جەمقورلىق الەۋمەتتىك كەسەل رەتىندە قازىرگى كەزەڭدە دە سالىق قاتىناستارى سالالارىندا ورىن الىپ وتىر. بۇل كەسەل, ەڭ الدىمەن, سالىق قىزمەتى ورگاندارىنىڭ يميدجىنە كەسىرىن تيگىزىپ, سالىق تولەۋشىلەردىڭ سەنىمىنە كولەڭكە ءتۇسەرەتىن بولسا, ەكىنشى جاعىنان مەملەكەتتىڭ نارىقتىق ەكونوميكانى دامىتۋعا قاۋىپ ءتوندىرىپ, ەكونوميكالىق جانە ۇلتتىق قاۋىپسىزدىككە زيان كەلتىرەدى.
تۇرعىنداردىڭ جانە كاسىپكەرلەردىڭ تومەن دارەجەدەگى سالىق مادەنيەتى جەمقورلىققا جاعداي تۋعىزاتىن فاكتورلاردىڭ بىرىنەن سانالادى. سالىق زاڭناماسىنىڭ ەرەجەلەرىن بىلمەۋدىڭ سالدارىنان سالىق تولەۋشىلەر ەركىنەن تىس ءتارتىپ بۇزۋشىلىقتارعا جول بەرەدى. سونىڭ سالدارىنان اكىمشىلىك جاۋاپكەرشىلىككە تارتىلادى. ءسويتىپ, سالىق تولەۋشىلەر بۇل جاۋاپكەرشىلىكتەن قۇتىلۋ ءۇشىن ءارتۇرلى سىبايلاستىق ارەكەتتەرگە بارىپ, جەڭ ۇشىنان جالعاسۋ جولىن ىزدەيدى.
مىنە وسىعان بايلانىستى, استانا قالاسى, الماتى اۋداندىق سالىق باسقارماسىنىڭ اقپاراتتاردى قابىلداۋ جانە زەرتتەۋ ورتالىعىندا بارلىق سالىق تولەۋشىلەر ساناتتارى ءۇشىن اقپاراتتىق تاقتا ىلىنگەن. وندا قۇجاتتاردىڭ اتقارىلۋى سالىق ەسەپتەرىنىڭ, سالىق تولەۋ ۋاقىتىنىڭ مەرزىمدەرى ناقتى كورسەتىلگەن. جەمقورلىقتىڭ الدىن الۋ ماقساتىنداعى ساقتاندىرۋ جۇمىستارىن جۇرگىزۋ ءۇشىن بىرقاتار شارالاردى جۇزەگە اسىرۋعا تۋرا كەلەدى. اتاپ ايتقاندا:
1) قازاقستان رەسپۋبليكاسى سالىق زاڭناماسىن ناسيحاتتاۋ;
2) بيۋدجەتكە سالىق تولەۋ جانە باسقا دا مىندەتتى تولەمدەردى وتەۋ ءجونىندەگى وتەم قۇجاتتارىن ەلەكتروندىق نۇسقادا جاساۋ جانە ەلەكتروندىق ەسەپ بەرۋ ءۇشىن ارنايى باعدارلاما قامتاماسىز ەتىلەدى;
3) سالىق تولەۋشىلەر (سالىق اگەنتتەرى) قاجەتتى قۇجاتتارىنىڭ جاعدايىن تەكسەرۋ ءۇشىن ارنايى تەرمينالدار ءجۇيەسىن قۇرۋ جانە دامىتۋ;
4) سالىق مىندەتتەمەلەرىنىڭ ورىندالۋى جونىندەگى بيۋدجەتپەن ەسەپ ايىرىسۋ ءتارتىبى تۋرالى حابارلاما بەرىلەدى;
5) سالىق قىزمەتى ورگاندارىنىڭ حابارلامالارى مەن جۇمىس ىستەۋ ءۇشىن ارنايى ورتالىقتار جۇيەسىن قۇرۋ جانە دامىتۋ;
6) سالىق قىزمەتى ورگاندارىنىڭ ارنايى سايتتارىنىڭ جۇمىس ىستەۋىن قامتاماسىز ەتۋ;
7) مىندەتتى زەينەتاقى جارنالارىن اۋدارۋ, الەۋمەتتىك تولەمدەردى, باسقا دا مىندەتتى بيۋدجەت تولەمدەرىن جانە سالىقتاردى تولەۋ ءۇشىن بانكوماتتار ءجۇيەسىن جانە باسقا ەلەكتروندىق قوندىرعىلاردى دامىتۋعا (ماتەريالدىق كومەكتەن باسقا) جان-جاقتى جاعداي جاساۋ.
