2011 جىلعى 7 جەلتوقسان, استانا, ۇكىمەت ءۇيى
«قازاقستان رەسپۋبليكاسى جول قوزعالىسىنىڭ ەرەجەلەرىن, كولىك قۇرالدارىن پايدالانۋعا جىبەرۋ جونىندەگى نەگىزگى ەرەجەلەر مەن جول قوزعالىسىنىڭ قاۋىپسىزدىگىن قامتاماسىز ەتۋ بويىنشا لاۋازىمدى ادامدار مەن جول قوزعالىسىنا قاتىسۋشىلاردىڭ مىندەتتەرىن جانە ارنايى تۇستىك-گرافيكالىق سحەمالار بويىنشا ارنايى تۇستىك جانە دىبىستىق بەلگىلەرمەن جابدىقتالۋعا جانە بويالۋعا جاتاتىن جەدەل جانە ارنايى قىزمەتتەردىڭ, كولىكتىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1997 جىلعى 25 قاراشاداعى № 1650 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «قازاقستان رەسپۋبليكاسى جول قوزعالىسىنىڭ ەرەجەلەرىن, كولىك قۇرالدارىن پايدالانۋعا ءجىبەرۋ جونىندەگى نەگىزگى ەرەجەلەر مەن جول قوزعالىسىنىڭ قاۋىپسىزدىگىن قامتاماسىز ەتۋ بويىنشا لاۋازىمدى ادامدار مەن جول قوزعالىسىنا قاتىسۋشىلاردىڭ مىندەتتەرىن جانە ارنايى تۇستىك-گرافيكالىق سحەمالار بويىنشا ارنايى تۇستىك جانە دىبىستىق بەلگىلەرمەن جابدىقتالۋعا جانە بويالۋعا جاتاتىن جەدەل جانە ارنايى قىزمەتتەردىڭ, كولىكتىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1997 جىلعى 25 قاراشاداعى № 1650 قاۋلىسىنا مىناداي وزگەرىستەر مەن تولىقتىرۋلار ەنگىزىلسىن:
1) كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ جول قوزعالىسى ەرەجەلەرىندە:
1.2-تارماقتا:
ونىنشى ابزاتس مىناداي رەداكتسيادا جازىلسىن:
«باستى جول – 2.1, 2.3.1-2.3.3 بەلگىلەرىمەن بەلگىلەنگەن نەمەسە 5.1 بەلگىسى بار جولدارمەن قيىلىساتىن (قوسىلاتىن) نە بولماسا قيىرشىق تاس توسەلگەن جولدارعا قاتىستى قاتتى (اسفالىتالعان, تسەمەنتتى-بەتوندالعان, تىس ماتەريالدار جانە سول سياقتى) جول. ەكىنشى دارەجەلى جولدا, تىكەلەي ۋچاسكە قيىلىسى الدىنداعى توسەلگەن جول بولعانىمەن, قيىلىساتىن جولمەن تەڭ بولىپ سانالمايدى;»;
مىناداي مازمۇنداعى ون ءبىرىنشى ابزاتسپەن تولىقتىرىلسىن:
«گازون (گۇلزار) – قالالىق جەر تىزىلىمىندە «گازون» («گۇلزار») رەتىندە ايقىندالعان, ايقىن بەلگىلەنگەن شەكارالارى بار جەر ۋچاسكەسى;»;
مىناداي مازمۇنداعى جيىرماسىنشى جانە جيىرما ءبىرىنشى ابزاتستارمەن تولىقتىرىلسىن:
«جۇكسىز ماسسا – كولىك قۇرالىنىڭ ەكيپاجىسىز, جولاۋشىلار مەن جۇكسىز, بىراق تولىق وتىن قورى مەن قاجەتتى قۇرال-سايمان جيىنتىعى بار ماسساسى;
جۇكتى ماسسا – تيەلگەن كولىك قۇرالىنىڭ, ەكيپاج بەن جولاۋشىلاردىڭ ناقتى ماسساسى;»;
مىناداي مازمۇنداعى جيىرما بەسىنشى ابزاتسپەن تولىقتىرىلسىن:
