2011 جىلعى 21 قاراشا, استانا قالاسى
ارنايى ەكونوميكالىق ايماقتىڭ قاتىسۋشىسى رەتiندە قىزمەتتi جۇزەگە اسىرۋ ءۇشىن, ءوتiنiم بەرەتىن جوبانىڭ تەحنيكالىق-ەكونوميكالىق نەگىزدەمەسىنە قويىلاتىن تالاپتاردى بەكىتۋ تۋرالى
«قازاقستان رەسپۋبليكاسىنداعى ارنايى ەكونوميكالىق ايماقتار تۋرالى» قازاقستان رەسپۋبليكاسى زاڭىنىڭ 10-بابىنىڭ 2 تارماعىنىڭ 8) تارماقشاسىنا سايكەس بۇيىرامىن:
1. قوسا بەرىلىپ وتىرعان ارنايى ەكونوميكالىق ايماقتىڭ قاتىسۋشىسى رەتiندە قىزمەتتi جۇزەگە اسىرۋ ءۇشىن, ءوتiنiم بەرەتىن جوبانىڭ تەحنيكالىق-ەكونوميكالىق نەگىزدەمەسىنە قويىلاتىن تالاپتار بەكىتىلسىن.
2. قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ ينۆەستيتسيا كوميتەتى (ا.ج. سەرىكوۆ) وسى بۇيرىقتىڭ زاڭنامادا بەلگىلەنگەن تارتىپپەن قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن جانە بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترىنىڭ ءبىرىنشى ۆيتسە-ءمينيسترى ا.پ. راۋعا جۇكتەلسىن.
4. وسى بۇيرىق العاشقى رەسمي جاريالانعاننان كەيىن ون كۇنتىزبەلىك كۇن وتكەن سوڭ قولدانىسقا ەنەدى.
قازاقستان رەسپۋبليكاسى پرەمەر-ءمينيسترىنىڭ ورىنباسارى -
قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترى ءا.يسەكەشەۆ.
قازاقستان رەسپۋبليكاسى پرەمەر-ءمينيسترىنىڭ ورىنباسارى – قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترىنىڭ 2011 جىلعى 21 قاراشاداعى № 425 بۇيرىعىمەن بەكىتىلگەن
ارنايى ەكونوميكالىق ايماقتىڭ قاتىسۋشىسى رەتiندە قىزمەتتi جۇزەگە اسىرۋ ءۇشىن, ءوتiنiم بەرەتىن جوبانىڭ تەحنيكالىق-ەكونوميكالىق نەگىزدەمەسىنە قويىلاتىن تالاپتار
1. جالپى ەرەجەلەر
1. وسى ارنايى ەكونوميكالىق ايماقتىڭ قاتىسۋشىسى رەتiندە قىزمەتتi جۇزەگە اسىرۋ ءۇشىن, ءوتiنiم بەرەتىن جوبانىڭ تەحنيكالىق-ەكونوميكالىق نەگىزدەمەسىنە (بۇدان ءارi – جوبانىڭ تەن) قويىلاتىن تالاپتار (بۇدان ءارi – تالاپتار) «قازاقستان رەسپۋبليكاسىنداعى ارنايى ەكونوميكالىق ايماقتار تۋرالى» قازاقستان رەسپۋبليكاسى زاڭى 10-بابىنىڭ 2-تارماعىنىڭ 8) تارماقشاسىنا سايكەس ازiرلەنگەن. 2. ارنايى ەكونوميكالىق ايماقتىڭ (بۇدان ءارى – اەا) قاتىسۋشىسى رەتiندە قىزمەتتi جۇزەگە اسىرۋ ءۇشىن, ءوتiنiم بەرەتىن جوبانىڭ تەن-ءسى قازاقستان رەسپۋبليكاسىنىڭ ارنايى ەكونوميكالىق ايماقتار تۋرالى قازاقستان رەسپۋبليكاسىنىڭ زاڭناماسىنا جانە وسى تالاپتارعا سايكەس ازiرلەنەدi.2. اەا قاتىسۋشىسى رەتiندە قىزمەتتi جۇزەگە اسىرۋ ءۇشىن, ءوتiنiم بەرەتىن جوبانىڭ تەن-ءنىڭ قۇرىلىمى
