اتاپ ايتقاندا, بۇگىن پارلامەنت ماجىلىسىندەگى ۇكىمەت ساعاتىندا دەپۋتاتتار اۋە بيلەتتەرى باعاسىنىڭ جوعارى بولۋى ءتۋريزمدى دامىتۋعا كەدەرگى بولىپ وتىرعاندىعىن اتاپ ءوتتى. ءوز كەزەگىندە قر ينۆەستيتسيالار جانە دامۋ ۆيتسە-ءمينيسترى تيمۋر توقتاباەۆ بۇل باعىتتا مينيسترلىك ءتيىستى جۇمىستاردى اتقارىپ جاتقانىن ايتتى. «بىزدە بالالارعا, زەينەتكەرلەرگە, مۇمكىندىگى شەكتەۋلى جاندارعا, جاستارعا ارنالعان جەڭىلدىكتەر ەسكەرىلگەن جولاۋشىلاردى تاسىمالداۋ ەرەجەلەرى بەكىتىلگەن. دەگەنمەن دە, تاسىمالداۋ قۇنىنا قاتىستى ماسەلە ءالى دە بار. قازىرگى كەزدە ەنەرگەتيكا مينيسترلىگىمەن بىرلەسە ءبىزدىڭ ۇشاقتار پاركى ءۇشىن ءوزىمىزدىڭ اۆياكەروسينمەن قامتاماسىز ەتۋ بولىگىندە ءتيىستى جۇمىستار جۇرگىزىلۋدە. الداعى جىلى تولىقتاي وتاندىق اۆياكەروسينمەن قامتۋ جوسپارلانىپ وتىر. مەنىڭ ويىمشا, كەلەسى جىلى وڭتايلى ناتيجە بايقالادى», - دەدى ت.توقتاباەۆ. ونىڭ ايتۋىنشا, بيلەت قۇنى بىرنەشە ينديكاتورلار ەسەبىنەن قالىپتاسادى. سونىڭ ىشىندە اۆياوتىن باعاسى نەگىزگى كورسەتكىش بولىپ وتىر. بۇدان بۇرىن حابارلانعانداي, پارلامەنت ماجىلىسىندە تۋريستىك سالانى دامىتۋعا ارنالعان ۇكىمەت ساعاتىندا مادەنيەت جانە سپورت ءمينيسترى ارىستانبەك مۇحامەدي ۇلى ەلەكتروندىق ۆيزا تەتىگى ەنگىزىلەتىنىن ايتتى.