«جولاۋشىلار مەن باگاجدى تۇراقتى ەمەس تاسىمالداۋ – جەكە جانە زاڭدى تۇلعالاردىڭ تاپسىرىستارى (وتىنىشتەرى) بويىنشا اۆتوبۋستاردى, شاعىن اۆتوبۋستاردى پايدالانا وتىرىپ, تاسىمالداۋشىلار كورسەتەتىن كولىك قىزمەتتەرى;»
وتىز ءتورتىنشى ابزاتس مىناداي رەداكتسيادا جازىلسىن:
«جول قيىلىسى – جولداردىڭ, تيىسىنشە قاراما-قارسى, جول قيىلىسى ورتاسىنان نەعۇرلىم الىستاتىلعان قيىلىستى بەلگىلەنگەن سىزىقتارمەن قوساتىن ءبىر دەڭگەيدە قيىلىسۋ, ءتۇيىسۋ نەمەسە تارماقتالۋ ورنى. ولاردىڭ الدىنان باسىمدىلىق بەلگىسى قويىلماعان دالالىق, ورماندى جانە ەكىنشى دارەجەلى جولدارمەن قيىپ ءوتۋ, ء(تۇيىسۋ) ورىندارى جول قيىلىسى بولىپ سانالمايدى;»
قىرقىنشى ابزاتس مىناداي رەداكتسيادا جازىلسىن:
«قوزعالىسقا كەدەرگى – وسى جول جولاعى بويىمەن قوزعالىستى جالعاستىرۋعا مۇمكىندىك بەرمەيتىن قوزعالىس جولاعىنداعى قوزعالمايتىن وبەكت. كەپتەلىس جانە ەرەجە تالاپتارىنا سايكەس وسى قوزعالىس جولاعىندا توقتاعان كولىك قۇرالى كەدەرگى بولىپ تابىلمايدى;»;
قىرىق ءبىرىنشى ابزاتس الىپ تاستالسىن;
2.1.1-تارماقتىڭ بەسىنشى ابزاتسى مىناداي رەداكتسيادا جازىلسىن:
«مەملەكەتتىك نەمەسە مىندەتتى تەحنيكالىق بايقاۋدان وتكەندىگى تۋرالى قۇجات»;
2.1.2-تارماق مىناداي رەداكتسيادا جازىلسىن:
«2.1.2. قاۋىپسىزدىك بەلدىگىمەن جابدىقتالعان كولىك قۇرالدارىندا قوزعالىس كەزىندە بەلدىكتەنگەن بولۋى, بەلدىك تاقپاعان جولاۋشىلاردى تاسىمالداماۋ.
موتوتسيكلدى باسقارعان كەزدە تۇيمەلەنگەن موتوشلەم كيۋگە جانە تۇيمەلەنگەن موتوشلەم كيمەگەن جولاۋشىنى تاسىمالداماۋ.»;
2.7.2-تارماق مىناداي رەداكتسيادا جازىلسىن:
«2.7.2. اقاۋى بار نەمەسە مەملەكەتتىك نەمەسە مىندەتتى تەحنيكالىق بايقاۋدان وتپەگەن كولىك قۇرالدارىن پايدالانۋعا.»;
3.3-تارماقتىڭ ءبىرىنشى بولىگى مىناداي رەداكتسيادا جازىلسىن:
«3.3. جاياۋ جۇرگىنشىلەر كولىك جۇرەتىن بولىكتى جاياۋ جۇرگىنشىلەرگە ارنالعان, ونىڭ ىشىندە جەراستى جانە جەرۇستى وتپەلەرىنەن, ال ولار بولماعاندا كورۋ شەگىندە – قيىلىستاردان تروتۋارلار مەن جول جاعالاۋى سىزىعى بويىمەن كەسىپ ءوتۋى ءتيىس»;
4.2-تارماقتىڭ ءتورتىنشى ابزاتسى مىناداي رەداكتسيادا جازىلسىن:
«كولىك قۇرالىنىڭ قوزعالىسى كەزىندە ونىڭ ەسىگىن اشۋعا, سونداي-اق تەرەزە ويىعىنان, ليۋكتەن باسىن شىعارۋعا;»;
6.4-تارماقتىڭ ءبىرىنشى بولىگى مىناداي رەداكتسيادا جازىلسىن:
«6.4. سارعىش قىزىل نەمەسە سارى ءتۇستى جارقىلداۋىق ماياگى ىسكە قوسۋلى كولىك قۇرالدارىنىڭ جۇرگىزۋشىلەرى جول ۇستىندە قۇرىلىس, جوندەۋ نەمەسە جيناۋ جۇمىستارىن ورىنداۋ كەزىندە جەكە كۇزەت ۇيىمدارىنىڭ جەدەل دەن قويۋ ۇتقىر توپتارى قوزعالىس قاۋىپسىزدىگىن قامتاماسىز ەتۋ شورتىمەن جول بەلگىلەرى (2.2, 2.4-2.6, 3.11-3.14, 3.17.2, 3.20 بەلگىلەرىنەن باسقا) مەن تاڭبالارىنىڭ, سونداي-اق ەرەجەنىڭ 9.4-9.8 جانە 16.1-تارماقتارىنىڭ تالاپتارىن ورىنداماۋى مۇمكىن.»;
