مەملەكەت باسشىسىنىڭ اتىنا قازاقستاندىقتاردان ءوز قۋانىشتارى مەن پروبلەمالارىن بولىسكەن, مەملەكەتتىك مەرەكەمەن قۇتتىقتاعان, ۇلت كوشباسشىسىنىڭ قازاقستاندى وركەندەتۋگە, تۇراقتىلىقتى, بەيبىتشىلىك پەن كەلىسىمدى نىعايتۋعا باعىتتالعان كورنەكتى قىزمەتىن اتاپ وتكەن حاتتار كۇن سايىن تولاسسىز كەلىپ تۇسۋدە, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
مۇنداي مازمۇنداعى حات جاس قازاقستاندىق, قازاقستان رەسپۋبليكاسى تۇڭعىش پرەزيدەنتى زياتكەرلىك مەكتەبىنىڭ تۇلەگى بەكەت تولەگەنوۆتەن كەلدى.
«2010 جىلدىڭ 21 ماۋسىمىندا قازاقستان رەسپۋبليكاسى تۇڭعىش پرەزيدەنتى زياتكەرلىك مەكتەبىنىڭ ۇزدىك تۇلەگى رەتىندە مەن سىزبەن كەزدەسۋگە قاتىسۋ قۇرمەتىنە يە بولدىم. اڭگىمەلەسۋ بارىسىندا مەن عارىش ينجەنەرى بولۋدى ارماندايتىنىمدى جانە قازاقستان الەمدەگى عارىشتىق دەرجاۆالاردىڭ ءبىرى بولۋى ءۇشىن قولىمنان كەلگەننىڭ ءبارىن جاساۋعا تىرىساتىنىمدى ايتتىم. وعان جاۋاپ رەتىندە مەن ءسىزدىڭ اكەلىك باتاڭىزدى الىپ, ءوز ارمانىمنىڭ ورىندالۋىن تىلەگەن ىستىق ىقىلاسىڭىزعا يە بولدىم», – دەلىنگەن حاتتا.
اۆتور مەكتەپتە العان ءبىلىمى مەن «بولاشاق» باعدارلاماسىنىڭ ارقاسىندا ءوزىنىڭ اقش-تىڭ ناسا, ااك مەن اتك ءۇشىن اەروعارىشتىق سالا ماماندارىن دايارلايتىن «Embry-Riddle Aeronautical University» ەرتەدەن كەلە جاتقان مامانداندىرىلعان امەريكالىق ۋنيۆەرسيتەتتىڭ ءبىرىنشى كۋرسىنا تۇسكەنىن اتاپ وتكەن.
ب.تولەگەنوۆ وسى ۋنيۆەرسيتەتتە ءبىلىم الاتىن العاشقى قازاقستاندىق رەتىندە ءوز وتانىن لايىقتى كورسەتە بىلۋدە. ول ستۋدەنتتەرگە ءوزىنىڭ ەلىن تانىستىرۋ كەزىندە تاۋەلسىز قازاقستاننىڭ وراسان جەتىستىكتەرى, ونىڭ ەجەلگى تاريحى, ەلدە سالتانات قۇرعان دوستىق, بەيبىتشىلىك پەن كەلىسىمنىڭ قازىرگى احۋالى تۋرالى تەرەڭىرەك ايتىپ بەرگەن.
بەكەت تولەگەنوۆ ەلباسىمەن العاشقى كەزدەسۋىندە ۇلت كوشباسشىسى ايتقان مىنا ءبىر سوزدەر ماڭگىلىك كوكەيىندە ساقتالىپ قالعانىن جازادى: «پرەزيدەنت ۋاقىت تىنىسىن سەزىنۋى ءتيىس, ال ءدال سەندەردەي, جاستارداي ۋاقىت تىنىسىن ەشكىم سەزىنە المايدى». مەنىڭ قىزمەتىمنىڭ كۇردەلىلىگى سوندا, مەن ارقاشان دا الدا ءجۇرىپ, يدەيالاردىڭ باستاماشىسى بولىپ جانە ونى جۇزەگە اسىرۋعا ءتيىسپىن. بۇل – مەنىڭ بورىشىم ءارى مىندەتىم». پرەزيدەنت نۇرسۇلتان نازارباەۆتىڭ مۇنداي ءومىرلىك ۇستانىمى جاس قازاقستاندىقتار ءۇشىن زور ادامگەرشىلىك باعدارعا اينالدى.
«مەن ءوز وتانىمدى, ءوز حالقىمدى جانە ونىڭ كوشباسشىسىن ماقتان ەتەمىن! مەن قول جەتكىزگەن جەتىستىكتەر ءاربىر قازاقستاندىقتىڭ ءوز جوسپارىن ىسكە اسىرۋىنا باعىتتالعان مەملەكەتتىك ساياساتتىڭ ءناتيجەسىندە مۇمكىن بولدى. وتانىمىز – قازاقستان رەسپۋبليكاسىنىڭ ودان ءارى ءوركەندەۋى ءۇشىن بارلىق قولىمنان كەلگەنىن جاسايمىن دەپ ءسىزدى سەندىرەمىن. مەن قازاقستان رەسپۋبليكاسى تۇڭعىش پرەزيدەنتى زياتكەرلىك مەكتەبىنىڭ بارلىق تۇلەكتەرى جانە «بولاشاق» باعدارلاماسىنىڭ ستيپەندياتتارى سياقتى ءوزىمدى ءسىزدىڭ كومانداڭىزدامىن دەپ سانايمىن!» دەلىنگەن ب.ءتولەگەنوۆتىڭ حاتىندا.
