ۇكىمەتتىك كوميسسيا مۇشەلەرى جاڭاوزەندىكتەرمەن جۇزدەستى

جاڭاوزەندەگى قايعىلى وقي­عا­عا بايلانىستى قۇرىلعان  «سا­مۇرىق-قازىنا» ۇلتتىق ءال-اۋقات قورى» اق توراعاسى ءو.ءشو­كەەۆ باستاعان ۇكىمەتتىك كوميسسيا كەشە جاڭاوزەندە جۇ­مىس­شى­لار­مەن كەزدەسۋ وتكىزدى. كەزدەسۋدە ءتو­­تەن­شە جاعدايلار ءمينيسترى ۆ.بوجكو, «قازمۇنايگاز» ۇك مەن «بارلاۋ. ءوندىرۋ» اق-تىڭ جا­ڭا­دان تا­عايىندالعان باسشىلارى ل.قيى­نوۆ, ا.ايدارباەۆ, ماڭ­عىس­تاۋ وبلىسىنىڭ اكىمى ب.مۇ­حا­مەت­جانوۆ جانە باسقا دا رەسمي ادامدار قاتىستى. باسقوسۋدا ءتو­تەن­شە جاعدايلار ءمينيسترى ۆ.بوج­كونىڭ قالاداعى الەۋمەتتىك نىسانداردى قالپىنا كەلتىرۋ جۇمىستارىنىڭ بارىسى جايلى حابارلاماسى تىڭدالدى. مينيستر بۇل رەتتە ءبىراز جۇمىستار ىستەلگەندىگىن تىلگە تيەك ەتىپ, بۇگىندەرى قالاداعى 22 مەكتەپتىڭ جاڭا جىلدان باستاپ وقۋشى­لار­دى قابىلداۋعا دايىن ەكەندىگىن جەتكىزدى. سونداي-اق وبلىستىق ار­داگەرلەر كەڭەسىنىڭ توراعاسى, ەل ازاماتى ءو.وزعانباەۆ جەتەكشىلىك ەتەتىن قوعامدىق كوميسسيا دا اقپارات بەردى. كوميسسيا توراعاسى ءو.شوكەەۆ ءوز سوزىندە ەلباسى تاپسىرماسىنا وراي جۇمىستان بوساپ قالعان ازا­ماتتاردىڭ الەۋمەتتىك-تۇرمىستىق جاعدايىن رەتتەۋ ماقساتىندا جا­ڭاوزەندە جانە جەتىباي كەنتىندە ەكى جاڭا ءوندىرىس ورنى اشىلا­تىن­دىعىن, بۇگىن ول جەرلەردە ەڭبەك ەتۋگە نيەت بىلدىرگەندەردى جۇمىس­قا ورنالاستىرۋ ءجۇرىپ جاتقان­دى­عىن ايتتى. ول جەردەگى جۇمىس ۇناسا قۇبا-قۇپ, ال زاڭ بويىنشا بۇ­رىنعى داۋلى ماسەلە پايدا­ڭىز­عا شەشىلىپ بۇرىنعى ەڭبەك ور­نى­ڭىزعا ورنالاساتىن مۇمكىندىك بول­سا, ول ءوز ەرىكتەرىڭدە بولادى دەگەندى ءبىلدىردى. بۇل جەردە ار­ناۋلى كوميسسيا جۇمىسى جال­عاسۋ­دا ەكەندىگىن جانە دە سول ارقىلى ماسەلە وڭ شەشىلەتىنى دە جەتكىزىلدى. ۇكىمەتتىك كوميسسيا توراعاسى وزدەرىنىڭ ەلباسى تاپسىرماسىنا وراي جاڭاوزەندە قايعىلى وقي­عا­لار كەزىندە قازا تاپقاندار مەن اۋىر جاراقات العاندارعا ءتيىستى كومەك بەرىلەتىندىگىنە توقتال­دى. ناقتى كومەكتەر بەرىلۋى ءۇشىن وقي­عا ساراپتالىپ, زەرتتەلىپ بارىپ قورىتىندى شىعاتىندىعىن, ءسوي­تىپ قازا بولعانداردىڭ وتباسى­نا 1 ميلليون, اۋىر جاراقات العان­دارعا 500 مىڭ تەڭگە كولەمىندە كومەك بەرىلەتىندىگىن جەتكىزدى. ول كومەك قوعامدىق قور ەسەبىنەن, قۇجاتتار دايىن, دالەلدى بولعان جاعدايدا كەلەسى اپتادان باستاپ بەرىلمەكشى. كەزدەسۋدە قالالىق ءماسليحات دەپۋتاتتارى ۇكىمەتتىك كوميسسيا توراعاسىنا قالانى قالپىنا كەلتىرۋ جۇمىستارىنىڭ قالاي جۇرۋدە ەكەندىگى جانە وعان قانشا قاراجات كەرەكتىگى جونىندە دە اقپارات بەردى. سونداي-اق, تۇرعىن ءۇي-كوم­مۋ­نال­دىق شارۋاشىلىق ماسەلەسىنە قاتىستى دا اڭگىمەلەر بولدى. جەكە ازاماتتاردىڭ وتىنىشتەرىنە وراي كوميسسيا باسشىسى وبلىس, قالا باسشىلارىنا ناقتى تاپسىرمالار بەردى. جالپى, قالانى قالپىنا كەلتىرۋ جۇمىستارىنا جۇمىسپەن قامتۋ بولىمىنەن 124 ادام جىبەرىلگەنى بەلگىلى بولدى. كەشەگى مالىمەت بويىنشا قا­لا­داعى بارلىق مەملەكەتتىك جانە الەۋمەتتىك-تۇرمىستىق نىساندار قالىپتى جۇمىس كەستەسىنە كوشتى. قالانى ەلەكتر ەنەرگياسىمەن, سۋ جانە جىلۋمەن قامتۋ جونگە ءتۇستى. ال قالاداعى ب ۇلىنگەن, قيراپ, ءور­تەنگەن اكىمشىلىك جانە الەۋ­مەتتىك نىسانداردى قالپىنا كەلتىرۋ جۇ­مىس­تارىن باستاۋعا مۇمكىندىك بار. ۇكىمەتتىك كوميسسيا توراعاسى ءو.شوكەەۆ باستاعان توپ ەڭبەكشى­لەر­مەن كەزدەسۋدەن سوڭ قالانى ارالاپ, ب ۇلىنگەن نىسانداردى قال­پىنا كەلتىرۋ جۇمىستارىنىڭ بارىسىمەن تانىستى. ال قۇقىق قورعاۋ ورگان­دا­رىنىڭ باسشىلارى كوميسسيا ءتور­اعاسىنا قوعامدىق ءتارتىپتىڭ ساقتا­لۋ­دا ەكەندىگىن جەتكىزدى. جولامان بوشالاق. ماڭعىستاۋ وبلىسى.