180 شاقىرىمعا سوزىلعان كەزەڭ الماتى قالاسىنىڭ باستى كوشەلەرىندە ءوربىدى. جارىس جولى 7 اينالىمعا سوزىلدى. «استانا» كومانداسىنىڭ يتاليالىق شاباندوزى سوڭعى اينالىمدا شابۋىلعا شىعىپ, وزگەلەردەن قارا ءۇزىپ كەتتى.
- مەن «ۆۋەلتا» جارىسىنان كەيىن سپورتتىق بابىما ەندى كەلىپ جاتىر ەدىم. جارىس العاشقىدا ءسال اۋىرلاۋ بولعانىمەن, كەيىننەن العا وزىپ شىعۋعا مۇمكىندىك تۋدى. ۇلكەن توپ قۇرىلىپ, ولار شابۋىلعا شىققاندا ءبىز ارىپتەسىمىز لۋيس لەون سانچەس ەكەۋمىز دە سولاردىڭ قاتارىنا ەنىپ كەتتىك. ال سوڭعى 25 شاقىرىم جەر قالعاندا مەن تاۋەكەلگە سالىپ, جەكە شاپتىم. مەن جالعىز ءوزىم مارەگە كەلۋدى جوسپارلادىم دا, سول ماقساتىما جەتتىم. بۇگىنگى جەڭىسىمە دە, قازاقستانعا كەلگەنىمە دە قۋانىشتىمىن. الماتىعى ءبىرىنشى مارتە كەلۋىم جانە بۇل قالا ماعان قاتتى ۇنادى, - دەدى داۆيدە ۆيللەليا.
تاۋلى ايماقتاعى مارەمەن بىتەتىن ەكىنشى كەزەڭ الدىندا ۆيللەليا 26 سەكۋند باسىمدىلىقپەن قوسا سارى جەيدەنى دە كيدى.
