جۇرەگى قازاقستان دەپ سوعادى

كەشە مەملەكەتتىك حاتشى قانات ساۋداباەۆ WBA تۇجى­رى­مى بويىنشا كاسىپقوي بوكستان ورتا سالماقتاعى الەم چەم­پيو­نى گەننادي گولوۆكينگە «پاراسات» وردەنىن تابىس ەتتى. كەزدەسۋدە بوكسشى ەلىمىز ءتا­ۋەلسىزدىگىنىڭ 20 جىلدىعىندا مەملەكەت تاراپىنان وردەن ال­عا­نىنا رازىلىعىن ءبىلدىرىپ, بۇل ماراپات ءوزى سياقتى ەلىمىزدەن سىرتقارى جەرلەردە, ەل نامىسىن قورعاپ جۇرگەن ساڭلاقتارىمىز ءۇشىن اۋىزبەن ايتىپ جەتكىزگىسىز ءۇل­كەن قۋانىش ەكەنىن, وسى ناگ­را­دانى ول ماقتان تۇتىپ, ەلىمىزدىڭ كوك بايراعىن بيىكتە جەلبىرەتۋ ءۇشىن ايانباي تەر توگەتىنىن اتاپ ءوتتى. مەملەكەتتىك حاتشىنىڭ قا­بىل­داۋىنان سوڭ, گ.گولوۆكين ءوزى­نىڭ الداعى جوسپارلارى تۋرالى وي­لارىمەن ءبولىستى. «قازىردە مە­نىڭ كاسىپقوي بوكستا ەكى تۇجىرىم بويىنشا الەم چەمپيونى اتاعىم بار. كەلەسى جىلى الەم چەمپيونى اتاعىن قورعاۋ ءۇشىن جەكپە-جەكتەر وتكىزۋدى جوسپارلاپ وتىرمىن. ول ءۇشىن كەلىسسوزدەر جۇرگىزىپ جاتىر­مىز», دەدى ول. وسى رەتتە داڭق­تى بوكسشى شەت ەلدە تۇرىپ, سول جاق­تىڭ اۋاسىن جۇتىپ جۇرسە دە شار­شى الاڭعا شىققان سايىن جۇرە­گى­نىڭ قازاقستان دەپ سوعا­تى­نىن, قاي كەزدە بولسا دا ەلىمىزدىڭ كوك تۋىن كوتەرۋ ءۇشىن كەز كەلگەن قار­سىلاسىمەن ايقاساتىنىن جەتكىزدى. «الداعى جەكپە-جەكتەردى اقش-تىڭ لاس-ۆەگاس قالاسىندا وتكىزەمىن. بۇل جەردە ەكى تۇجى­رىم بويىنشا بەلبەۋلەرىمدى قور­عاي­مىن. سونىڭ ءبىرى – سۋپەر چەمپيون فەليكس شتۋرم بولسا, ەكىنشىسى – امەري­كا­لىق چەمپيون. سو­لار­دىڭ قايسىسى ۇسىنىسىمدى ءبىرىنشى قابىلداسا, سونىمەن كەزدەسەمىن», دەدى بوكسشى. ءسوزىنىڭ سو­ڭىندا گ.گولوۆكين كا­سىپ­قوي بوكس­تا قولعابىن شەگەگە ىلگەن سوڭ, شەت ەلدە قالماي, قازاق­ستان­عا كەلىپ, وتاندىق بوكستى دامىتۋ ءۇشىن جۇمىس ىستەيتىنىن ايتتى. گ.گولوۆكين بۇعان دەيىن 22 كەزدەسۋ وتكىزىپ, سونىڭ 19-ىندا قا­ر­سىلاستارىن نوكاۋتپەن, قال­عان ءۇش جەكپە-جەكتە ۇپاي سا­نى­مەن جەڭ­گەن. سونىڭ ىشىندە بيىل پانامادا كاسسيم وۋما مەن امە­ري­كا­لىق لاحۋان ساۋمون ەكەۋىن  نو­كاۋت­قا جىبەرىپ, اتاعىن قورعاپ قالدى. «پاراسات» وردەنى بوكسشىنىڭ العاشقى وردەنى ەمەس. بۇعان دەيىن ول وليمپيادانىڭ كۇمىس ءجۇل­دەگەرى اتانعاندا مەملەكەت تارا­پىنان «قۇرمەت» وردەنىمەن جانە باسقا دا مەدالدارمەن ماراپات­تالعان بولاتىن. داستان كەنجالين.