قازاقستان رەسپۋبليكاسى سالىق زاڭناماسىن ناسيحاتتاۋ سالىق ماسەلەلەرى بويىنشا سالىق تولەۋشىلەردىڭ (سالىق اگەنتتەرىنىڭ) جان-جاقتى ءبىلىمىن ارتتىرادى. سالىق قىزمەتى ورگاندارى قازاقستان رەسپۋبليكاسى سالىق زاڭناماسىن ناسيحاتتاۋدى سەمينارلار, وتىرىستار, سالىق تولەۋشىلەرمەن (سالىق اگەنتتەرىمەن) كەزدەسۋلەر وتكىزۋ ارقىلى, بۇقارالىق اقپارات قۇرالدارىندا, اقپاراتتىق تاقتالاردا حابارلاندىرۋلار بەرۋ ارقىلى, بۋكلەتتەر مەن باسپا ماتەريالدارىن شىعارۋ ارقىلى, سونىمەن بىرگە بەينە, اۋديو تاسپالارىن جانە باسقا تەحنيكالىق قۇرالداردى پايدالانۋ ارقىلى جۇزەگە اسىرادى. وسىعان بايلانىستى وسى ماقالا ارقىلى جەكە كاسىپكەرلەرگە سالىق ەسەپتەرىن تاپسىرۋدىڭ نەگىزگى مەرزىمدەرى تۋرالى حابارلاماقپىز.
الەۋمەتتىك سالىق جانە جەكە تابىس سالىعى بويىنشا دەكلاراتسيا (ف.200.00) – كەلەسى ەسەپتىك توقساننىڭ ەكىنشى ايىنىڭ 15-ءشى كۇنىنەن كەشىكتىرىلمەۋى كەرەك.
الەۋمەتتىك وتەمدەردىڭ قارجىسىن ەسەپتەۋ جانە اۋدارۋ; مىندەتتى زەينەتاقى جارنالارىنىڭ قارجىسىن اۋدارۋ جانە ەسەپتەۋ, ۇستاپ قالۋ ەسەپتەرى (ف.201.00) – كەلەسى ەسەپتىك توقساننىڭ ەكىنشى ايىنىڭ 15-ءشى كۇنىنەن كەشىكتىرىلمەۋى كەرەك.
جەكە تابىس سالىعى جونىندەگى دەكلاراتسيا (ف.220.00) – كەلەسى ەسەپتىك توقساننىڭ 31 ناۋرىزىنان كەشىكتىرىلمەۋى قاجەت.
شاعىن بيزنەس سۋبەكتىلەرى ءۇشىن جەڭىلدەتىلگەن دەكلاراتسيا (ف.910.00) – كەلەسى ەسەپتىك توقساننىڭ ەكىنشى ايىنىڭ 15-ءشى كۇنىنەن كەشىكتىرىلمەۋى كەرەك.
پاتەنت الۋ ءۇشىن ەسەپ ايىرىسۋ (ف.911.00) – بۇرىنعى پاتەنتتىڭ مەرزىمى بىتپەي تۇرىپ, ەكىنشى پاتەنت الۋ ارالىعىندا.
كولىك قۇرالدارى سالىعى جونىندەگى, جەر جانە م ۇلىك سالىعى جونىندەگى دەكلاراتسيا (ف.700.00) – كەلەسى ەسەپتىك جىلدىڭ 31 ناۋرىزىنان كەشىكتىرىلمەۋى ءتيىس.
جەر سالىعى جانە م ۇلىك سالىعى جونىندەگى اعىمداعى تولەم ەسەپتەرى (ف. 701.01) – كەلەسى ەسەپتىك توقساننىڭ ەكىنشى ايىنىڭ 15-ءشى كۇنىنەن كەشىكتىرىلمەۋى كەرەك.
سالىق ورگانداردىڭ كەلەسى ايدىڭ تىركەلۋ ەسەبىنە قويۋ ءار ايدىڭ 15- جۇلدىزىنان كەشىكتىرىلمەۋى ءتيىس. نىسانداردى الداعى ايدا سەنىمدى باسقارۋعا نەمەسە جالعا بەرۋ, سول ايدىڭ 15 -ءشى كۇنىنەن كەشىكتىرىلمەي تىركەلۋى كەرەك.
جەر تەلىمىن پايدالانۋ ءۇشىن اعىمداعى تولەمدەر جاساۋ ەسەبى (ف.851.00) – جىل سايىن 20 اقپاننان كەشىكتىرىلمەۋى كەرەك.
قورشاعان ورتانىڭ ەميسسياسى ءۇشىن تولەم جونىندەگى دەكلاراتسيا (ف.870.00) – كەلەسى ەسەپتىك توقساننىڭ ەكىنشى ايىنىڭ 15-ءشى كۇنىنەن كەشىكتىرىلمەۋى كەرەك.
دينارا ەرعاليەۆا, سالىق باسقارماسىنىڭ قىزمەتكەرى.
