وتان» حالىقتىق-دەموكراتيا­لىق پارتياسى رەسپۋبليكالىق ساي­لاۋ­ال­دى شتابى مۇشەلەرى ۇگىت جۇمىستارىن قا­راعاندى وبلىسىندا جالعاستىرىپ, ءىرى كاسىپورىن وكىلدەرىمەن كەزدەستى. كەزدەسۋ بارىسىندا پارتيانىڭ سايلاۋالدى تۇ­عىر­ناماسىنىڭ باسىم باعىتتارى تالقى­لان­دى. «نۇر وتان» پارتياسى ەلباسى پار­تياسى رەتىندە, ەڭ الدىمەن, ەكونو­مي­كانى مودەرنيزاتسيالاۋ تاپسىرماسىن ءجۇ­زەگە اسىرۋدى كوزدەيدى. بۇل پارتيا­نىڭ قازاقستاندىقتاردىڭ ءال-اۋقاتىن كوتەرۋ ماقساتىنا جەتۋگە دە جول اشادى. «ارسەلور ميتتال تەمىرتاۋ» مەتال­لۋرگ­تەرىنە ءسوزىن ارناعان پارتيا ءتور­اعا­سىنىڭ ءبىرىنشى ورىنباسارى, «نۇر وتان» حدپ رەسپۋبليكالىق سايلاۋالدى شتا­بى­نىڭ جەتەكشىسى نۇرلان نىعماتۋلين: «نۇر وتان» ءۇشىن داۋىس بەرە وتىرىپ, سىزدەر تۇراقتىلىق پەن بەيبىت ءومىر ءۇشىن, بەرەكە-بىرلىك پەن ىنتىماق ءۇشىن, ءبۇ­گى­نى­مىز جانە بولاشاعىمىز ءۇشىن داۋىس بەرەسىزدەر. ءبىز تۇڭعىش پرەزيدەنتىمىز, ەل­با­سى نۇرسۇلتان نازارباەۆتىڭ ارقا­سىن­دا جەتكەن جەتىستىكتەردى جاڭا پارلامەنتتە, ءماسليحاتتاردا ودان ءارى جال­عاس­تى­راتىن بولامىز. سول ءۇشىن 15 قاڭتار كۇنى وتەتىن سايلاۋدا بۇكىل حالقىمىز جۇ­دىرىقتاي جۇمىلىپ, «نۇر وتان» پارتياسىنا داۋىس بەرەدى دەپ سەنىم بىلدىرەمىز», دەدى. قاراعاندىلىق مەتاللۋرگتەر ءار­قا­شان­دا ەلباسىن جانە ول باسقارعان پار­تيانى قولداپ كەلگەندىكتەرىن ءسوز ەتتى. سەبەبى, ءدال وسى جەردە پرەزيدەنت, «نۇر وتان» پارتياسىنىڭ كوشباسشىسى ءوزى­نىڭ ەڭبەك جولىن جانە ساياسي ءومىرىن باس­تا­عان بولاتىن. سوندىقتان قاراعان­دى­لىق مەتاللۋرگتەر ءۇشىن ەلباسىنىڭ بار­لىق باستامالارى مەن ۇستانعان باعىتى كوڭىلىنە جاقىن. سوندىقتان بولار, كەزدەسۋگە كەلگەن  «ارسەلور ميتتال تەمىرتاۋ» كاسىپورنى جۇمىسشىلارى «نۇر وتان» پارتياسىنىڭ سايلاۋالدى تۇعىر­نا­ماسىن ءبىراۋىزدان قولداپ, 15 قاڭ­تاردا بولاتىن سايلاۋدا ءوز داۋىستارىن بەرۋ تۋرالى شەشىم قابىلدادى. ءدال وسى كۇنى شتاب مۇشەلەرى قارا­عان­دى وبلىسىنىڭ كومىر شاحتالارىنىڭ  كاسىپوداقتارى, سونىڭ ىشىندە «قورعاۋ» كاسىپوداعى جەتەكشىلەرىمەن دە كەزدەستى. كەزدەسۋ بارىسىندا «نۇر وتان» پار­تيا­سى­نىڭ قازاقستاندىقتاردىڭ زاماناۋي ماماندىقتاردى مەڭگەرىپ, قاۋىپسىز جۇ­مىس جاعدايىمەن قامتاماسىز ەتۋگە, قۇ­قىق قورعاۋعا باعىتتالعان جۇمىسىن ودان ءارى جالعاستىراتىنى باسا ايتىلدى. بۇل ءما­سە­لەلەر ارقاشاندا پارتيانىڭ باستى نازا­رىن­دا جانە كەز كەلگەن ءوتىنىش جاۋاپسىز قالمايدى.  ايتالىق, «نۇر وتان» پارتيا­سى­نىڭ اتىنا 2006 جىلعى قىركۇيەكتە لەنين اتىنداعى شاحتادا كوز جۇمعانداردىڭ جۇبايلارىنان ءوز ءما­سە­لەسىن قاراۋ تۋرالى ءوتىنىش تۇسكەن ەدى. ماسەلەنىڭ وزەگى – ولارعا مىندەتتى ساق­تاندىرۋ جونىندەگى كەلىسىم-شارتتار بوي­ىن­شا تولەنەتىن وتەم­اقى كولەمى جۇمىس بەرۋشىلەردەن تىكەلەي وتەماقى الاتىن جۇمىسشىلاردىكىنەن ءبىرشاما تومەن. «نۇر وتاننىڭ» باستاما­سى­مەن «ارسەلور ميتتال تەمىرتاۋ» باسشى­لى­عىمەن كەلىسسوزدەر وتكىزىلىپ, ءناتي­جە­سىندە وسى ماسەلە وڭ شەشىمىن تاپتى. «نۇر وتان» پارتياسى قازاقستاندىق­تار­دى تولعاندىرعان كەز كەلگەن ماسەلەنى جان-جاقتى قاراپ, بارلىق جاعدايدى ەسكەرە وتىرىپ شەشۋگە تىرىسادى. سون­دىق­تان بولار, كەزدەسۋ قاراعان­دى­لىق­تار­دىڭ «نۇر وتاننىڭ» ماقسات-ءمۇد­دە­سىمەن تانىس ەكەندىكتەرىن جانە پار­تيا­نى تولىققاندى قولدايتىندىقتارىن كورسەتتى. ولار 15 قاڭتار كۇنى سايلاۋدا «نۇر وتاندى» قولداۋعا دايىن ەكەندىكتەرىن ءمالىم ەتتى. داستان كەنجالين. قاراعاندى وبلىسى.