3. اەا قاتىسۋشىسى رەتiندە قىزمەتتi جۇزەگە اسىرۋ ءۇشىن, ءوتiنiم بەرەتىن جوبانىڭ تەن-ءنىڭ قۇرىلىمى مىنانداي بولىمدەردى قامتيدى: 1) جوبا كiرiسپەسى; 2) جوبا مازمۇنى; 3) جوبانىڭ جالپى سيپاتتاماسى; 4) ماركەتينگ جانە ءونىمدى (قىزمەتتى) وتكىزۋ; 5) وندىرىستىك جوسپار; 6) قارجىلىق-ەكونوميكالىق ءبولىم; 7) قوسىمشا 4. «كىرىسپە» بولىمىندە بۇگىنگى الەۋمەتتىك-ەكونوميكالىق, تابيعي-كليماتتىق, گەوگورافيالىق, ينجەنەرلىك-گەولوگيالىق جانە دە اەا جوباسىن ىسكە اسىرۋىن بولجامدايتىن باسقا دا جاعدايلار سيپاتتالادى. سونداي-اق, اتالعان بولىمدە اەا اۋماعىندا جوبانى قۇرۋ ارقىلى بولەك جانە تولىق شەشۋگە مۇمكىن بولاتىن پروبلەما كورسەتىلەدى. 5. «جوبا مازمۇنى» ءبولىمى قىسقاشا سيپاتتامانى, جوبانىڭ تيىمدىلىگىن, قىزمەتتىڭ نەگىزگى باعىتىن, اۋقىمىن, ونىڭ ىشىندە قۋاتتىلىعىن, جوبانىڭ قۇراۋشىلارىن, ءىس-قيمىل جوسپارىن, قارجىلاندىرۋدىڭ بولجانعان كوزدەرىن جانە سحەماسىن, سونداي-اق اەا ىسكە اسىرۋ كەزەڭىن قامتيدى. 6. «جوبانىڭ جالپى سيپاتتاماسى» بولىمىندە جوبا جانە ونىڭ نارىقتاعى احۋالى, ۇيىمداستىرۋ-قۇقىقتىق نىسانى, نەگىزگى قىزمەت تۇرلەرى, قولجەتكىزۋ, جوبانىڭ نەگىزگى قارجىلىق كورسەتكىشتەرىنە سيپاتتاما بەرۋ. جوبانىڭ جالپى سيپاتتاماسى كەلەسى اقپاراتتى قامتيدى: 1) ونىمدەر, تاۋارلار, قىزمەتتەر اتاۋى; 2) ءوتiنiم بەرۋشى تۋرالى جالپى مالىمەت (قاشان, قايدا جانە كىممەن قۇرىلدى, جۇمىسكەرلەر سانى, جارعىلىق كاپيتالى, نەگىزگى جانە اينالىم قاراجاتى); 3) قارجىلىق - ەكونوميكالىق كورسەتكىشتەرى (جوبانىڭ كولەمى); 4) باسقارۋ قۇرىلىمى; 5) كادر قۇرامى (باسقارۋ كومانداسى جانە جەتەكشى ماماندارىنىڭ بىلىكتىلىگى جانە تاجىريبە جۇمىسى, قىزمەتكەرلەر جانە بىلىمگە تالاپتار); 6) ەڭبەكتى قورعاۋ جانە قاۋىپسىزدىك تەحنيكاسى نورمالارى; 7) قىزمەت باعىتى; 8) ەكونوميكا سالاسى جانە ونىڭ پەرسپەكتيۆاسى; 9) ءوڭىردى دامىتۋعا ۇلەسى, قوعامدىق جانە الەۋمەتتىك بەلسەندىلىك ء(وڭىردىڭ ەكونوميكاسىنداعى ءرولى, وڭىرلىك پروبلەمالاردى شەشۋگە قاتىسۋى, دەمەۋشىلىك جانە قايىرىمدىلىق, قوعامدىق بىرلەستىكتەردە قاتىسۋى); 10) ەكسپورت نەمەسە يمپورتتىڭ ورنىن باسۋ; 11) ءونىمنىڭ (قىزمەتتىڭ) باسەكەگە قابىلەتتىگى; 12) دايىندىق دارەجەسى (عىلىمي-تەحنيكالىق قۇجاتتاما, ماكەت); 13) پاتەنتكە قابىلەتى جانە اۆتورلىق قۇقىق; 14) ساپا سەرتيفيكاتى جانە ليتسەنزيانىڭ قاجەتتىلىگى جانە بولۋى; 15) قاۋىپسىزدىك جانە ەكولوگيالىق. 7. «ماركەتينگ جانە ءونىمدى (قىزمەتتى) وتكىزۋ» ءبولىمى اەا اۋماعىندا جوبانى ىسكە اسىرۋ ناتيجەسىندە شىعارىلاتىن (ۇسىنىلاتىن) ءونىمنىڭ (قىزمەتتىڭ) تۇرىنە كازىرگى بار جانە پەرسپەكتيۆتى (اەا اۋماعىندا جوبانى دامىتۋ جانە جۇمىس جاساۋى كەزەڭىنە) سۇرانىس باعاسى قامتىلادى. بۇل بولىمدە ماركەتينگتىك تالداۋدى (نارىق مىنەزدەمەسى, ءونىمدى تۇتىنۋشى), ماركەتينگتىك جوسپاردى ء(ونىمنىڭ نارىققا جىلجىتۋ ستراتەگياسى – باعا ساياساتى, جارناما, ساتۋ جۇيەسى, ساتۋدان كەيىنگى قىزمەت كورسەتۋ, ساتۋ كولەمى), وندىرۋگە بولجانعان تاۋرالار جانە قىزمەتتەر سيپاتى, ولاردى ستاندارتتارعا سايكەس قولدانۋ مۇمكىنشىلىگى, ولاردىڭ قىزىعۋشىلىق تاراپتارى, ءونىمدى تالداۋ. 