بيزنەس سالىمدار ءۇشىن قاي قارجى ۇيىمى ءتيىمدى؟

بيزنەس وكىلدەرى بانكتەرگە ءوز قاراجاتتارىن سەنىپ تاپسىرادى. الايدا, تاراتۋ, ليتسەنزيالاردى قايتارىپ الۋ جانە بىرنەشە ءىرى بانكتەردى بىرىكتىرۋ اياسىندا كورپوراتيۆتىك سالىمدار قىسقارادى. ماسەلەن, زاڭدى تۇلعالاردىڭ دەپوزيتتەرىنىڭ كولەمى تامىز ايىنا قاراي 8,72 ترلن تەڭگەنى قۇرادى. بۇل ماۋسىم ايىنا قاراعاندا كوپ بولعانىمەن, ءبىر جىل بۇرىنعىمەن سالىستىرعاندا 1,6 %-عا از.

كورپوراتيۆتىك سالىمدار ءۇشىنشى جىل قاتارىنان قىسقارۋدا. سونىمەن قاتار, قورلاندىرۋداعى ولاردىڭ ءرولى ايتارلىقتاي تومەندەدى. ماسەلەن, بانك دەپوزيتتەرىنىڭ جالپى كولەمىنەن زاڭدى تۇلعالاردىڭ ۇلەسى 50,6 %-دى عانا قۇرايدى. ءبىر جىل بۇرىن بۇل سان 52,5 % بولسا دا, بولشەك سالىمدارمەن تەڭ, ال بەس جىل بۇرىنعى كورسەتكىش – 62,5 %.

ەكىنشى دەڭگەيلى بانكتەردىڭ حالىقتىڭ دەپوزيتتەرىنە دەگەن قىزىعۋشىلىعىنىڭ ءوسۋى اياسىندا كوپتەگەن قارجى ۇيىمدارى كورپوراتيۆتىك سالىمدار نارىعىنداعى پوزيتسياسىنان ايىرىلادى. سوندىقتان سالاداعى ۇلەسى 5 %-دان اساتىن قازاقستان رەسپۋبليكاسىنداعى ءىرى 7 قارجى ينستيتۋتىنىڭ اراسىندا بيزنەستىڭ دەپوزيتتەرىنىڭ جىلدىق ءوسىمى 5 بانكتە عانا بايقالعان.

ەڭ ۇلكەن ءوسىم ForteBank-تە زاڭدى تۇلعالارعا, سونداي-اق حالىققا (جىلىنا+16,1%), سودان كەيىن كورپوراتيۆتىك سيتيبانكتە (جىلىنا بىردەن +35,6%) جانە بىرىككەن كازكوممەرتسبانكتىڭ (ەكى ەسە دەرلىك) ەسەبىنەن حالىق بانكىندە تىركەلگەن. جەتەكشى جەتى بانكتەن تاعى ەكى بانك – اتف بانك پەن "بانك تسەنتركرەديت" اق زاڭدى تۇلعالاردىڭ سالىم پورتفەلىن 2 %-عا ۇلعايتتى.

سبەربانكتىڭ كورپوراتيۆتىك سالىمدار پورتفەلى ءبىر جىل ىشىندە 2 %-عا دەرلىك قىسقاردى, ال تسەسنابانك بىردەن 15 %-عا قىسقارعان.

ەستەرىڭىزگە سالا كەتەيىك, قارجى سالاسىنداعى ءىرى ەكىنشى دەڭگەيلى بانكتەر زاڭدى تۇلعالاردىڭ بارلىق سالىمدارىنىڭ 78 %-ىن شوعىرلاندىرادى, بۇل كورسەتكىش ءبىر جىل بۇرىن 58,2% بولاتىن.

ءبىر جىل مەرزىمدە تانىمال سەگمەنتتەگى بيزنەس ءۇشىن دەپوزيتتەر بويىنشا زاڭدى تۇلعالاردىڭ سالىمدار قورجىنىنىڭ جىلدىق ءوسۋىن كورسەتكەن جەتەكشى بانكتەردىڭ اراسىندا ەڭ جوعارى مولشەرلەمە ForteBank-تە – 8,25 % (سجت - 8,6%) قۇرادى,. ودان كەيىن تسەنتركرەديت – 8 % (سجت - 8%) جانە حالىق بانكى – 6,75 % (سجت - 6,63%) بولىپ كەلەدى.

سالىم سوماسى بويىنشا شەكتەۋدى 2 ەدب – Forte 3 ملرد تەڭگەگە دەيىن جانە حالىق بانكى 1 ملرد تەڭگەگە دەيىن كورسەتتى. سونىمەن قاتار اتف بانك ءوز رەسمي سايتىندا شەكتەۋسىز سومانى بەلگىلەگەن. سەگمەنتتەگى ەڭ تومەنگى سالىم سوماسى 2 مىڭ تەڭگەدەن 1 ملن تەڭگەگە دەيىن وزگەرەدى.

اتف بانك پەن سيتيبانك وزدەرىنىڭ ينتەرنەت رەسۋرستارىندا كورپوراتيۆتىك دەپوزيتتىك ونىمدەر تۋرالى تولىق اقپاراتتى ۇسىنباعان.

شولۋعا ەنگەن بانكتەردىڭ تيپتىك ءتيىمدى ۇسىنىستارى قاراستىرىلعان.

تۇتاستاي العاندا, ەكىنشى دەڭگەيلى بانكتەردىڭ جەتەكشى بەستىگىندە شارتتى سالىمداردى قوسا العاندا, مىسالى, ءوندىرۋشى سالا كاسىپورىندارىنىڭ تاراتۋ قورىن قالىپتاستىرۋ ءۇشىن نەمەسە ستاۆكالارى ايتارلىقتاي تومەن شەتەلدىك جۇمىس كۇشىن تارتۋ ءۇشىن زاڭدى تۇلعالارعا ءارتۇرلى ونىمدەر بار.

سونداي-اق, سالىم شارتى مەرزىمىنەن بۇرىن بۇزىلعان جاعدايدا مولشەرلەمە تومەندەۋى مۇمكىن نەمەسە ءىشىنارا الۋ جانە قوسىمشا جارنالار ەسەبىمەن سالىمدى اشقان كەزدە از بولۋى ىقتيمال.

ارنۇر اسقار, 

«ەگەمەن قازاقستان»