8.3-تارماق مىناداي رەداكتسيادا جازىلسىن:
«8.3. ەكىنشى دارەجەلى جولدان شىعۋ كەزىندە جۇرگىزۋشى جولدا قوزعالىپ كەلە جاتقان كولىك قۇرالدارى مەن جاياۋ جۇرگىنشىلەرگە, ال جولدان كىرگەن كەزدە -جاياۋ جۇرگىنشىلەر مەن ۆەلوسيپەدشىلەرگە, ول كەسىپ وتەتىن قوزعالىسقا جول بەرۋى ءتيىس»;
12.4-تارماقتا:
ءۇشىنشى ابزاتس مىناداي رەداكتسيادا جازىلسىن:
«تەمىر جول وتپەلەرىندە, توننەلدەردە;»;
مىناداي مازمۇنداعى ءتورتىنشى ابزاتسپەن تولىقتىرىلسىن:
«ەستاكادالاردا, كوپىرلەردە, جول قۇبىرلارىندا (ەگەر وسى باعىتتاعى قوزعالىس ءۇشىن كەمىندە ءۇش جولاق بولسا) جانە ولاردىڭ استىندا (جولاقتاردىڭ سانىنا قاراماستان);»;
سەگىزىنشى ابزاتس مىناداي رەداكتسيادا جازىلسىن:
«ايالداما الاڭدارىندا جانە ولارعا 15 م جاقىن جەردە, ال ول جوق بولعاندا مارشرۋتتىق كولىك قۇرالدارى مەن تاكسي ايالداماسىنىڭ كورسەتكىشىنەن 15 م جاقىن جەردە;»;
13.1-تارماق مىناداي رەداكتسيادا جازىلسىن:
«13.1. وڭعا نەمەسە سولعا بۇرىلعان كەزدە جۇرگىزۋشى ول بۇرىلاتىن جولدىڭ ءجۇرىس بولىگىن ءوزىنىڭ قوزعالىس باعىتى بويىنشا كەسىپ وتەتىن جاياۋ جۇرگىنشىگە, ونى ۆەلوسيپەد جولىمەن كەسىپ وتەتىن ۆەلوسيپەدشىگە جانە 5.9 (18.2-تارماعىن ەسكەرە وتىرىپ) بەلگىسىمەن بەلگىلەنگەن جول جولاعى بويىمەن قوزعالىپ كەلە جاتقان مارشرۋتتىق كولىك قۇرالدارىنا جول بەرۋگە مىندەتتى.»;
19.10-تارماق مىناداي رەداكتسيادا جازىلسىن:
«19.10. سارعىش قىزىل نەمەسە سارى ءتۇستى جارقىلداۋىق ماياك جولداردى سالۋ, جوندەۋ نەمەسە ۇستاۋ, بۇزىلعان, جارامسىز جانە وزگە دە كولىك قۇرالدارىن تيەۋ جانە تاسىمالداۋ جونىندەگى جۇمىستاردى ورىنداۋ كەزىندە كولىك قۇرالدارىندا; اۋىر سالماقتى, ءىرى كولەمدى جۇكتەردى تاسىمالداۋدى جۇزەگە اسىرۋ كەزىندە كولىك قۇرالدارىندا; اۋىر سالماقتى, ءىرى كولەمدى جانە قاۋىپتى جۇكتەردىڭ تاسىمالدارىنا ىلەسىپ جۇرەتىن كولىك قۇرالدارىندا; ۇيىمداستىرىلعان بالالار توپتارىن تاسىمالداۋعا ارنالعان اۆتوبۋستاردا, كۇزەتەتىلەتىن وبەكتىلەرگە رۇقساتسىز كىرگەن كەزدە جەكە كۇزەت ۇيىمدارى ۇتقىر توپتارىنىڭ كولىك قۇرالدارى قوسىلۋى ءتيىس»;
22.8-تارماقتىڭ ءۇشىنشى ابزاتسى مىناداي رەداكتسيادا جازىلسىن:
«مەحانيكالىق كولىك قۇرالىنىڭ الدىڭعى ورىندىعىندا بالالارعا ارنالعان ۇستاپ تۇرۋ ارنايى قۇرىلعىسى بولماعاندا.»;
24.4-تارماقتىڭ ەكىنشى ابزاتسى مىناداي رەداكتسيادا جازىلسىن:
«كولىك-اربا (شانا) جۇرگىزۋشىسى شەكتەۋلى شولىناتىن جەرلەردە ەكىنشى دارەجەلى جولدان جولعا شىعۋ كەزىندە مالدى جۇگەنىنەن ۇستاپ الىپ ءجۇرۋى ءتيىس»;
2) كورسەتكەن قاۋلىمەن بەكىتىلگەن كولىك قۇرالدارىن پايدالانۋعا جىبەرۋ جونىندەگى نەگىزگى ەرەجەلەر مەن جول قوزعالىسىنىڭ قاۋىپسىزدىگىن قامتاماسىز ەتۋ بويىنشا لاۋازىمدى ادامدار مەن جول قوزعالىسىنا قاتىسۋشىلاردىڭ مىندەتتەرىندە:
2-تارماقتىڭ ءبىرىنشى بولىگى مىناداي رەداكتسيادا جازىلسىن:
«2. مەحانيكالىق كولىك قۇرالدارى مەن تىركەمەلەر «ترانزيت» دەگەن تىركەۋ بەلگىسىنىڭ قولدانىلۋ مەرزىمى ىشىندە نە ساتىپ العان نەمەسە كەدەندىك دەكلاراتسيالانعان ساتتەن باستاپ 10 تاۋلىكتەن كەشىكتىرىلمەي جول پوليتسياسىندا تىركەلۋى ءتيىس»;
3-تارماقتىڭ ءبىرىنشى ابزاتسى مىناداي رەداكتسيادا جازىلسىن:
«3. مەحانيكالىق كولىك قۇرالدارىندا (ترامۆايلار مەن تروللەيبۋستاردان باسقا) جانە تىركەمەلەردە وسى ءۇشىن كوزدەلگەن ورىنداردا ءتيىستى ۇلگىدەگى تىركەۋ بەلگىلەرى, ال اۆتوموبيلدەردە بۇدان باسقا, ماڭداي اينەگىنىڭ تومەنگى وڭ بۇرىشىندا مەملەكەتتىك نەمەسە مىندەتتى تەحنيكالىق قاراۋدان وتكەندىگى تۋرالى تالون ورنالاستىرىلادى.»;
13-تارماقتىڭ بەسىنشى بولىگى مىناداي رەداكتسيادا جازىلسىن:
«مەملەكەتتىك نەمەسە مىندەتتى تەحنيكالىق قاراۋدان وتپەگەن, سونداي-اق ءتيىستى رۇقساتسىز قايتا جابدىقتالعان كولىك قۇرالدارىنا;»;
14-تارماقتىڭ ەكىنشى ابزاتسى مىناداي رەداكتسيادا جازىلسىن:
«ولاردى پايدالانۋعا تىيىم سالىناتىن اقاۋلىقتارى بار كولىك قۇرالدارىن جولعا شىعارۋعا نەمەسە ءتيىستى رۇقساتسىز جابدىقتالعان نەمەسە بەلگىلەنگەن تارتىپپەن تىركەلمەگەن نەمەسە مەملەكەتتىك نەمەسە مىندەتتى تەحنيكالىق قاراۋدان وتپەگەن, سونداي-اق يەلەرى زاڭنامادا بەلگىلەنگەن جاعدايلاردا كولىك قۇرالدارى يەلەرىنىڭ جاۋاپكەرشىلىگىن مىندەتتى ساقتاندىرۋ شارتىن جانە/نەمەسە جولاۋشىلاردىڭ الدىندا تاسىمالداۋشىنىڭ جاۋاپكەرشىلىگىن مىندەتتى ساقتاندىرۋ شارتىن جاساماعان كولىك قۇرالدارىن جولعا شىعارۋعا;»;
مىناداي مازمۇنداعى 7.17-تارماقپەن تولىقتىرىلسىن:
«7.17. مەملەكەتتىك تىركەۋ نومىرلىك بەلگىلەرىندە مەملەكەتتىك تىركەۋ نومىرلىك بەلگىلەرىنىڭ ارىپتىك جانە ساندىق بەلگىلەرىن جاسىرۋعا مۇمكىندىك بەرەتىن پەردەلەر ورناتىلعان.».
3) كورسەتىلگەن قاۋلىمەن بەكىتىلگەن ارنايى تۇستىك-گرافيكالىق سحەمالار بويىنشا ارنايى جانە دىبىستىق بەلگىلەرمەن جابدىقتالۋعا جانە بويالۋعا جاتاتىن جەدەل جانە ارنايى قىزمەتتەردىڭ, كولىكتىڭ تىزبەسىندە:
مىناداي مازمۇنداعى 8-تارماقپەن تولىقتىرىلسىن:
«8. جەكە كۇزەت ۇيىمدارىنىڭ ۇتقىر جەدەل دەن قويۋ توپتارى.».
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