8. «وندىرىستىك جوسپار» دەگەن ءبولىم تەحنولوگيالىق پروتسەستىڭ سيپاتىن قامتيدى جانە جوبانى ۇيىمداستىرۋعا جالپى ءتاسىلدى, شيكىزات پەن ماتەريالدار كوزى, تەحنولوگيالىق جابدىق (اتاۋى مەن نەگىزگى سيپاتتامالارى) كورسەتىلەدى, جوبانىڭ ءۇي-جايلارعا, كوممۋنيكاتسيالارعا, ەنەرگيا كوزدەرىنە قاجەتتىلىكتەرىن, ەڭبەك رەسۋرستارىنا قاتىستى تالاپتاردى (پەرسونال, ەڭبەكاقى تولەۋ جانە ىنتالاندىرۋ شارتتارى, ەڭبەك جاعدايلارى, بولىمشەلەردىڭ قۇرىلىمى مەن قۇرامى, پەرسونالدى وقىتۋ, جوبانىڭ دامۋ شاماسى بويىنشا پەرسونال قۇرىلىمىنداعى بولجامدى وزگەرىستەر) كورسەتەدى. 9. «قارجىلىق-ەكونوميكالىق ءبولىم» بالاما سحەمالار مەن قارجىلاندىرۋ كوزدەرىن باعالاۋمەن قاتار قارجىلىق شىعىندار مەن تابىستاردى باعالاۋدى, جوبالار قۇرۋدى باعالاۋدى, اقشا قاراجاتىنىڭ قوزعالىسى تۋرالى, پايدا مەن شىعىندار تۋرالى ەسەپتى, جالپى رەسپۋبليكا ء(وڭىر) ەكونوميكاسىنىڭ تۇرعىسىنان اەا اۋماعىنداعى جوبانىڭ تيىمدىلىك كورسەتكىشتەرىن قامتيدى. وسى ءبولىم كەلەسىنى قامتيدى: 1) ينفراقۇرىلىم وبەكتىلەرىن سالۋعا شىعىنداردى قوسا العاندا, جوبانى قۇرۋعا بولجامدى شىعىنداردى باعالاۋ; 2) جالپى ينۆەستيتسيالىق شىعىنداردىڭ ەسەبى, قارجىلاندىرۋ قاجەتتىلىگىن ءبولۋ; 3) وندىرىستىك شىعىنداردىڭ (پايدالانۋ شىعىندارىنىڭ) ەسەبى; 4) جوبانىڭ قارجىلىق تالداۋى, ول مىنالاردى: - قارجىلىق باعالاۋدىڭ قاراپايىم تاسىلدەرىنىڭ كومەگىمەن جۇرگىزىلەتىن, ونىڭ ىشىندە, ءوزىن ءوزى اقتاۋ مەرزىمىن, پايدانىڭ قاراپايىم نورماسىن, بەرەشەكتى جابۋ كوەففيتسيەنتىن ەسەپتەۋ كومەگىمەن جوبالاردى تالداۋدى; - قارجىلاندىرۋدىڭ سحەمالارىن, كوزدەرىن, شارتتارىن جانە ولاردىڭ بالاما نۇسقالارىن تالداۋدى; - تاۋەكەلدىڭ نەگىزگى فاكتورلارىن, بولجالدى سيپاتتاماسىن جانە وزگەرىستەر اۋقىمىن, تاۋەكەلدەردى تومەندەتۋ جونىندەگى بولجامدى ءىس-شارالاردى ايقىندايتىن قارجىلىق تاۋەكەلدەردى باعالاۋدى قامتيدى. 5) جوبانىڭ تاۋەكەلدەرىن تالداۋ; 6) اەا اۋماعىندا جانە ونىڭ اۋماعىنان تىس جەردە جوبانىڭ ەكونوميكالىق اۋماعىن تالداۋ; 7) ەكونوميكالىق پايدالار مەن شىعىنداردى باعالاۋ, ونىڭ ىشىندە, ناتيجەلەردى, سالدارلاردى جانە اسەرلەردى تالداۋ, شىعىنداردى جانە ولشەنبەيتىن پايدالاردى, ءوسىمدى پايدالار مەن شىعىنداردى, تۇتىنۋشىنىڭ قوسىمشا پايدالارىن, تۇراقتى شىعىنداردى, سىرتقى اسەرلەردى, حالىقارالىق اسەرلەردى, جاناما پايدالاردى تالداۋ. 10. اەا اۋماعىنداعى جوبانىڭ «قوسىمشا» ءبولىمى ناقتىلانعان تۇردە شىعىس كەستەلەرىن, ماركەتينگتىك زەرتتەۋلەردىڭ ناتيجەلەرىن, اۋديتورلاردىڭ قورىتىندىلارىن, ءونىم ۇلگىلەرىنىڭ فوتوسۋرەتتەرى, ءوزىن-ءوزى اقتاۋ كەستەلەرىن جانە جوبانىڭ تەن-ىندە كەلتىرىلگەن اقپاراتتى راستايتىن جانە اشاتىن باسقا ماتەريالداردى, قۇجاتتاردى قامتۋى مۇمكىن. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 20 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7345 بولىپ ەنگىزىلدى.
